ගම්පහ ඔස්මන් නැමැත්තා ඝාතනය කිරීම සඳහා සූදානමින් සිටි පුද්ගලයන් දෙදෙනෙක් ගිනි අවි සහ ජීව උණ්ඩ තොගයක් සමග අත්අඩංගුවට ගත් බව පෑලියගොඩ අපරාධ කොට්ඨාසය කියයි

ශ්‍රී ලංකා කාන්තා ක්‍රිකට් නායිකා චමරි අතපත්තු ලෝක කාන්තා එක්දින පිතිකරණ ශ්‍රේණිගත කිරීම්වල පළමු ස්ථානයට පැමිණ තිබේ.

ජාතික විදුලිබල පද්ධතියට ගිගා වොට් පැය 290 (290 GWh)ක විදුලි ධාරිතාවක්. නව කෘෂිකාර්මික ඉඩම් හෙක්ටයාර් 4500කට සහ පැරණි ඉඩම් හෙක්ටයාර් 1500කට වාරි ජලය. බදුල්ල, මොණරාගල සහ හම්බන්තොට ප්‍රදේශවල පානීය සහ කාර්මික ජල අවශ්‍යතා සැපිරේ.

පාසල් පෝෂණ වැඩසටහන සඳහා වේයන්ගොඩ පිහිටි දිස්ත්‍රික් ධාන්‍ය ගබඩාවෙන් නිකුත් කර ඇත්තේ ගම්පහ ප්‍රාදේශීය සෞඛ්‍ය සේවා අධ්‍යක්ෂ විසින් පත් කළ විද්වත් කමිටුව මඟින් මිනිස් පරිභෝජනයට සුදුසු බවට නිර්දේශ කළ සහල් තොග පමණක් යැයි ජනාධිපති මාධ්‍ය අංශය පවසයි.

ජ්‍යොතිෂය වැඩසටහනක් සදහා උදෑසන හතට සහභාගිවීමට නියමිතව තිබූ නිසා අළුයම 5.45 පමණ කොළ කැඳ පානයක් රැගෙන සැමියා නිදා සිටි කාමරයට ගොස් අවදි කළත් ඊට යහපත් ප්‍රතිචාරයක් නොදැක්වීම නිසා පෞද්ගලික රෝහලකට ඇතුළත් කිරීමෙන් පසුව මියගොස් ඇති බව වෛද්‍යවරු පැවසුවේ යැයි ප්‍රවීණ ජ්‍යෝතිර්වේදී චන්ද්‍රසිරි බණ්ඩාර මහතාගේ බිරිද වන හිනිදුම ලියනගේ චම්පිකා (59) මහත්මිය පැවසුවාය.

කොරියාවේ රැකියා වීසා ලබාදෙන බව පවසා රුපියල් ලක්ෂ 30 ක මුදලක් වංචා කළයි කියන ප්‍රවීණ රංගන ශිල්පිනී දමිතා අබේරත්න සහ ඇගේ සැමියා වන ලෙන්ලි ජොන්සන් යන අයවලුන් භාවිත කරන ලද බැංකු ගිණුම් සම්බන්ධයෙන් අධිකරණයේ අවසරය මත තොරතුරු ලබා ගැනීමට විශේෂ පොලිස් කණ්ඩායමක් බන්ධනාගාරය වෙත ගිය බව අපරාධ පරීක්ෂණ දෙපාර්තමේන්තු සඳහන් කරයි.

වෑ මැඩිල්ල ජලාශය හරහා වයඹ ප්‍රදේශයට ජලය රැගෙන යෑම සඳහා අභිනවයෙන් ඉදිකරන ලද කොන්ක්‍රීට් සහිත වේල්ලකින් දිය නෑම සඳහා ගොස් දියේ ගසාගෙන යමින් සිටි දියණියකගේ සහ පියකුගේ ජීවිතය බේරා ගැනීමට මාධ්‍යවේදී කාංචන කුමාර ආරියදාස මහතාට පසුගියදා හැකි විය

වත්මන් දුම්රිය සාමාන්‍යාධිකාරී කේ.ඩබ්. බණ්ඩාර මහතා හදිසියේ ඇතිවූ රෝගී තත්ත්වයක් හේතුවෙන් අද පෙරවරුවේ අභාවප්‍රපාත්ත වී තිබේ. වෘත්තීමය ඉංජිනේරුවරයෙක් වන ඒ මහතා රෝගී තත්ත්වයක් හේතුවෙන් අනුරාධපුර ශික්ෂණ රෝහලට ඇතුළත් කිරීමෙන් අනතුරුව ජීවිතක්ෂයට පත්ව තිබේ.

මේ වසරේ ජනවාරි මස සිට මේ දක්වා වැලිකඩ බන්ධනාගාරය තුළ විවිධ හේතූන් මත පුද්ගලයන් 28 කු මිය ගොස් ඇතැයි බන්ධනාගාර ආරංචි මාර්ග සඳහන් කරයි. එලෙස මියගිය අය අතර කාන්තාවන් දෙදෙනෙකුද වන බව දැනගන්නට ඇත.

මැලේසියාවේ නාවික හමුදාවේ සැමරුම් උත්සවයක් සඳහා පෙරහුරුවීමක් අතරතුර හෙලිකොප්ටර් දෙකක් එකිනෙක ගැටී අනතුරට පත්ව 10 දෙනෙකු මියගොස් ඇති බව විදෙස් මාධ්‍ය වාර්තා කරයි.

පාතාල ක්‍රියාකාරකම් රැසකට සම්බන්ධ පුද්ගලයන් දෙදෙනෙක් පිස්තෝල ගිනි අවියකින් පොලිසිය දෙසට වෙඩි ප්‍රහාර එල්ල කර ත්‍රී රෝද රථයකින් පලායමින් සිටියදී මොරගහහේන මිල්ලෑව හන්දිය පුවක් වත්ත ප්‍රදේශයේදී පොලිස් වෙඩි පහරින් ජීවිතක්ෂයට පත්ව ඇතැයි මොරගහහේන පොලිසිය කියයි

මෙම සතියේ පාර්ලිමේන්තුව හෙට (24දා) සිට ලබන 26 වැනිදා දක්වා පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කර තිබේ.

දියතලාව Fox Hill සුපර්ක්‍රොස් තරගාවලිය අතරතුර පෙරේදා (21දා) සිදු වූ අනතුර සම්බන්ධයෙන් යුද හමුදාව විසින් අභ්‍යන්තර පරීක්ෂණයක් සිදුකරන බව යුදහමුදා මාධ්‍ය ප්‍රකාශක (අධ්‍යක්‍ෂ ජෙනරාල් ජනමාධ්‍ය හා මනෝ විද්‍යාත්මක මෙහෙයුම්) මේජර් ජෙනරල් රසික කුමාර මහතා සඳහන් කළේය.

මෙතෙක් වගා නොකළ නමුත් වගා කළ හැකි ඉඩම් වගා කිරීමට කැමති අය සඳහා නිදහස් කිරීමට රජය ප්‍රතිපත්තිමය තීන්දුවක් ගෙන ඇති බව අග්‍රාමාත්‍ය දිනේෂ් ගුණවර්ධන මහතා පැවසීය.මේ තුළ කිසිසේත්ම ඉඩම් හිමිකම් පැවරීමක් නොවන්නට වග බලාගන්නා බව ද හෙතෙම සඳහන් කළේය.

රට සංවර්ධනය කළ හැකි එකම නායකයා රනිල් වික්‍රමසිංහ මතතා පමණක් බවද,එදා රටේ පැවති අරගලය අවස්ථාවේ දී පාලනය භාරගෙන පැවති අවදානම් සහගත බවින් රට මුදාගන්නට ඔහුට හැකිවූ බවද, ජත්‍යන්තරය පවා ඔහුගේ නායකත්වය පිළිගන්නා බවද එක්සත් ජාතික පක්ෂයේ නියෝජ්‍ය නායක රුවන් විජේවර්ධන මහතා ප්‍රකාශ කළේය. ඒ මහතා මේ බව පැවසුවේ බියගම සිය කාර්‍යාලයේදී අලුත් අවුරුදු උත්සවය සඳහා පැමිණි ජනතාව අමතමිනි.

ජාතික පාරිභෝගික මිල දර්ශකයට අනුව 2024 පෙබරවාරි මාසයේදී 5.1% ක් ලෙස වාර්තා වූ මෙරට උද්ධමනය 2024 මාර්තු මාසය සඳහා 2.5%ක් දක්වා අඩුවී ඇත. කෙසේ වෙතත් 2024 පෙබරවාරි මාසයේ දී 5% ක් ලෙස වාර්තා වූ ආහාර කාණ්ඩයේ උද්ධමනය 2024 මාර්තු මාසයේදී වෙනසක් සිදුව නොමැත.

2019 වර්ෂයේ ආරම්භ කරන ලද තවමත් වැඩ නිමකොට නොමැති කෙරවලපිටිය - නුගපේ කිලෝ වොට් 33,000ක විදුලි රැහැන ඉදිකිරීම සම්බන්ධයෙන් මෙතෙක් පැවති බාධා ඉවත් කිරීමට අදාළ පාර්ශ්වවල එකඟතාවය පළ විය.

ජනපතිවරණය අවසන් වන තෙක් ණය ප්‍රතිව්‍යුහකරණයේ දී ආණ්ඩුව කල් මරන බවට සාධාරණ සැකයක් ඇතිවන බවත් ආණ්ඩුවේ මේ කල් මැරීම නිසා මූල්‍ය අරමුදලේ මී ලඟ වාරිකය මෙරටට අහිමි වීමේ අවදානමක් ද මතු වී ඇති බවත් පිවිතුරු හෙළ උරුමයේ නායක නීතිඥ උදය ගම්මන්පිල මහතා පවසයි.

ශ්‍රී ලන්කන් ගුවන් සේවය මිලදී ගැනීම වෙනුවෙන් සමාගම් හයක් අභිලාෂ ඉදිරිපත් කර තිබේ. මේ අතරින් ශ්‍රී ලංකාවේ පෞද්ගලික ගුවන් සේවාවක් වන ෆිට්ස් එයාර් සමාගම මෙන්ම ප්‍රකට ව්‍යාපාරික ධම්මික පෙරේරා සභාපතිත්වය දරණ හේලීස් සමාගමද වෙයි.

පශු වෛද්‍යවරයෙකුට සහ ඔහුගේ බිරිඳට අයත් රුපියල් ලක්ෂ 25 කට අධික වටිනා රන් ආභරණ තොගයක් වෑන් රථයක් තුළ තිබියදී සොරාගෙන ගොස් ඇතැයි කඩුවෙල පොලිසිය කියයි

උමාඔය බහුකාර්ය සංවර්ධන ව්‍යාපෘතිය ඇතුළු ඉරාන ණය ආධාර යටතේ ක්‍රියාත්මක වූ සංවර්ධන ව්‍යාපෘති කිහිපයක් ජනතා අයිතියට පත්කිරීමේ අවස්ථාවට එක්වීමට ඉරාන ජනපති ඊබ්‍රහිම් රයිසි මහතා එළැඹෙන 24 දා දිවයිනට පැමිණීමට නියමිතය.

මරණකරුගේ අනන්‍යතාව මේවනතෙක් තහවුරු වී නොමැති අතර අවුරුදු 45ත් 50 ත් වන අතර උස අඩි 05 යි අඟල් 04 ක් පමණ වන අතර උඩුකයට අළුපාට අත්කොට කමිසයක්ද යටිකයට ලාකොළ පාට හා කහපාට කොටු සහිත සරමක්ද ඇඳ සිටි ඇති අතර මුහුණ හඳුනා ගත නොහැකි තරම් විරූපී වී ඇති බව පොලිසීය පවසයි.

කන්තලේ මූලස්ථාන පොලිස් වසමට අයත් රජඇල ප්‍රදේශයේදී ඊයේ (21) සිදු වෑන් රථ අනතුරකින් පාසල් සිසුවියක් ජීවිතක්ෂයට පත් වූ අතර අනතුර සිදුවීමෙන් පසු පළා ගිය වෑන් රථ රියදුරා සොයා පරීක්ෂණයක් ආරම්භ කර ඇතැයි කන්තලේ පොලිසිය කියයි.

දියතලාව නරියාකන්ද ෆොක්ස්හිල් මෝටර්රථ අනතුර සම්බන්ධයෙන් සැකපිට අත්අඩංගුවට ගත් මෝටර් රථ තරගකරුවන් දෙදෙනා මේ මස 30 දින තෙක් රක්ෂිත බන්ධනාගාර ගත කර තැබමට බණ්ඩාරවෙල මහේස්ත්‍රාත් ඇන්ටනි එස්.පීටර් ෆෝල් මහතා අද (22දා) නියම කළේය.

පාසල් ආරම්භ කළ පසු දිවයිනේ 1-5 ශ්‍රේණිවල ප්‍රාථමික දරුවන් ලක්ෂ 16 කගේ යකඩ ඌණතාවය දුරළීම සඳහා සබල කරණය කරන ලද පෝෂ්‍ය පදාර්ථ එක්කල පළාත් මට්ටමින් බෙදා හැරීම සඳහා ආහාර කොමසාරිස් දෙපාර්තමේන්තුවේ වේයන්ගොඩ දිසා ධාන්‍යාගාරයේ ගබඩා කර තිබූ කෝටි ගණනක් වටිනා සහල් මිනිස් පරිභෝජනයට නුසුදුසු ඒවා බවට හඳුනා ගත් බව ශ්‍රී ලංකා මහජන පරීක්ෂ සංගමයේ සභාපති උපුල් රෝහණ මහතා අද (22) ප්‍රකාශ කළේය.

මෙලෙස සැකපිට අත්අඩංගුවට ගෙන ඇත්තේ මාතර හිත්තැටිය ප්‍රදේශයේ පදිංචි 36 හැවිරිදි අයෙක් සහ පේරාදෙණිය මාකන්ද ප්‍රදේශයේ පදිංචි 47 හැවිරිදි පුද්ගලයකු මෙසේ අත්අඩංගුවට ගත් බවයි, ඔවුන් දෙදෙනාද මේ වන විට අනතුරින් තුවාල ලබා දැනට පොලිස් ආරක්ෂාව යටතේ දියතලාව මූලික රෝහලේ ප්‍රතිකාර ලබමින් පසුවෙන බවද පොලිසිය කීය.

සත්වෝද්‍යාන දෙපාර්තමේන්තුවට අයත් උද්‍යානවලින් හා සෆාරි හා රුදවුම් මධ්‍යස්ථානවලින් පසුගිය අවුරුදු දින තුන තුලදී පමණක් රුපියල් එක්කෝටි හැත්තෑ හයලක්ෂ තිස්හත්දාස් පන්සිය හතලිස් හයක ආදායමක් උපයා ගැනීමට හැකිවී ඇතැයි සත්වෝද්‍යාන දෙපාර්තමේන්තුව නියෝජ්‍ය අධ්‍යක්ෂිකා දිනූෂිකා මානවඩු මහත්මිය පැවසීය .

ශ්‍රී ලංකා පොදුජන පෙරමුණෙහි සමාජිකත්වය දරමින් වෙනත් පක්ෂයක වැඩබලන සභාපති ධුරයට පත්වීමට අදාළව අමාත්‍ය විජයදාස රාජපක්ෂ මහතා සම්බන්ධයෙන් ඉදිරි ක්‍රියාමාර්ග ගැනීම සඳහා පක්ෂයේ විනය මණ්ඩලය විසින් නිර්දේශ ඉදිරිපත් කරනු ඇතැයි ශ්‍රී ලංකා පොදුජන පෙරමුණෙහි ප්‍රධාන ලේකම්, පාර්ලිමේන්තු මන්ත්‍රී සාගර කාරියවසම් මහතා ප්‍රකාශ කළේය.

ජෝතිර්වේදී චන්ද්‍රසිරි බණ්ඩාර මහතා අද ( 22) උදෑසන අභාවප්‍රුාප්ත වී තිබෙනවා