චීනයේ සිට මෙරටට දූත පිරිසක් පැමිණි බවත් ඔවුන් නිරෝධායනයට යොමු නොකරන බවත් සෞඛ්‍ය අමාත්‍ය පවිත්‍රා වන්නිආරච්චි මහත්මිය පැවසීය.

මිනුවන්ගොඩ කොවිඩ් පොකුරට සම්බන්ධව තවත් ආසාදිතයන් 9ක් වාර්තා වී තිබේ. මේ අතරින් එක් අයෙක් ඇඟළුම් කම්හලේ සාමාජිකයෙක් වන අතර අනෙක් අට දෙනා ඔවුන්ගේ සමීපතමයින් වෙයි

කොරෝනා ආසාදිත බවට තහවුරු වී සිටින මිනුවන්ගොඩ බ්‍රැන්ඩික්ස් ඇඟළුම් කම්හලේ සේවය කරන පොල්පිතිගම රාවාඇළ පදිංචි සේවිකාවගේ මවට මෙන්ම පියාටද කොරෝනා වෛරසය ආසාදනය වී ඇතැයි තහවුරු වී තිබේ.

දේශීය ස්වයංපෝෂිත ආර්ථිකයක් ගොඩ නැගීම වත්මන් ආණ්ඩුවේ ප්‍රතිපත්තිය බවත් භාණ්ඩ ආනයනය නැවැත් වූ බැවින් කොවිඩ් වසංගතය හමුවේ වුවද ඩොලරය ස්ථාවරව පවත්වා ගැනීමට රජයට හැකියාව ලැබී ඇති බවද කෘෂිකර්ම අමාත්‍ය මහින්දානන්ද අලුත්ගමගේ අද පාර්ලිමේන්තුවේ දී පැවසීය

පිරිවෙන් අධ්‍යාපනයේ ගැටලු පිළිබඳ හා පිරිවෙන් අධ්‍යාපනය නඟා සිටුවීම සම්බන්ධයෙන් යෝජනා සාකච්ඡා කිරීමේ විශේෂ සාකච්ඡාවක් රාජ්‍ය අමාත්‍ය විජිත බේරුගොඩගේ ප්‍රධානත්වයෙන් පසුගියදා දහම් පාසල්,පිරිවෙන් හා භික්ෂු අධ්‍යාපන රාජ්‍ය අමාත්‍යාංශ ශ්‍රවණාගාරයේදී පැවැත්වූණි.

හොරණ මූලික රෝහලේ නිලධාරිනියක් අද සවස කොවිඩ් ආසාධිත තත්වයට පත්ව ඇතැයි මදුරාවල සෞඛ්‍ය වෛද්‍ය නිලධාරී වෛද්‍ය එරන්දි කුලරත්න මහත්මිය පැවසුවාය.

කොවිඩ් 19 වෛරසය ශරීරගතවී ඇතිදැයි සැකපිට බදුල්ල සොරණාතොට ප්‍රාදේශීය ලේකම් කොට්ඨාසයේ මීගහවෙල වසමේ පවුල් 15 කට අයත් 50 දෙනෙකු සිය නිවෙස්වල ස්වයං නිරෝධායනයට යොමුකර සිටිති.

ගම්පහ දිස්ත්‍රික්කයේ පොලිස් ඇඳිරි නීතිය පනවා ඇති ප්‍රදේශවල සතොස සහ සමුපකාර අලෙවිසැල් හෙට (9) සිට විවෘත කරන බව වෙළෙඳ අමාත්‍ය බන්දුල ගුණවර්ධන පවසයි.

මිනුවන්ගොඩ ඇඟලුම් කම්හලේ සේවයෙන් ඉවත්වූ බව කියන දෙදෙනකුගේ පී.සී.ආර් පරීක්ෂණ අනුව ඔවුන් කොරෝනා ආසාදිත නොවන බවට හඳුනාගෙන ඇතැයි තංගල්ල සෞඛ්‍ය වෛද්‍ය නිලධාරි ජගත් ගජධීර මහතා කියයි.

ඇදිරි නීතිය පැනවූ බවට ජනපති මාධ්‍ය ඒකකයේ ලිපි ශීර්ෂයක සාවද්‍ය පුවතක් සඳහන් කර සමාජ මාධ්‍යයේ පළ කළ 18 වියැති තරුණයා මීටියාගොඩ දී සි අයි ඩී අත්අඩංගුවට පත් වූ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ පවසයි.

චීන කොමියුනිස්ට් පක්ෂයේ සහ එම රජයේ උසස් තනතුරු රැසක් හොඹවන 26 දෙනෙකුගෙන් සමන්විත චීන රජයේ දූත පිරිසක් , දෙදින නිල සංචාරයක් සදහා අද දින රාත්‍රී චීනයට අයත් විශේෂ ගුවන් යානයකින් කටුනායක ගුවන් තොටුපළ වෙත පැමිණ තිබේ

සෞභාග්‍යයේ දැක්ම යටතේ සාගර විශ්වවිද්‍යාලයේ ධීවර, සමුද්‍රීය හා නාවික ඉංජිනේරු ක්ෂේත්‍රවල වෘත්තීය හා අධ්‍යාපන අවස්ථා පුළුල් කිරීමට අග්‍රාමාත්‍ය මහින්ද රාජපක්ෂ අද දින උපදෙස් දුන්නේය.

රජයේ ප‍්‍රවෘත්ති දෙපාර්තමේන්තු පරිශ‍්‍රයේ ස්ථාපිත කර ඇති රජයේ ප‍්‍රකාශන කාර්යාංශය හෙට සිට ලබන 16 දින දක්වා තාවකාලිකව වසා දමා තිබේ.

පාසල්වල පවත්නා ගුරු පුරප්පාඩු පිරවීම සඳහා දැනටමත් සැළසුම් සකස් කර ඇතැයි අධ්‍යාපන අමාත්‍ය මහාචාර්ය ජී.එල් පීරිස් අද (08) පාර්ලිමේන්තුවේ දී පැවසීය.

මිනුවන්ගොඩ ඇඟලුම් කර්මාන්ත ශාලාවේ ආසාදිත පුද්ගලයින්ගේ සමීපතමයින් 10 දෙනෙකුට කොවිඩ් -19 වෛරසය වැළදී ඇති බවට තහවුරු වී ඇත.

සබරගමු පළාතේ රත්නපුර සහ කෑගල්ල දිස්ත‍්‍රික් දෙකෙන් අද වනවිට කෝවිඞ් 19 ආසාදිත බවට තහවුරුවී ඇති 08 දෙනාම බ‍්‍රැන්ඩික්ස් ඇඟලූම්හල් පොකුරට අයත් බව එම දිස්ත‍්‍රික් දෙකේ වසංගත රෝග විද්‍යාඥයින් අනාවරණය කර ඇති බව සබරගමු පළාත් මාධ්‍ය ඒකකය පවසයි.

මිනුවන්ගොඩ බ්‍රැන්ඩික්ස් කම්හලේ සේවයේ නියුතු පිරිසට වාර්තා කිරීම සඳහා අද දිනය අවසාන දිනය බවත් යම් අයෙකු මිනුවන්ගොඩ ඇඟලුම් කම්හලට අනුයුක්තව සේවය කර ඇත්තනම් ළගම පොලිස් ස්ථානයට වාර්තා කරන ලෙසත් මාධ්‍ය ප්‍රකාශකවරයා නිවේදනය කර සිටියි

ගම්පහ දිස්ත්‍රික්කයේ පොලිස් බල ප්‍රෙද්ශ 18කට පනවා ඇති නිරෝධායන නීතිය උල්ලංඝනය කිරිම හේතුවෙන් අත්අඩංගුවට ගත් පුද්ගලයින් ගණන 80 දක්වා ඉහළ ගොස් තිබේ.

හෙට (09) දිනයේ පාර්ලිමේන්තු කටයුතු පෙරවරු 10 ට ආරම්භ කර වාචික පිළිතුරු අපේක්ෂා කරන ප්‍රශ්න සඳහා පමණක් සීමා කිරීමට අද (08) රැස්වූ පාර්ලිමේන්තු කටයුතු පිළිබඳ කාරක සභාව තීරණය කළේය.

කෝවිඩ් වෛරසය ආසාධනය වූ බවට හදුනා ගෙන ඇති ආසාධිතයෙකු හලාවත, අඹකදවිල ගම්මානයෙන් අද (08) වැනිදා හමු වී ඇත. හලාවත මහා රෝහලට වෙනත් රෝගයකට ප්‍රතිකාර ලබා ගැනීම සදහා පසුගිය 06 වෙනිදා ඔහු රෝහලට පැමිණ ඇත.

කොරෝනා වසංගතය හේතුවෙන් රටේ ඇති වි තිබෙනා අවධානම් සෞඛ්‍ය තත්වයත් සමග අනුරාධපුර පොත් වසන්තය ප්‍රදර්ශනය නැවත්විම සදහා තමන් පියවර ගත් බව අනුරාධපුර මහ දිසාපති නීතිඥ ආර්.එම් වන්නිනායක මහතා පවසයි.

කොරෝනා රෝග තත්ත්වය හමුවේ ගම්පහ දිස්ත්‍රික්කයෙහි අවශ්‍ය කටයුතු සදහා සෞඛ්‍ය අමාත්‍යංශය සහ පළාත් සෞඛ්‍ය අමාත්‍යංශය මගින් අමතර ගිලන් රථ සහ මහජන සෞඛ්‍ය පරීක්ෂක වරුන් පිරිසක් අනුයුක්ත කොට ඇති බව දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

[UPDATE] මිනුවන්ගොඩ පොලිස් ස්ථානයේ පවතින ආපනශාලාවේ සේවය කළ සේවකයෙකු කොවිඩ් ආසාදනය වී තිබේ.

මේ අභියෝගාත්මක අවස්ථාවේදී සෞඛ්‍ය බලධාරීන් විසින් ලබා දී ඇති උපදෙස් පිළිපදින ලෙසත් ඇතැම් පාර්ශවයන් විසින් බෙදාහරිනු ලබන අසත්‍ය ප්‍රචාර වලට නොරැවටී පිළිගත හැකි රාජ්‍ය තොරතුරු සේවාවලින් අවශ්‍ය තොරතුරු ලබාගන්නා ලෙසත් ඉල්ලමි.

ශාන්ත බ්‍රිජේඩ් කන්‍යාරමෙයේ සිසුවියකුගේ දෙමාපියෙකුට කෝවිඩ් - 19 ආසාදනය වී ඇත.

ඒ අනුව ප්‍රධාන මාර්ගයේ මාර්ගයේ බටුවත්ත සිට යත්තල්ගොඩ (බුළුගහගොඩ/ගනේමුල්ල/යාගොඩ/ගම්පහ/දාරලුව/බෙම්මුල්ල/මගෙලගොඩ/හීන්දෙණිය පට්ටිගෙඩ/වේයන්ගොඩ/වඳුරව/කීනවල/පල්ලෙවෙල/ගනේගොඩ/විජය රජදහන/මීරගම/විල්වත්ත/බෝතලේ/අඹේපුස්ස) දක්වා දුම්රිය නොනවත්වා ධාවනය වෙයි. මේ අතර පුත්තලම දුම්රිය මාර්ගයේ පේරලන්ද හා කුරන යන දුම්රිය ස්ථාන තුළද දුම්රිය නොනවත්වා ධාවනය වෙයි.

මීට අමතරව ඇතුළත මෙන්ම පිටත සාද පැවැත්වීම තහනම් අතර ජනතාව ඒකරාශි කිරීමද තහනම් වෙයි. සිනමා ශාලා, තැබෑරුම්හල්, කැසිනෝ හා සමාජ ශාලා, සූදු තැබීමේ ස්ථාන, සම්භාහන මධ්‍යස්ථාන, කාමර ලබාදෙන ස්ථාන විවෘත කිරීම තහනම් කර තිබේ.

සිකුරාදා දින යාච්ඥා හා අනෙකුත් යාච්ඥා සඳහා වරකට සහභාගී විය හැකි උපරිම පිරිස 50 ක් බව මුස්ලිම් ආගමික දෙපාර්තමේන්තුව නිවේදනය කර සිටියි.

පාර්ලිමේන්තු කාර්ය මණ්ඩලයේ සාමාජිකයෙකුට හෝ සාමාජිකයෙකුගේ ඥාතියෙකුට කෝවිඩ් 19 වැලඳී ඇතැයි සමාජ ජාල මාධ්‍ය ඔස්සේ පළ වන ප්‍රචාරවල සත්‍යතාවක් නොමැති බව පාර්ලිමේන්තුවේ සන්නිවේදන දේපාර්තමේන්තුව නිවේදනය කර සිටී.