අද වනවිට රටේ ජනතාව තීරණාත්මක අවස්ථාවක සිටින බවත් මෙම තත්ත්වයට විසදුම් ලබා දීම පිනිස මේ වසරේදී පැවැත්වෙන ජනාධිපතිවරණයෙන් ජය ගැනීම සඳහා එක්සත් ජාතික පක්ෂය සූදානම් වෙමින් සිටින බවත් එම පක්ෂයේ නියෝජ්‍ය නායක රුවන් විජයවර්ධන මහතා ගම්පහදී පැවසීය.

සිකුරාදා (09) පස්වරුවේ සිට අධික වන්දනාකරුවන් පිරිසක් පැමිණීමත් සමග නල්ලතන්නිය-ශ්‍රීපාද මාර්ගයේ ශ්‍රීපාද මළුවේ සිට රතු අම්ඹලම ප්‍රදේශය දක්වා දැඩි තදබදයක් පැවති බවත්, තමන්ට පැය ගණනක් එකම ස්ථානයක රැඳී සිටීමට සිදුවුණ බවත් වන්දනාකරුවෝ පැවසූහ.

බල පත්‍ර නොමැතිව ඩ්‍රෝන කැමරාවක් ගුවන් ගත කළ පුද්ගලයෙකු එම කැමරාවද සමග යාපනය පොලීසිය විසින් අත්අඩංගුවට ගෙන තිබේ. තෙලිප්පේ පොලිස් වසමේ දුර්ගා අම්මාන් කොවිල අසළදි තෙලිප්පේ පොලිස් ස්ථානයෙ නිලධාරීන්ට ලද තොරතුරක් අනුව මෙම අත්අඩංගුවට ගැනීම සිදුකර තිබේ.

බූස්ස අධි ආරක්ෂිත බන්ධනාගාරයේ සඟවා තිබූ ස්මාර්ට් ජංගම දුරකථන 01 ක්, කුඩා ප්‍රමානයේ ජංගම දුරකථන 02 ක්, සිම්පත් 04 ක්, මෙමරි චිප් 01 ක්, පිටත ආවරණ ඉවත් කරන ලද දුරකථන චාජර් 02 ක්, ඩේටා කේබල් 02 ක් හා හෑන්ඩ් ෆ්‍රී 01 ක් එහි තිබී සොයාගෙන ඇත

කලක පටන් පැවති ඉඩම් ආරවුලක් හේතුවෙන් මහකුඹුක්කඩවල සෙම්බුකුලිය ප්‍රදේශයෙ 10 දින සවස සිදුවු වෙඩි තැබිමකින් තිදරු පියකු බරපතල තුවාල ලබා පුත්තලම මූලික රෝහලට ඇතුලත් කිරීමේන් පසු මරණටය පත්ව ඇති බව මහකුඹුක්කඩවල පොලිසිය කියයි.

ඕස්ට්‍රේලියාවේ පර්ත් නුවර පැවති 07 වන ඉන්දීය සාගර සමුළුවට සහභාගී වීමට එහි ගොස් සිටි ජනාධිපති රනිල් වික්‍රමසිංහ මහතා 02/10 දින රාත්‍රී ශ්‍රී ලංකාවට පැමිණි බව ගුවන් තොටුපොළ කාර්යය භාර නිලධාරීවරයා ද සනාථ කළේය.

දේශපාලනඥයෙකුගේ සහාය ලබා ගනිමින් සමාජ මාධ්‍ය ඔස්සේ අපහාසාත්මක ප්‍රකාශයන් කළ පුද්ගලයෙක් අත්අඩංගුවට ගත් බව මහජන ආරක්ෂක අමාත්‍ය ටිරාන් අලස් මහතා පැවැසීය.

ලංකාවේ ගුවන් තොටුපොළ තුනක කළමනාකරණය ඉන්දීය ප්‍රම්‍රඛ පෙලේ ව්‍යාපාරික ජාලයක් වන අදානි සමූහයට පැවැරීම වෙනුවෙන් මේ වන විට සාකච්ඡා ආරම්භ කර ඇති බව අමාත්‍ය හරීන් ප්‍රනාන්දු මහතා පවසයි.

අස්වැසුම දෙවැනි අදියර සඳහා එළැඹෙන 15 දා සිට අයදුමපත් කැඳවන බව සුබසාධක ප්‍රතිලාභ මණ්ඩලය දැනුම් දෙයි.

බෙලිඅත්ත පොලිස් බල ප්‍රදේශයට අයත් බෙලිඅත්ත - මත්තල පිවිසුම් මාර්ගයට වම් පසින් පිහිටා තිබූ නිවසක් අසල නවතා තිබූ යතුරුපැදියක් සොරකම් කරීමක් සම්බන්ධ ව බෙලිඅත්ත පොලීසියට අද (10)දින පැමිණිල්ලක් ලැබී ඇති බව බෙලිඅත්ත පොලීසිය පවසයි.

ආරක්ෂිත සහ සමෘද්ධිමත් ඉන්දියන් සාගරයක් වෙනුවෙන් එක්ව කැපවෙමු ඉන්දියන් සාගරය තුළ පවතින තීරණාත්මක ගැටලු විසඳා ගැනීමට පුළුල් සැලැස්මක් අවශ්‍යයි. ඉන්දියන් සාගරයේ නාවික ගමනාගමනයේ නිදහස පිළිබඳව නැවත අවධානය යොමු කළ යුතුයි. වසර 5ක් තුළ නිදහස් ස්වාධීන පලස්තීන රාජ්‍යයක් පිහිටුවිය යුතුයි – 7 වැනි ඉන්දීය සාගර සමුළුවේ ප්‍රධාන දේශනය සිදු කරමින් ජනපති අවධාරණය කරයි.

2023 අංක 9 දරන දුෂණ විරෝධී පනතෙහි (සංශෝධන පරිදි) විධිවිධාන යටතේ අල්ලස් හෝ දූෂණ චෝදනා විමර්ශන කොමිෂන් සභාවට අධ්‍යක්ෂ ජෙනරාල්වරයෙකු පත් කිරීම සඳහා නිර්දේශ කිරීමට සුදුස්සෙකු තෝරා ගැනීම වෙනුවෙන් ආණ්ඩු ක්‍රම ව්‍යවස්ථා සභාව මගින් මාර්තු 04 දා දක්වා අයදුම්පත් කැඳවා තිබේ.

උඩරට දුම්රිය මාර්ගයේ දුම්රියයන් නිතරම පීලි පැනීමට ලක් වීම සහ බොහෝ අවස්ථාවල දුම්රියයන් ප්‍රමාද වී ධාවනය වීම් පිළිබඳව පරීක්ෂණයක් කරන ලෙස දුම්රිය දෙපාර්තමේන්තුවෙන් ඉල්ලීමක් කළ බව බදුල්ල දිස්ත්‍රික් පාර්ලිමේන්තු මන්ත්‍රී වඩුවේල් සුරේෂ් මහතා පැවසීය.

ලබන ජූලි ,අගෝස්තු වෙනකොට මහ මැතිවරණය හා ජනාධිපතිවරණය පැවැත්විය යුතු බවත් පළමුව පැවැත්වීමට නියමිතව ඇත්තේ ජනපතිවරණයන බවත් හිටපු ක්‍රීඩා අමාත්‍ය රොෂාන් රණසිංහ මහතා පැවැසීය.

පාකිස්තානෙය් පැවැති මහ මැතවණයෙන් තමන් ජයග්‍රහණය කළ බවත් එය සමරන ලෙසත් හිටපු අග්‍රාමාත්‍ය ඉම්රාන් ඛාන් පවසයි. එම ජයග්‍රහණය සමරන ලෙස ඔහු සිය ආධාරකරුවන්ගෙන් ඉල්ලා සිටියි. ඉම්රාන් ඛාන් මේ වන විට සිරගතව සිටියි.

නාවලපිටිය සිට නානුඔය දක්වා ධාවනය වු 779 මගි සහ භාණ්ඩ ප්‍රවාහන දුම්රිය පිලි පැනිම හේතුවෙන් උඩරට දුම්රිය මාර්ගයේ ගමනා ගමනයට බාධා පැමිණ ඇති බව නාවලපිටිය දුම්රිය පාලක මැදිරිය පැවසිය.

“මම ජනාධිපති තුමා හමු වූයේ පාර්ලිමේන්තුව තුලදී.ඒ මුදල් අමාත්‍යාංශයට අදාල දෙයක් ගැන කතා කරන්නයි.ජනාධිපතිතුමා හමුවෙන්න මට වගේම මේ රටේ ඕනෑම පුරවැසියෙකුට අයිතියක් තිබෙනවා.එතුමා මුදල් අමාත්‍යවරයා.මම මුදල් අමාත්‍යාංශයට ගිහින් එලියෙදි හමු වුනේ නෑ.

ඔක්කම්පිටිය පොලීසියේ පොලිස් සැරයන්වරයෙකුගේ ගිනිඅවියක් ඉකුත් (08) වෙනිදා ඉබේ පත්තුවීමෙන් පොලිස් කොස්තාපල්වරයෙකු තුවාල ලබා ඇතැයි මොනරාගල රෝහල් පොලීසිය පවසයි.

ඉදිරි වර්ෂ කීපය තුළ ජාත්‍යන්තර ඉල්ලුමට සාපේක්ෂව දේශීය පුවක් සැපයුම ඉහළ නැංවීමේ අරමුණින් මෙම වර්ෂයේදී පුවක් පැළ මිලියනයක් රෝපණය කිරීමට සූදානම් කර ඇතැයි අපනයන කෘෂිකර්ම දෙපාර්තමේන්තුවේ අධ්‍යක්ෂ ජනරාල් ආචාර්ය ඒ.පී.පී.දිස්නා මෙනවිය පැවසීය.

රජයේ මුදල් පිළිබඳ කාරක සභාවේ සභාපති ධුරය සදහා පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා යළි පත් කර තිබේ.

මේ වසරේ ඉන්දියාවෙන් ඇනවුම් කල පළමු බිත්තර මිලියන 7ක තෙගයේ පළමු කොටස ලංකාවට ලැබී ඇති බව රාජ්‍ය විවිධ නීතිගත සංස්ථාව පවසනවා.

චීන සාම්ප්‍රදායික නව වසර අද (9) රාත්‍රියේ උදාවෙයි. චීන මාධ්‍ය සමූහය විසින් නිෂ්පාදනය කරන ලද වසන්ත උත්සව සංස්කෘතික ප්‍රසංගය අද රාත්‍රී 8 ට ලොව පුරා ප්‍රේක්ෂකයන් හමුවේ දිගහැරේ. මෙම වසන්ත උත්සව ප්‍රසංගය වසර 40 කට වැඩි කාලයක් තිස්සේ සමස්ත චීන ජාතිකයන්ගේ උණුසුම් හැඟීම් ලොවට රැගෙන ගිය අතර, එය නව වසරේ සතුට සමරන චීන ජාතිකයන්ට විශිෂ්ට රසාස්වාදයක් තිළිණ කරන අත්‍යවශ්‍ය අංගයක් බවට පත්ව ඇත. විශේෂයෙන්ම, එක්සත් ජාතීන්ගේ මහා මණ්ඩලය වසන්ත උත්සවය එක්සත් ජාතීන්ගේ න

මෙන්ති සංස්ථාව සතු අක්කර 5000ක ඉඩමෙන් වසරකට ඩොලර් මිලියන 300ක් උපයා ගත හැකි සැලැස්මක් ඇති බවත් ඒ වෙනුවෙන් ආයෝජනය කිරීමට සූදානම් ආයතනයක් ද මේ වන විට තෝරාගෙන ඇති බවත් ප්‍රාථමික කර්මාන්ත රාජ්‍ය අමාත්‍ය චාමර සම්පත් දසනායක මහතා පැවසීය.

පෙබරවාරි මස 09 දිනට යෙදී ඇති ලෝක පීට්සා දිනය නිමිත්තෙන් මීගමුව , ඒත්තුකාළ ප්‍රදේශයේ පිහිටි ටුක් ටුක් වයින් ඇන්ඩ් ඩයින් හෝටලය ලංකාවේ විශාලතම පීට්සා ව 02/09 දින රාත්‍රී එම හෝටල් පරිශ්‍රයේ දී නිර්මාණය කිරීමට පියවර ගෙන තිබුණි.

දැන් අපේ සංචිත ඩොලර් මිලියන 4500ක් තියෙනවා කියලා ජනාධිපතිතුමන් ආඩම්බරයෙන් කිව්වා. 2022 සහ 2023 වසරේත් මේ වසරේ පලමු මාසයත් ඇතුලත ඩොලර් මිලියන 11 000ක ණය ගෙවීම නතර කර තියෙනවා.

යාත්‍රාවලට ඉන්ධන පිරවීමේ කටයුතු (bunkering system) යළි ආරම්භ කිරීම හරහා ඉන්ධන මෙට්‍රික් ටොන් 5,200ක් අලෙවි කිරීමෙන් ඩොලර් මිලියන 03ක් උපයා ගැනීමට හැකි වූ බව විදුලිබල හා බලශක්ති රාජ්‍ය අමාත්‍ය ඩී. වී. චානක මහතා පැවසීය.

ඉන්දියාවේ නාගපට්නම් ශ්‍රී ලංකාවේ ත්‍රිකුණාමල ටැංකි සංකීර්ණය හා කොළඹ සම්බන්ධ කරමින් බහු නිෂ්පාදන තෙල් නල මාර්ගයක් ඉදිකිරීම වෙනුවෙන් සාකච්ඡාවක් පවත්වා තිබේ. ඉන්දියානු රජය ඉන්දීය තෙල් සමාගම හරහා මෙම යෝජනාව ශ්‍රී ලංකාවට ඉදිරිපත් කර තිබේ.

2022 (2023) අ.පො.ස. (උසස් පෙළ) විභාගයේ පිළිතුරු පත්‍ර ඇගයීම් කාර්යයන් සඳහා සහභාගි වන පරීක්ෂකවරුන් වෙත රු. 1,450.00 සිට රු. 2,000.00ක් දක්වා වැඩි කර ගෙවන ලද අවම සංහෘත දීමනාව 2023 (2024) අ.පො.ස. (උසස් පෙළ) විභාගයේ ඇගයීම් පරීක්ෂකවරුන් සඳහා ද ගෙවීමට අමාත්‍ය මණ්ඩලයේ අනුමැතිය ලැබී ඇතැයි අධ්‍යාපන අමාත්‍යාංශය විශේෂ නිවේදනයක් මගින් පවසයි.

ජාත්‍යන්තර මූල්‍ය අරමුදල සමග මාර්තු මාසයේදී පමණ දෙවන සමාලෝචනය සිදු කිරීමට නියමිතයි. ඒ අනුව රටේ ආර්ථිකය ශක්තිමත් කිරීම සඳහා වැඩ පිළිවෙළක් ක්‍රියාත්මක කෙරෙනවා. ජාත්‍යන්තර මූල්‍ය අරමුදලේ මග පෙන්වීම අනුව කෙටි කාලයක් තුළදී ශ්‍රී ලංකාව තුල ශක්තිමත් ආර්ථිකයක් ඇති කිරීමට හැකියාව ලැබුණා.