ඩේවිඩ් මිලර්ගේ ප්‍රහාරාත්මක ඉනිමේ ආශිර්වාදයෙන් මෙවර ඉන්දීය ප්‍රිමියර් ලීග් (අයි.පී.එල්.) ක්‍රිකට් තරගාවලියේ අවසන් මහා තරගයට සුදුසුකම් ලබා ගැනීමට ගුජරාට් ටයිටන්ස් කණ්ඩායම සමත් විය.

පවතින ආර්ථික හා දේශපාලනික අර්බුද මැද ශ්‍රී ලංකාවේ තරග සංචාරය සිදුකිරීම පිළිබඳ ඔස්ට්‍රේලියානු ඇතැම් ක්‍රිකට් ක්‍රීඩකයන් දෙගිඩියාවෙන් පසුවන බව විදෙස් මාධ්‍ය වාර්තා කරයි. ශ්‍රී ලංකාව වර්තමානයේ පත්වී ඇති තත්ත්වය මත ශ්‍රී ලංකාවේ සංචාරය කිරීම කොතරම් දුරට සදාචාරාත්මකදැයි ගැටළුවකින් ඔවුන් පසුවන බව විදෙස් මාධ්‍ය වැඩිදුරටත් වාර්තා කරයි.

ජර්මනියේ පැවැති මීටර් 100 ධාවන ඉසව්වකින් නව ශ්‍රි ලංකා හා දකුණු ආසියානු වාර්තාවක් පිහිටුවීමට ශ්‍රී ලංකා සුපිරි කෙටිදුර ධාවන ශූර යුපුන් අබේකෝන් සමත්විය. ඒ අනුව එම ඉසව්ව තත්පර 10.09කින් නිම කරමින් ඔහු මෙම වාර්තාව පිහිටුවීය. යුපුන් මේ අනුව බිද දැමුවේ මීට පෙර ඔහු විසින් පිහිටුවා තිබූ තත්පර 10.15ක වාර්තාවයි.

මේ අනුව රිජ්වේ ආර්යා රෝහල වෙනුවෙන් ඇමෙරිකානු ඩොලර් මිලියනක මුදලක් හා අපේක්ෂා රෝහලට තවත් ඩොලර් මිලියනයක් මේ අනුව ලබාදීමට නියමිතය.

ශ්‍රී ලංකා ටෙස්ට් ක්‍රිකට් කණ්ඩායම සමගින් මේ වන විට බංග්ලාදේශයේ තරග සංචාරයකට එක්ව සිටින යොවුන් ක්‍රීඩක කමිල් මිෂාර වහාම ක්‍රියාත්මක වන පරිදි යළි ශ්‍රී ලංකාවට ගෙන්වා ගැනීමට කටයුතු කරන බව ශ්‍රී ලංකා ක්‍රිකට් ආයතනය ඊයේ (24දා) නිවේදනය කළේය.

ඉන්දීය ප්‍රිමියර් ලීග් (අයි.පී.එල්.) ක්‍රිකට් තරගාවලියේ තවත් තීරණාත්මක තරගයක් (Eliminator) අද (25දා) රාත්‍රී 7.30ට කොල්කටාහි ඊඩ්න් ගාඩ්න්ස් ක්‍රීඩාංගණයේදී පැවැත්වේ.

ජිම්නාස්ටික් ක්‍රීඩාව සිදුකරන ක්‍රීඩක ක්‍රීඩිකාවන් සඳහා අවශ්‍ය උපකරණ ගෙන්වීමට 2020 වසරේදී රු. මිලියන 70ක් අනුමත කර ඇතත්, තවමත් එම උපකරණ ගෙන්වීමට බලධාරීන් අපොහොසත් වීමෙන් ක්‍රීඩක ක්‍රීඩිකාවෝ දැඩි දුෂ්කරතාවට පත්ව සිටිති.

මීටර් 100 ඉසව්වේ දකුණු ආසියානු වාර්තාවට මෙන්ම ශ්‍රී ලංකා ජාතික වාර්තාවටද හිමිකම් කියන යුපුන් අබේකෝන් මිටර් 200 ඉසව්වේද දකුණු ආසියා මෙන්ම ශ්‍රි ලංකා වාර්තාව තමන් සතු කර ගැනීමට සමත්ව තිබේ.

සන්රයිසස් හයිද්‍රාබාද් කණ්ඩායමේ නායක නවසීලන්තයේ කේන් විලියම්සන් සිය කණ්ඩායමෙන් ඉවත් වී ඊයේ (18දා) නැවත නවසීලන්තය බලා පිටත්ව ගියේය.

සත්කාරක බංග්ලාදේශය සමගින් චිතගොංහිදී පැවැත්වෙන පළමු ටෙස්ට් තරගයේසිව්වැනි දිනය නිමා වන විට ශ්‍රී ලංකාව සිය දෙවැනි ඉනිමට කඩුලු දෙකක් දැවී ලකුණු39ක් ලබා අසීරු තත්ත්වයක සිටිති. ඒ අනුව ඔවුන් බංග්ලාදේශ පළමු ඉනිමට වඩා ලකුණු29ක් පසුපසින් සිටින්නේ කඩුලු08ක් පමණක් අතැතිවයි.

සත්කාරක බංග්ලාදේශ කණ්ඩායම සමගින් පැවැත්වෙන පළමු ටෙස්ට් තරගයේ පළමු ඉනිම ක්‍රීඩා කළ ශ්‍රී ලංකා කණ්ඩායම සියලු දෙනා දැවී ලකුණු 397ක් රැස්කිරීමට සමත්විය.

බංග්ලාදේශ කණ්ඩායමට එරෙහිව බංග්ලාදේශයේ පැවැත්වෙන පළමු ටෙස්ට් තරගයේ පළමු ඉනිම ක්‍රීඩා කරන ශ්‍ රීලංකා කණ්ඩායම වෙනුවෙන් හිටපු නායක ඇන්ජලෝ මැතිව්ස් සිය 12 වැනි ටෙස්ට් ශතකය වාර්තා කිරිමට සමත්විය. මේ අනුව ඔහු සිය ටෙස්ට් දිවියේ ලකුණු 6500 සීමාවද ඉක්මවා ගියේය.

ඔස්ට්‍රේලියානු හිටපු ක්‍රිකට් තුන් ඉරියව් ක්‍රීඩක ඇන්ඩෲ සයිමන්ඩ්ස් ක්වීන්ස්ලන්තයේදී ​සිදුවූ රිය අනතුරකින් මිය ගොස් තිබේ. ඔහුගේ මරණය ඕස්ට්‍රේලියානු ක්‍රිකට් ආයතනය විසින් තහවුරු කර තිබේ. ඇන්ඩෲ සයිමන්ඩ්ස් මෙසේ අවාසනාවන්ත ලෙස මිය යන විට 46 වැනි වියේ පසුවිය.

ශ්‍රී ලංකා රග්බි සංගමය අත්හිටුවමින් හිටපු ක්‍රීඩා අමාත්‍ය නාමල් රාජපක්ෂ මහතා විසින් නිකුත් කළ අතිවිශේෂ ගැසට් නිවේදනය ක්‍රියාත්මක කිරීම අත්හිටුවමින් අභියාචනාධිකරණය අද (13) අතුරු නියෝගයක් නිකුත් කර තිබේ.

මාලදිවයිනේ පැවැත්වෙන දකුණු ආසියානු කනිෂ්ඨ මේසපන්දු තරගාවලියට සහභාගිවීම සඳහා ශ්‍රී ලංකා කණ්ඩායම ඊයේ (08දා) දිවයිනෙන් පිටත්ව ගියහ.

මෙවර ආසියානු ක්‍රීඩා උළෙලට සුදුසුකම් ලබා ගැනීමේ හොකී තරගාවලියේ සිය පළමු තරගයෙන් ජය වාර්තා කර ගැනීමට ශ්‍රී ලංකාව සමත්විය. ඒ පෙරේදා (07දා) පැවැති තරගයෙන් සිංගප්පූරුව පරදා ගෝල 5-2ක විශිෂ්ට ජයක්හිමි කර ගනිමිනි. මෙම තරගාවලිය තායිලන්තයේ බැංකොක් නුවරදී පැවැත්වේ.

වනිඳු හසරංගගේ අතිවිශිෂ්ට පන්දු යැවීම හේතුවෙන් සන්රයිසස් හයිද්‍රාබාද් කණ්ඩායම පරාජය කර ලකුණු 67ක ජයක් ලැබීමට රෝයල් චැලෙන්ජර්ස් බැංගලෝර් කණ්ඩායම සමත් විය. තරගාවලියේ 54වැනි තරගය ලෙස මෙය මුම්බායිහි වන්කඩේ ක්‍රීඩාංගණයේදී ඊයේ (08දා) සන්ද්‍යාවේදී පැවැත්විණි.

තරග දෙකකින් සමන්විත ටෙස්ට් තරගාවලියක් වෙනුවෙන් ශ්‍රී ලංකා කණ්ඩායම අද පෙරවරුවේ බංග්ලාදේශය බලා පිටත්ව ගියේය. නව පුහුණුකරු ක්‍රිස් සිල්වර්වුඩ් මහතාගේ පුහුණුකාරිත්වය යටතේ ශ්‍රී ලංකා කණ්ඩායම එක්වන පළමු තරගාවලිය මෙය වෙයි. ටෙස්ට් තරගාවලිය මීර්පූර් හා ඩකා හිදි පැවැත්විමට නියමිතව තිබේ.

සැප්තැම්බර් මාසයේදී හැංග්ෂුහිදී පැවැත්වීමට නියමිතව තිබූ ආසියානු ක්‍රීඩා උළෙල දින නියමයක් නොමැතිව කල් දැමීමට චීනය කටයුතු කර තිබේ. ඒ චීනය තුළ යළිත් කොවිඩ් නැගිටීමක් වාර්තාවීමත් සමගිනි.

ශ්‍රී ලංකා චෙස් සම්මේලනය විසින් සංවිධානය කරනු ලැබූ ජාතික ශූරතා චෙස් තරගාවලියේ පිරිමි ශූරතාව දිනා ගැනීමට කොළඹ නාලන්දා විද්‍යාලයේ ලොකුගේ සුසාල් සමත් විය. ඔහු මෙම ශූරතාව අඛණ්ඩව දිනාගත් දෙවැනි අවස්ථාව මෙයයි. මෙහි කාන්තා ශූරතාව කොළඹ ග්‍රැන්ඩ් පික්ස් චෙස් ක්‍රීඩා සමාජයේ සචිනි රණසිංහ දිනාගත් අතර, ඇය ශූරතාව දිනාගත් පස්වැනි අවස්ථාව මෙයයි.

බ.ඉ.කොදෙව් එක්දින හා විස්සයි20 ක්‍රිකට් නායකත්වය නිකලස් පූරාන්ට හිමිවී ඇත.ඒ එහි හිටපු නායක කිරන් පොලාඩ් එක්දින පිටියෙන් සමුගැනීමත් සමගිනි.

ගුජරාට් ටයිටන්ස් කණ්ඩායම පරාජය කර පෙරේදා (03දා) රාත්‍රියේ පැවැති තරගයෙන් කඩුලු 08ක පහසු ජයක් ලැබීමට භානුක රාජපක්‍ෂ ක්‍රීඩාකරන පංජාබ් කිංග්ස් කණ්ඩායම සමත් විය.

ශ්‍රී ලංකා ක්‍රිකට් ක්‍රීඩකයන්ගේ දක්‍ෂතාවලඅඩුවක් නොමැති බවත්, ඔවුන්ට විශ්වාසය ලබාදෙමින් වැඩකිරීම තම අරමුණ බවත් ශ්‍රී ලංකා ක්‍රිකට් කණ්ඩායමේ නව ප්‍රධාන පුහුණුකරු එංගලන්ත ජාතික ක්‍රිස් සිල්වර්වුඩ් පවසයි. සිය පත්වීම භාර ගැනීමෙන් පසු ඊයේ (04දා) කොළඹදී පැවැති පළමු මාධ්‍ය හමුවේදී හෙතෙම මේ බව පැවසීය.

බංග්ලාදේශයට එරෙහි තරග දෙකකින් සමන්විත ටෙස්ට් ක්‍රිකට් තරගාවලියට ක්‍රීඩා කරන ශ්‍රී ලංකා සංචිතය ඊයේ (04දා) එළිදක්වනු ලැබීය. දිමුත් කරුණාරත්නගේ නායකත්වයෙන් යුත් මෙම සංචිතයට නවක මුහුණු කිහිපයක් මෙන්ම මෑතකදී ජාත්‍යන්තර ටෙස්ට් ක්‍රිකට් පිටියේ දැකගැනීමට නොහැකි වූ කිහිප දෙනෙකුද කැඳවීමට ශ්‍රී ලංකා ක්‍රිකට් තේරීම් කමිටුව කටයුතු යොදා ඇත.

ශ්‍රී ලංකා සම්භවයක් ඇති පාපන්දු ක්‍රීඩිකා ජසින්ටා ගලබඩආරච්චි ස්කොට්ලන්ත PFA පාපන්දු සම්මාන උළෙලේදී වසරේ තරුණ ක්‍රීඩිකාවට හිමි සම්මානයෙන් පිදුම් ලබා තිබේ. ජසිින්ටා ලාංකික සම්භයක් ඇති ඔස්ට්‍රේලියානු ජාතික ක්‍රීඩිකාවකි.

ශ්‍රී ලංකා ක්‍රිකට් හි පුහුණුකරුවන්ගේ දැඩි වෙනසක් කර තිබේ. මේ අනුව ජාතික පන්දු රැකීමේ පුහුණුකරු ලෙස නෙදර් ලන්ත කණ්ඩායමේ හිටපු ප්‍රධාන පුහුණුකරු ඇන්ටන් රොවුස් පත්කර තිබේ.

ඉන්දීය ප්‍රිමියර් ලීග් (අයි.පී.එල්.) ක්‍රිකට් තරගාවලියට මෙවර ක්‍රීඩාකරන කණ්ඩායම් අතරින් වටිනාම කණ්ඩායම ශ්‍රී ලංකා හිටපු ටෙස්ට් නායක මහේල ජයවර්ධන ප්‍රධාන පුහුණුකරු ලෙස කටයුතු කරන මුම්බායි ඉන්දියන්ස් බව ෆෝබ්ස් සඟරාව අනාවරණය කර ඇත.

අයි.පී.එල් ක්‍රිකට් තරගාවලියේ චෙන්නායි සමගින් පැවති තරගයෙන් ලකුණු 11ක තියුණු ජයක් හිමිකර ගැනීමට මායන්ක් අගර්වාල්ගේ නායකත්වයෙන් යුත් පන්ජාබ් කිංග්ස් කණ්ඩායම සමත් විය. තරගාවලියේ 38වැනි තරගය ලෙසින් මෙය පෙරේදා (25දා) මුම්බායිහිදී පැවැත්විණි.

ශ්‍රී ලංකා නැගී එන කණ්ඩායම (Sri Lanka Emerging Team) එළඹෙන මැයි මාසයේදී එක්සත් රාජධානියේ තරග සංචාරයක නිරත වීමට නියමිතය. එහිදී ශ්‍රී ලංකා නැගී එන කණ්ඩායම සිව්දින තරග 03කට සහ විස්සයි20 තරග 03කට ක්‍රීඩා කිරීමට නියමිත බව ශ්‍රී ලංකා ක්‍රිකට් ආයතනය ඊයේ (26දා) නිවේදනය කළේය.