හැටන් දික්ඔය නගර සභා බල ප්‍රදේශයේ වැඩි වශයෙන් ජනතාව ගැවසෙන ස්ථාන විෂබීජහරණය කිරිමට හැටන් දික්ඔය නගර සභාව මගින් පියවර ගෙන ඇත.

පවතින කොරෝනා වසංගතයෙන් ජනතාව බේරා ගැනීම පිනිස ගම්පහ මහ නගර සභාව මගින් කොරෝනා මර්දනය කිරීමේ බලකායක් ආරම්භ කළ බව පුරපති එරංග සේනානායක මහතා සදහන් කරයි.

දකුණු පළාතේ කොරෝනා ආසාදිත රෝගින්ගේ සංඛ්‍යාව 346 දක්වා වැඩිවි ඇති බැව් දකුණු පළාත් කොවිඩ් මෙහෙයුම් සම්බන්ධිකරණ කාර්යාලය පවසයි

’’මෙය මාත්‍රා දෙකක එන්නතක්. එබැවින් මිනිසුන් 95%කින් ආරක්ෂා වී ඇති බවටත්, 95%කින් අවදානම පහව ගොස් ආරක්ෂා වීමට ඉඩකඩ ඇති බවට විශ්වාසයක් ඇතිකර ගැනීමටත් ඔබ එන්නත් මාත්‍රා දෙකක් ගත යුතුයි’’ ෆයිසර් හි ප්‍රධාන විධායක.

උතුරු සහ නැගෙනහිර පළාත්වලත් අනුරාධපුර සහ හම්බන්තොට දිස්ත්‍රික්කවලත් වැසි වාර කිහිපයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

චීන ජනාධිපති ෂී ජින්පිං සහ නේපාල ජනාධිපති බිදියා දේවි භන්දාරි අඟහරුවාදා ලිපි හුවමාරු කරගනිමින්, කන්දෙහි උස ප්‍රකාශයට පත්කළ අතර, එය පෙර ගණනය කිරීම්වලට වඩා මීටර් 0.86ක් (මීටර් 8848.86ක්) උසය.

මැදපෙරදිග රටවල් 03 ක රැකියා සදහා ගොස් සිටියදී , ශ්‍රී ලංකාවට පැමිණීමට නොහැකිව එම රටවල රැදී සිටි ශ්‍රී ලාංකිකයන් 655 දෙනෙකු අද දින අලුයම කටුනායක ගුවන් තොටුපළ වෙත පැමිණ තිබුණි.

ඇස්ට්‍රාසෙනෙකා ඉන්කෝපරේෂන්, ෆයිසර්-බයෝඑන්ටෙක්, ජොන්සන් ඇන්ඩ් ජෝන්සන් සහ මොඩෙර්නා වෙතින් මෙම එන්නත් මිලදී ගැනීම සිදුකරන බව දකුණු කොරියාවේ සෞඛ්‍ය අමාත්‍යවරයා පැවසීය.

තුන්වැනි අදියර අත්හදා බැලීම් අවසන් වූ වහාම ඉදිරි සති කිහිපය තුළ චීනයේ කොරෝනාවැක් එන්නත එරට වැසියන්ට ලබාදීමට මොරොක්කෝව සැලසුම් කර ඇති අතර, සෙසු එන්නත් නිෂ්පාදකයන් සමගද සාකච්ඡා අරඹා තිබේ.

ඔපරේෂන් වෝර්ප් ස්පීඩ් යනු කොවිඩ්-19 එන්නත් සංවර්ධනය කිරීම, නිෂ්පාදනය කිරීම, බෙදා හැරීම පහසු කිරීම සහ වේගවත් කිරීම සඳහා එක්සත් ජනපද රජය විසින් ආරම්භ කරන ලද රාජ්‍ය-පෞද්ගලික හවුල්කාරිත්වයකි.

එක්සත් ජනපදයේ අවසන් ආසාදන මිලියනය වාර්තා වීමට ගතවී ඇත්තේ දින 5ක් පමණක් වන අතර, එය වසංගතය ආරම්භ වූදා සිට වාර්තා වූ වේගවත්ම ආසාදන අගයයි.

එලැඹෙන සතියේ 91 වැනි වියට පා තබන මාග්‍රට් ’මැගී’ කීනන්, මේ අනුව බලයලත්, පූර්ණ පරීක්ෂාවක් සිදුකළ කොවිඩ්-19 වෛරසයට එරෙහි එන්නතක් ලබාගත් ලොව ප්‍රථම පුද්ගලයා බවට පත්විය.

ගෝලීය වශයෙන් නව කොරෝනා වෛරසය ආසාදිත මරණ සංඛ්‍යාව 1,553,000ක් ඉක්මවා ඇති අතර, වෛරසය හමුවේ එදිනෙදා කටයුතු කළද මුඛ ආවරණ, දෑත් සේදීම හා සමාජ දුරස්ථභාවය නොමැතිව කිසිලෙසක නොහැසිරෙන්නැයි අනතුරු ඇඟවීම්.

ශ්‍රී ලංකා රජයට අයත් ප්‍රථම සහ විශාලතම සුළං විදුලි බලාගාරය අද (08) මන්නාරමේදී අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් විවෘත විය.

අද දිනයේදී කොවිඩ් -19 වෛරසය ආසාදිතයින් 797 දෙනෙකු වාර්තා වී ඇති අතර ඉන් 230 දෙනෙකු බන්ධනාගාර ආශ්‍රිතව වාර්තා වූ ආසාදිතයින් බවත් සෙසු 567 දෙනා පෑලියගොඩ මත්ස්‍ය සංකීර්ණයේ ආශ්‍රිතයින් බවයි යුද හමුදාපති ලුතිනන් ජනරාල් ශවේන්ද්‍ර සිල්වා පැවසුවේ.

මෙරටින් වාර්තා වූ ළාබාලතම කොරෝනා මරණය අද (8) දා රිජ්වේ ආර්යා ළමා රෝහලෙන් වාර්තා වූ බව එහි අධ්‍යක්ෂ ජී.විජේසූරිය මහතා පැවසීය.

පොලිස් අධිකාරී බුද්ධික මනතුංග මහතා පොලිස් මහජන සම්බන්ධතා හා පොලිස් මාධ්‍ය කොට්ඨාසයන්හි වැඩබලන අධ්‍යක්ෂ (පාලන) ලෙස පත් කර තිබේ.‍

2021 වසරේ පළමු පාර්ලිමේන්තු රැස්වීම ජනවාරි 05 වැනිදා පැවැත්වීමට පාර්ලිමේන්තු කටයුතු පිළිබඳ කාරක සභාව අද (08) තීරණය කළ බව පාර්ලිමේන්තුවේ මහලේකම් ධම්මික දසනායක මහතා පැවසීය.

රත්නපුර දිස්ත‍්‍රික්කයෙන් හමුවන කෝවිඞ් ආසාදිතයන්ගෙන් වැඩි දෙනෙක් ඇහැළියගොඩ සහ කුරුවිට ප‍්‍රාදේශීය ලේකම් කොට්ඨාසවලින් බව රත්නපුර දිස්ත‍්‍රික් ලේකම් මාලනී ලොකුපෝතාගම මහත්මිය අද පැවසුවාය.

අත්තනගල්ල , තිහාරිය ප්‍රදේශවාසීන් අද දින විශේෂ විරෝධතාවයකින් තොරව පී.සී.ආර්. පරීක්ෂණ කිරීම සදහා සෞඛ්‍ය බලධාරීන්ට සාමකාමීව සහාය ලබා දුන් බව ගම්පහ දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ , වෛද්‍ය මිගාර ඈපා මහතා ප්‍රකාශ කළේය .

මහර බන්ධනාගාරයේ ඇති වූ සිද්ධියෙන් මිය ගිය රැඳවියන්ගේ පශ්චාත් මරණ පරීක්ෂණ සිදුකළ විශේෂඥ අධිකරණ වෛද්‍ය හඳුන් විජයවර්ධන මහතා විසින් ඩි එන් ඒ පරීක්ෂණ සඳහා එම රැඳවියන්ගේ රුධිර හා කෙස් සාම්පල මෙන්ම ඊට අමතරව සියලුම මෘත ශරීරවල ඡායාරූප හා ඇඟිලි සලකුණු ද ලබා ගෙන ඇතැයි ද පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසිය .

මෙරට ජාතික පාසල් සංඛ්‍යාව දහසක් දක්වා වැඩි කිරීමට අමාත්‍ය මණ්ඩල අනුමැතිය හිමිව තිබේ.

තාවකාලිකව වසා දමා ඇති හැටන් කලාප අධ්‍යාපන කාර්යාලය යටතේ පාලනය වන නොර්වුඩ් දමිල මහ විද්‍යාලයේ සිසු සිසුවියන් කිහිප දෙනෙකු සහ අචාර්ය මණ්ඩලයේ කිහිප දෙනෙකුගේ පි.සි.ආර් වාර්තා ලබා ගැනිම මස්කෙලිය සෞඛ්‍ය වෛද්‍ය නිලධාරි කාර්යාලයේ මහජන සෞඛ්‍ය පරික්ෂකවරුන් විසින් අද දින එම විදුහලේදි සිදු කෙරිණ.

තවත් කෝවිඩ් ආසාදිතයින් 454 දෙනෙක් සුවය ලබා අද (08) රෝහල්වලින් පිටත්වී ඇති බව සෞඛ්‍ය අංශ සඳහන් කරයි.

දේශපාලන පලිගැනීම් පිළිබඳව සොයා බැලීම සඳහා පත් කරන ලද ජනාධිපති පරීක්ෂණ කොමිෂන් සභාවේ වාර්තාව ජනාධිපති ගෝඨාභය රාජපක්ෂට පිළිගැන්වෙයි.

කඩවත සිට මීරිගම දක්වා දිවෙන අධිවේගී මාර්ගයේ කටයුතු ඉතා මන්දගාමීව සිදුවීමත් එහි ඉලක්ක නිසි ලෙස සපුරාලීමට අපොහොසත් වීමත් පිළිබඳව සිය අප්‍රසාදය පළ කළ මහාමාර්ග අමාත්‍ය ජොන්ස්ටන් ප්‍රනාන්දු මහතා ඒ පිළිබඳව වහාම වාර්තාවක් ලබා දෙන ලෙස මහාමාර්ග අමාත්‍යාංශයේ නිලධාරීන්ට නියෝග කළේය.

මධ්‍යම පළාතේ කොවිඩ් 19 ආසාදිතයින් වැඩි ප්‍රමාණයක් වාර්තා වන අකුරණ සෞඛ්‍ය වෛද්‍ය නිලධාරි කොට්ඨාසයෙන් අද 08 අලුතින් ආසාදිතයින් 14 දෙනෙකු වාර්තා වීමත් සමඟ මේ දක්වා අකුරණින් වාර්තා වී ඇති මුළු ආසාදිකයින්ගේ සංඛ්‍යාව 108 ක් දක්වා ඉහළ ගොස් ඇති බව සෞඛ්‍ය අංශ කියයි.

පවතින කොවිඩ් වසංගත තත්වය හමුවේ ගාල්ල අධ්‍යාපන කොට්ඨාසයට අයත් සියලුම පාසල් මෙම සතියේ සිකුරාදා වනතෙක් වසා දැමිමට තින්දුකළ බැව් දකුණු පළාත් අධ්‍යාපන අමාත්‍යංශයේ ලේකම් රංජිත් යාපා මහතා පවසයි.

මධ්‍යම පළාතේ කොරෝනා ආසාදිතයන්ගේ සංඛ්‍යාව (08 පෙරවරු 6.00 වන විට) 684 ක් දක්වා ඉහළ ගොස් ඇති බව මධ්‍යම පළාත් සෞඛ්‍ය සේවා දෙපාර්තමේන්තුව පවසයි.