මේ රටේ මත්ද්‍රව්‍ය ජාවාරම කවුරු මෙහෙයවුවද ජනාධිපති ගෝඨාභය රාජපක්ෂ මහතාගේ නායකත්වයෙන් යුතුව මත්ද්‍රව්‍ය ජාවාරම සම්පුර්ණයෙන්ම නැති කර මත්ද්‍රව්‍යවලින් තොර ශ්‍රි ලංකාවක් බවට කඩිනමින් පත් කරන බව නුවරඑළිය දිස්ත්‍රික් පා.ම එස් .බි.දිසානායක මහතා පැවසිය.

කෝවිඩ් - 19 ආසාදනය වූ තවත් 11ක් පූර්ණ සුවය ලබා තිබේ.

මහියංගණ, සමගිපුර ප්‍රදේශයේ කලක පටන් හෙරොයින් මත්කුඩු ජාවාරමේ නිරතව සිටි “ ටයියා “ නම් නමගිය මත්කුඩු ජාවාරම්කරු හා ඔහුගේ බිරිද මත්කුඩු ග්රෑම් 03යි මිලිග්රෑම් 500ක් සමග පෙරේදා (31) සවස අත් අඩංගුවට ගත් බව මහියංගණ පොලිසිය පවසනවා.

මෙහිදි රැකියා ලාභීන් කිසියම් හෝ පාර්ශ්වයකට අදාළ රැකියා ලැබීම හේතුවෙන් මුදල් හෝ අල්ලසක් ලබාදීමට කටයුතු නොකළ යුතුව ඇතැයි ජනපති මාධ්‍ය අංශය නිවේදනය කරයි.

යාපනය අර්ධද්වීපයේ උසස්පෙළ හදාරනු ලබන පාසල් සිසු සිසුවියන් 161 දෙනෙකු සඳහා උතුරු මුහුදේ මුහුදු සංචාරයක් ලබා දීමට නාවික හමුදාව පසුගිය 2020 අගෝස්තු 30 දින කටයුතු කෙරිණි.

වයස අවුරුදු දෙක හමාරක් වන තම දියණියද සමඟ යතුරු පැදියකින් කේරළ ගංජා අලෙවි කිරීමේ යෙදී සිටි අඹු සැමි යුවළක් කටුගස්තොට පොලිසියේ දූෂණ මර්දන අංශය මගින් අද 01 වනදා අත් අඩංගුවට ගනු ලැබ තිබේ.

කරදියාන කුණු කන්දට මිශ්රො සහ අවශේෂ කසල බැහැර කිරීමට නොහැකි වන ලෙස පළාත් පාලන ආයතන හතකට ක්‍රියාත්මක වන පරිදි බස්නාහිර පළාත් අපද්‍රව්‍ය කළමනාකරණ අධිකාරිය විසින් පළවෙනිදා සිට පනවා තිබූ තහනම දින කිහිපයකට අතිහිටුවමින් සීමා සහිතව කසල බාර ගැනීමට පියවර ගත්බව අපද්‍රව්‍ය කළමනාකරණ අධිකාරියේ අධ්‍යක්ෂ නලින් මාන්නප්පෙරැම මහතා පැවසීය.

බස්නාහිර පළාත තුළ සිදුකළ විශේෂ වැටලිම්වලදි 403 දෙනෙකු අත්අඩංගුවට ගෙන තිබේ.

දිවයිනේ ඇතැම් ස්ථාන වලට බලපෑ ඇති වියළි කාලගුණික තත්ත්වය හේතුවෙන් අරපිරිමැස්මෙන් ජලය භාවිතා කරන ලෙස ජල සම්පාදන හා ජල පවාහන මණ්ඩලය ජනතාවට දැනුම් දෙයි.

ශ්‍රී ලංකා ක්‍රිකට් උප සභාපති තනතුරට ආචාර්ය ජයන්ත ධර්මදාස මහතා පත් කිරීමට ඊයේ (31දා) පැවති අතිවිශේෂ මහා සභා රැස්වීමකදී ශ්‍රී ලංකා ක්‍රිකට් ආයතනයේ සාමාන්‍ය සාමාජිකත්වය විසින් අනුමත කර ඇති බව ශ්‍රී ලංකා ක්‍රිකට් (ශ්‍රී ලංකා ක්‍රිකට්) නිවේදනය කරයි

දැඩි වර්ෂාවත් සමඟ (31) සවස 5.30ට පමණ එක්වරම පැමිණි ‍දැඩි සුළි සුළගකින් රිදිමාලියද්ද ප්‍රාදේශිය ලේකම්‍ කොට්ඨාශයේ බුබුල හා කුරුවිතැන්න වසමේ නිවාස 20කට අධික ප්‍රමාණයකට හානි සිදුව ඇත.

යාපනය අල්වායි ප්‍රදේශයේ අඹුසැමි ආරවුලකදී සැමියා විසින් බිරිඳට ගිනිතැබීමකදී බිරිඳ මියගොස් ඇති අතර සැමියා අත්අඩංගුව ගෙන ඇති බවට නෙල්ලිඅඩි පොලීසිය පවසයි.

කළුතර දිස්ත්‍රික්කය පුරා මහා පරිමාණයෙන් කේරල ගංජා බෙදා හරිමින් ජාවාරමේ යෙදුණු කාන්තාවක් සහ පිරිමි පුද්ගලයෙක් රුපියල් ලක්ෂ විස්සක් ට ආසන්න වටිනා කේරළ ගංජා තොගයක් සමග අත්අඩංගුවට ගත් බව කළුතර කොට්ඨාස අපරාධ විමර්ශන අංශය කියයි

සැප්තැම්බර් 17 දින සිට කොටස් වෙළඳපොළෙහි සියලු කටයුතු ඩිජිටල්කරණය වීමට නියමිත බව අග්‍රාමාත්‍ය මාධ්‍ය ඒකකය සඳහන් කරයි. නව මානයකින් ලෝකයට නිරාවරණය වීමේ ක්‍රමෝපායක් යටතේ කොටස් වෙළෙඳපොළ ඩිජිටල්කරණය කිරීමේ ක්‍රියාවලිය අග්‍රාමාත්‍ය මහින්ද රාජපක්ෂ මහතාගේ උපදෙස්මත ආරම්භ විය.

තවත් ආසාදිතයින් 22ක් වාර්තා වීමත් සමග මෙරට සමස්ත කෝවිඩ් - 19 ආසාදිත ගණන 3071 ලෙස ඉහල ගොස් තිබේ.‍

කරන්දෙණිය යක්කටුව තවාන ප්‍රදේශයේ ඊයේ (31) රාත්‍රියේදි කාන්තාවක් එල්ල කළ කැති පහරින් තමන්ගේ නිවසේ ජීවත්වූ ඥාති බාප්පා මරුමුවට පත්වි සැමියා බරපතල තුවාල ලබා රෝහල් ගත කළ බව ඇල්පිටිය පොලීසිය කියයි.

දිවයින පුරා වැසි තත්ත්වයේ වැඩි වීමක් අද (01) දිනයේ දී අපේක්ෂා කෙරෙන බව කාලගුණ විද්‍යා දෙපාර්තමේන්තුව සඳහන් කරයි.

තිරිංග ක්‍රියාවිරහිතවීම් ඇතුළු විවිධ දෝෂ වෙනුවෙන් සිදුවූඅනතුරු වලට විනය ක්‍රියාමාර්ග ගැනීම්වලට එරෙහිව චීන මැදිරි සහිත දුම්රියන් 10ක් ධාවනයේ යෙදවීමෙන් ඉවත්වූ බව දුම්රිය එන්ජින් රියදුරන්ගේ සංගමයේ සභාපති ඉන්දික දොඩංගෙඩ මහතා පැවැසීය.

ඊයේ (31) ඉතාලියේ PCR පරික්ෂණ 58,518 ක් සිදු කර කොවිඩ් ආසාදිතයන් 996 ක් සොයාගත් බව ඉතාලි සෞඛ්‍ය අමාත්‍යාංශය පවසයි.

රුසියානු සමූහාණ්ඩුවට අයත් “අද්මිරාල් ට්‍රිබක්” සහ ” අද්මිරාල් විනොග්‍රදොව්” යන ප්‍රති සබ්මැරීන යුධ ‍ නෞකා ද්විත්වය සහ “බොරිස් බුටෝමා” යන සැපයුම් නෞකාව ඊයේ (31දා) හම්බන්තොට වරායට සේන්දු විය.

දිවයින පුරා පිහිටි උද්භිද උද්‍යාන සංවර්ධනය සඳහා රුපියල් මිලියන 72 ක් වෙන් කෙරේ. ඉදිරි මාස හතර සඳහා මෙම මුදල වෙන් කර ඇතැයි සංචාරක ඇමති ප්‍රසන්න රණතුංග මහතා පවසයි. ඒ අනුව මේ වන විට උද්භිද උද්‍යාන පහක සිදුකෙරෙන සංවර්ධන කටයුතු බොහෝමයක් මේ වසර අවසන් වන විට නිම කිරීමට අපේක්ෂා කරන බවද ඇමතිවරයා පෙන්වා දෙයි.

මැදපෙරදිග රාජ්‍යයන් වන කටාර්, කුවේට් හා එක්සත් අරාබි එමීර් යන රාජ්‍ය වල සේවය කරමින් සිටි ශ්‍රී ලාංකිකයන් 640 දෙනෙකු අද (01දා) අලුයම කටුනායක ගුවන් තොටුපළ වෙත පැමිණ තිබුණි.

කුඩු ජාවාරමට සම්බන්ධ ජ්‍යෙෂ්ඨ නිලධාරීන් ගැන කරුණු වාර්තා කර ඔවුන් විදේශත වීම වැළැක්වීමට කටයුතු කරන ලෙස අධිකරණය නියම කරයි

‍හෙරෝයින් මත්ද්‍රව්‍ය හා ගිනිඅවි ප්‍රවාහනය කිරීමේ සිද්ධියට පොලිස් විශේෂ කාර්ය බලකායේ තවත් ප්‍රධාන පොලිස් පරීක්ෂකවරයෙක් ඇතුළු නිලධාරීන් 12දෙනෙක් සම්බන්ධ වී ඇති බවට කරුණු හෙළි වී ඇතැයි අධිකරණයෙන් වාර්තාවෙයි.

සුළු වැරදි සම්බන්ධයෙන් බන්ධනාගාර ගතකර සිටින රැඳවියන් 444කට ජනපති පොදු සමාව යටතේ නිදහස හිමිව තිබේ. මේ අතර කාන්තා රැඳවියන් 18ක්ද වෙයි.

රෝගයට ගොදුරු වූ අනෙකුත් සෞඛ්‍ය සේවකයින්ගේ සංඛ්‍යාවද අඛණ්ඩව ඉහළ යමින් පවතින බව ඉන්දුනීසියානු වෛද්‍ය සංගමයේ සභාපති ඩේං ෆාකිහ් පවසයි.

එක්සත් ජනපදයේ පළමු ආසාදිතයන් මිලියනයට දින 99යි, දෙවැන්නට දින 43යි, තුන්වැන්නට දින 28යි, සිව්වැන්නට දින 15ක් පමණයි, පස්වැන්නට දින 17යි, ආසාදිතයන් මිලියන 6ක් කරා ඒමට දින 22යි.

මෙවැනි වේගවත් නිෂ්පාදන ක්‍රියාවලියක් අදාළ එන්නතේ කාර්යක්ෂමතාව හා ඵලදායීතාව මෙන්ම, ඉන් ඇතිවිය හැකි අතුරු ආබාධ සම්බන්ධයෙන් නිරීක්ෂණය කිරීමට ප්‍රමාණවත් නොවන බව සෞඛ්‍ය විශේෂඥයෝ පවසති.

ලෝක සෞඛ්‍ය සංවිධානය අනතුරු අඟවන්නේ නව කොරෝනා එන්නතක් හදිසි භාවිතය සඳහා අවසරදීම සැහැල්ලුවෙන් නොකළ යුතු බවය.