බැසිල් කඩුවෙල - ගම්මන්පිල විමල් CID යේ

දිවිනැගුම දෙපාර්තමේන්තුවේ සිදු වූ බව කියන මූල්‍ය අක්‍රමිකතාවක් පිළිබඳව සැකපිට අත්අඩංගුවට ගෙන සිටින හිටපු ආර්ථික සංවර්ධන අමාත්‍ය බැසිල් රාජපක්ෂ මහතා අද (20 දා) කඩුවෙල මහේස්ත්‍රාත් අධිකරණයට ඉදිරිපත් කිරීමෙන් පසුව නැවතත් 27දා දක්වා රක්ෂිත බන්ධනාගාර ගත කරනු ලැබීය. අසනීප තත්ත්වයේ සිටින හිටපු අමාත්‍යවරයා ගිලන් රථයකින් අධිකරණයට ගෙන ආ අතර ඔහුට එයින් බැසීමටද නොහැකි විය.

මේ අතර හිටපු අමාත්‍ය විමිල් වීරවවංශ මහතා සිය බිරිඳගේ ව්‍යාජ ගමන් බලපත්‍රයක් පිළිබඳව ප්‍රකාශයක් ලබාදීමටත්, පිවිතුරු හෙළ උරුමයේ නායක උදය ගම්මන්පිල තමන්ට එරෙහිව පවතින පැමිණිල්ලේ ප්‍රගතිය විමසීම සඳහාත් අපරාධ පරීක්ෂණ දෙපාර්තමේන්තුවට පැමිණියේය.