බදුල්ල මහ රෝහලේදී අද (2දා) කොවිඩ් 19 ප්‍රතිශක්ති එන්නත ලබාගත් රෝහල් කාර්ය මණ්ඩලයේ 25 දෙනෙක් ප්‍රතිකාර සඳහා රෝහල්ගත කර තිබේ .

ශ්‍රී ලංකාවේ ඇමරිකානු තානාපති ඇලයිනා බී. ටෙප්ලිට්ස් (Alaina B. Teplitz) අද (02) විදේශ ඇමති දිනේෂ් ගුණවර්ධන හමුවිය. විදේශ අමාත්‍යාංශයේ දී සිදු වූ මෙම හමුවට කලාපීය සහයෝගීතා රාජ්‍ය අමාත්‍ය තාරක බාලසූරියද සම්බන්ධ වී සිටියේය.

මත්ද්‍රව්‍ය ජාවාරම් චොදනා මත අත්අඩංගුවට ගත් පොලිස් මත්ද්‍රව්‍ය නාශක කාර්යාංශයේ නිලධාරින් 13 දෙනෙකු ඇතුළු සැකකරුවන් 16 දෙනා පෙබරවාරි 16 දක්වා තවදුරටත් රක්ෂිත බන්ධනාගාරගත කෙරිණි.

බදුල්ල දිස්ත්‍රික්කයේ කොවිඩ් 19 අසාදිතයන්ගේ වැඩි වීමක් ඉකුත් සතිය තුළ ( ජනවාරි 28- පෙබරවාරි 02) පෙන්නුම් කර ඇතැයි කොවිඩ් පැතිරීම වැළැක්වීමේ බදුල්ල දිස්ත්‍රික් ක්‍රියාන්විතය පෙන්වා දෙයි .

රන්ජන් රාමනායක විසින් අභියාචනාධිකරණයට අද රීට් පෙත්සමක් ගොනු කර තිබේ. ඒ තමන්ගේ පාර්ලිමේන්තු මන්ත්‍රීධුරය අහෝසි කිරීම වළක්වන අතුරු නියෝගයක් නිකුත් කරන ලෙස ඉල්ලමිනි. එම පෙත්සමේ වගඋත්තරකරුවන් ලෙස නීතිපතිවරයා සහ පාර්ලිමේන්තු මහලේකම්වරයා නම් කර තිබේ.

දෙමළ ජාතිකත්වය තියන පක්ෂ සමඟ එකතු වී වැඩ කිරීමට තමාට අපහසුතාවක් නොමැති නමුත් ජනතාවාදී දේශපාලනය පමණක් තමන් විසින් දියත්කළ හැකි බවත්, ඒ සඳහා අනෙකුත් පක්ෂ තමා සමග එකග වේ ද යන්න තමන් තුළ සැකයක් ඇති බවත් අමාත්‍ය ඩග්ලස් දේවානන්දා මහතා යාපනයේ පැවති සමාජ ක්‍රියාකාරි හමුවකදි ප්‍රකාශ කරයි.

කොළඹ දකුණු වරායේ බටහිර පර්යන්තය ඉන්දියාව, ශ්‍රී ලංකාව හා ජපානය එක්ව රාජ්‍ය හා පෞද්ගලික හවුල් ව්‍යාපාරයක් වශයෙන් සංවර්ධනය කර වසර 35කින් ආපසු භාර දීමේ පදනම මත සංවර්ධනය කිරීම සඳහා අවශ්‍ය පියවර ගැනීමට කැබිනට් අනුමැතිය ලැබී තිබේ.

මත්ද්‍රව්‍ය ජාවාරම්කරුවෙකු බව සැක කෙරෙන ’කිඹුලා ඇළේ ගුණා’ ඉන්දියාවේ චෙන්නායි නුවරදී චෙන්නායි පොලීසිය විසින් අත්අඩංගුවට ගෙන තිබේ.

ආසියානු සංවර්ධන බැංකුවේ 55 වැනි වාර්ෂික සමුළුව 2022 වසරේදී කොළඹදී පැවැත්වීමට ආසියානු සංවර්ධන බැංකුවේ පාලක මණ්ඩලයේ අනුමැතිය ලැබී තිබේ.

කල්පිටිය නිර්මල මාතා මහ විදුහලේ ගුරු භවතෙකු කොවිඩ් ආසාදිතයෙකු බවට වාර්තාවීම හේතුවෙන් එම විදුහල පෙබරවාරි 8 දින දක්වා තාවකාලිකව වසා දමා ඇති බව කල්පිටිය පොලිසිය පවසයි.

උතුරු හා උතුරු මැද පළාත්වල වෙසෙන ණයගැතිභාවයෙන් පෙළෙන ජනතාව සඳහා ක්ෂුද්‍ර මූල්‍ය ණය පහසුකම් සැපයීමේ වැඩසටහන යටතේ ලබාදෙන ණය සීමාව රු 100000ක් දක්වාත්, පොලී අනුපාතය සියයට 9 සිට සියයට 6ක් දක්වාත් අඩු කිරීමට අග්‍රාමාත්‍ය මහින්ද රාජපක්ෂ මහතා ඉදිරිපත් කළ යෝජනාවට කැබිනට් අනුමැතිය ලැබී තිබේ.

ශ්‍රී ලංකාව තුළ කොවිඩ් ආසාදනය වීම හේතුවෙන් වෛද්‍යවරයෙක් මියගිය පළමු අවස්ථාව මෙය වෙයි.

මුද්‍රණය සඳහා සකස්කොට තිබුණ ද වසර 05ක් තිස්සේ බාලගිරි දෝෂයට හසුව තිබූ ‘සාරධර්ම පොත’ කඩිනමින් මුද්‍රණයකොට පාසල් සිසුන් වෙත බෙදා දීමට කටයුතු කරන බව අධ්‍යාපන අමාත්‍ය මහාචාර්ය ජී.එල්.පීරිස් පැවසී ය. අමාත්‍යවරයා මේ බව පැවසූයේ පසුගිය දා අමාත්‍යංශ ශ්‍රවණාගාරයේ දී පැවති ආගමික උපදේශක මණ්ඩල පත්වීම් ලිපි ප්‍රදානය සඳහා සහභාගී වෙමිනි.

හිනිදුම පොලිස්බල ප්‍රදේශය තුල කරණු ලැබු විශේෂ මෙහෙයුමකදි නිරෝධායන නිතිරිති උල්ලංඝණය කරමින් ත්‍රිරෝද රථ 02ක ගමන්ගත් පුද්ගලයින් 08 දෙනෙකු ඇතුළු 11 දෙනෙකු අත්අඩංගුවට ගත්බැව් හිනිදුම පොලිසිය පවසයි.

ගාල්ලේ අම්බලන්ගොඩ පදිංචි වෛද්‍යවරුන් දෙපළකට, ඔවුන්ගේ දරුවන් තිදෙනාට සහ වෛද්‍යවරියගේ මවට කොරෝනා ආසාදනය වී ඇතැයි සෞඛ්‍ය අංශ පවසයි. අම්බලන්ගොඩ නගරයේ ප්‍රධාන පාසලක අධ්‍යාපනය හදාරන මෙම දරුවන් පසුගිය දිනවල පාසැල් ගොස් ඇති බැවින් එම විද්‍යාලයේ සිසු දරු දැරියන් පිරිසක් සහ ගුරු මණ්ඩලයේ කිහිප දෙනකු ද නිරෝධායනය කිරීමට යොමු කර තිබේ.

තමන්ට කොරෝනා වෛරසය ආසාදනය වි ඇති බවට අද (02) තහවුරුවි ඇති බව දකුණු පළාත් ආණ්ඩුකාර ආචාර්ය විලිගමගේ මහතා පවසයි.

මත්ස්‍ය ගහනය වැඩිකිරිම සඳහා අබලන් වූ බහුදින ධීවර යාත්‍රා හා අබලන් බස්රථ මුහුදු පතුලේ තැන්පත් කිරීමේ විශේෂ ව්‍යාපෘතියක් ගාල්ල වරාය ආශ්‍රිතව ලබන මාසයේ දි ආරම්භ කිරීමට බලාපොරොත්තුවන බව විසිතුරු මසුන් මිරිදිය මත්ස්‍ය හා ඉස්සන් ඇති කිරිම ධීවර වරාය සංවර්ධන බහුදින ධිවර කටයුතු හා මත්ස්‍ය අපනයන රාජ්‍ය ඇමති කංචන විජේසේකර මහතා පවසයි.

උතුරු, උතුරු-මැද, නැගෙනහිර සහ ඌව පළාත්වලත් මාතලේ සහ නුවරඑළිය දිස්ත්‍රික්කවලත් අද (02) දිනයේ වැසි වාර කිහිපයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

ශ්‍රී ලංකාව තුළින් තවදුරටත් වැඩිම ආසාදිතයන් කොළඹ දිස්ත්‍රික්කයෙන් වාර්තාවන බව කොවිඩ් පැතිරීම වැළැක්වීමේ ජාතික මෙහෙයුම් මධ්‍යස්ථානය පවසයි.

පාසල් ළමුන් ප්‍රවාහනය කරන බස් රථ, පොදු ප්‍රවාහන හා පෞද්ගලික වෑන් රථ පිළිබඳව නිරෝධායන පරික්ෂා කිරීම් ඒ ආකාරයෙන්ම අද දිනයේදීත් සිදුකරන බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවැසීය.

පුත්තලම රාජ්‍ය බැංකුවක සේවය කරමින් සිටි බැංකු කාර්ය මංඩලයේ තිදෙනෙකු කොරෝනා ආසාදිතයින් බවට අද දින සනාථ වු බව පුත්තලම සෞඛ්‍ය වෛද්‍ය නිලධාරි කාර්යාලය පවසයි.

ලෝක සෞඛ්‍ය සංවිධානයේ (WHO) සහ චීනයේ විශේෂඥයන් සඳුදා රෝග පාලනය හා වැළැක්වීමේ වූහාන් මධ්‍යස්ථානයට මෙන්ම හුබෙයි පළාත් රෝග පාලනය හා වැළැක්වීමේ මධ්‍යස්ථානය වෙතද පැමිණ තිබේ.

ජාතික හදිසි අවස්ථාවලදී පාලනය කිරීමට ආණ්ඩුක්‍රම ව්‍යවස්ථාව ඉඩ දී ඇති බව පැවසූ හමුදාව, රාජ්‍ය බලය ආරක්ෂක සේවා අණදෙන නිලධාරී මින් අවුන්ග් හේලින්ග් වෙත භාර දී ඇති අතර, පළමු උප සභාපති යූ මයින්ට් ස්වී දැන් වැඩබලන ජනාධිපති ලෙස සේවය කරන බවද කීය.

අවුරුදු 12කුත් මාස 05ක් වියැති තම බාලවයස්කාර දියණිය දුෂණය කිරිම සම්බන්දයෙන් සැකකාර පියා අත්අඩංගුවට ගත් බව පොද්දල පොලිසිය පවසයි.

බීමත්ව ත්‍රිරෝද රථයක් පදවාගෙන යමින් සිටි බ්‍රිතාන්‍ය ජාතිකයෙකු අහංගම නගරයේ දී ඊයේ (01දා) පස්වරුවේ දී අත්අඩංගුවට ගත්බව අහංගම පොලීසිය පවසයි.

හිටපු ගුවන් නියමුවෙකු සහ බල්ගේරියානු ගුවන් හමුදාවේ අණ දෙන නිලධාරියා වූ රදෙව්, තමා බලයට පත්වූ සිව්වැනි සංවත්සරය වෙනුවෙන් පැවති මාධ්‍ය හමුවකදී තමන් දෙවැනි ධුර කාලය සඳහා තරග කිරීමට අදහස් කරන බව ප්‍රකාශ කළේය.

චිලී නියෝජ්‍ය සෞඛ්‍ය අමාත්‍ය පෝලා ඩසා මාධ්‍ය හමුවකදී කියා සිටියේ සීනොවැක් හි කොරෝනාවැක් එන්නත් තොග දෙකක් මේ වනවිට ලැබී ඇති බවත්, ඒවායින් පෙබරවාරි මාසයේදී මිලියන හතරක පමණ ජනතාවකට එන්නත ලබාදීමට අවස්ථාව ලැබෙන බවත්ය.

යුරෝපා කොමිසමේ සභාපති උර්සුලා වොන් ඩර් ලේන් විසින් මෙය ඉදිරි පියවරක් ලෙස ප්‍රකාශයට පත් කරමින් කියා සිටියේ, මුළු මාත්‍රාවලින් මිලියන 40ක් මේ වනවිට පොරොන්දු වී ඇති බවය.

ලෝක සෞඛ්‍ය සංවිධානයේ හදිසි අවස්ථා වැඩසටහනේ විධායක අධ්‍යක්ෂ වෛද්‍ය රයන් පැවසුවේ ධනවත් රටවල ජනතාව හෘද සාක්ෂියට අනුව මේ තත්ත්වය සලකා බැලිය යුතු බවයි.