උපන්දා සිට කරපු පවු නැත වරක් වැන්දොත් කැළණියේ

අද මැදින් පුරපසළොස්වක පොහොය දිනයයි

මැදින් පුරපසළොස්වක පොහොය දිනය අදට යෙදී තිබේ. සිරිපා පොහොය ලෙසද  මැදින් පොහොය හඳුන්වන්නේ බැතිමතුන් රැසක් සිරිපා කරුණාකරන්නේ මෙම පොහොය සමයේ නිසාවෙනි.

බුදුරජාණන් වහන්සේ පළමුවරට ශාක්‍යයන් ජීවත්වන කිඹුල්වත් පුරයට වැඩම කළේද මැදින් පොහොය දිනයකදීය.

කාළුදායි රහතන් වහන්සේ මහණව සතියකින් පසුව බුදුරජාණන් වහන්සේට කිඹුල්වත් පුරයට වඩින ලෙස ආරාධනා කළ අතර, සුද්ධෝදන පියරජතුමා තමන් වහන්සේ දක්නට කැමැත්තෙන් සිටින බවද පැවසූහ. මේ අනුව බුදුරජාණන්වහන්සේ පළමුවරට කිඹුල්වත්පුරයට වැඩම කරන ලද්දේ මැදින් පොහොය දිනයේදීය. 

තවත් ආගමික මෙන්ම ශාසනික සිදුවීම් රැසක් සිදුවූ මෙම මැදින් පොහොය දිනයේ සීල,භාවනා ආදී පිංකම් කරමින් දෙලොව දියුණුව සලසා ගන්න. 

ඡායාරූප ප්‍රදීප් පතිරණ - කැළණි විහාරය