බස්නාහිර පළාතේ සහ ගාල්ල සහ මාතර දිස්ත්‍රික්කවල වෙරළබඩ ප්‍රදේශවල වැසි ස්වල්පයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

සිම්බාබ්වේ රජය විසින් චීනයේ සීනොෆාම් සහ සීනොවැක් එන්නත්, රුසියාවේ ස්පුට්නික් වී සහ ඉන්දියාවේ කොවැක්සින් යන කොවිඩ්-19 මර්දන එන්නත් හතරක් භාවිත කරයි.

’’මට අවශ්‍යයි ඇමෙරිකානු ජනතාව ඔවුන්ගේ කාර්යභාරය ඉටුකරනවා දකින්න. මුඛ ආවරණයක් පලඳින්න. එය දේශප්‍රේමී ක්‍රියාවක්. අපට සාමාන්‍ය තත්වයට පත්වීමට ඇති එකම ක්‍රමය එයයි.’’ එන්නත්කරණයටත් වඩා මුඛ ආවරණයේ වැදගත්කමක් ඇති බව ඇමෙරිකානු නායකයා සිදුකර ඇති මෙම ප්‍රකාශයෙන් පැහැදිලි වෙයි.

’’අපි වයස අවුරුදු 60 ට අඩු අය සඳහා ඇස්ට්‍රාසෙනෙකා මාත්‍රාව එන්නත් කිරීම තාවකාලිකව නවත්වනවා’’ යැයි නගර සෞඛ්‍ය අමාත්‍ය දිලෙක් කලෙයිචි පැවසීය. එය පූර්වාරක්ෂක පියවරක් ලෙස සඳහන් කළ අතර නගරය විසින් ෆෙඩරල් සෞඛ්‍ය බලධාරීන්ගේ නිල නිර්දේශය බලාපොරොත්තු වෙයි.

චීනය වයඹදිග චීනයේ ජියුවාන් චන්ද්‍රිකා දියත් කිරීමේ මධ්‍යස්ථානයේ සිට එරට වේලාවෙන් අද (31දා) පෙ.ව. 6.45ට ගාඕෆෙන්-12 02 චන්ද්‍රිකාවක් සාර්ථකව දියත් කර තිබේ.

සිරියානු නායකයාට සහ ආර්යාවට පසුගිය මාර්තු 08දා කොවිඩ්-19 ආසාදිත බවට ධනාත්මක පරීක්ෂාවක් තහවුරු කළේය.

ප්‍රංශ ජනාධිපති එමානුවෙල් මැක්‍රොන් සහ ජර්මානු චාන්සලර් ඇන්ජෙලා මර්කෙල් ඊයේ (30දා) ඒකාබද්ධ වීඩියෝ සම්මන්ත්‍රණයකදී රුසියානු ජනාධිපති ව්ලැඩිමීර් පූටින් සමග එන්නත් සඳහා ඇති සහයෝගිතාව පිළිබඳව සාකච්ඡා කළ බව ප්‍රංශ ජනාධිපති කාර්යාලය පවසයි.

’’ඇත්ත වශයෙන්ම, අපගේ සත්කාරක රටෙන් (චීනයෙන්) මේ අධ්‍යයන කාර්ය වෙනුවෙන් අපට විශාල සහයෝගයක් ලැබුණා. අපගේ සාකච්ඡාවලදී, අපගේ කටයුතුවලදී ඇත්ත වශයෙන්ම ඔවුන් උනන්දුවක් දැක්වූවා. නමුත් අපගේ වාර්තාවේ තීරණාත්මක අංග ඉවත් කිරීමට අපට කිසි විටෙකත් ඔවුන් බලපෑමක් කළේ නැහැ.’’ ලෝක සෞඛ්‍ය සංවිධානයේ විද්‍යාඥ පීටර් බෙන් එම්බරෙක් පැවසීය.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 128,116,000ක් පසුකර ඇති අතර, එන්නත්කරණය සමගම පෙර සිටම සිදුකළ මහජන සෞඛ්‍ය ක්‍රියාමාර්ගවල වැදගත්කම වසංගත රෝග විශේෂඥයන් අවධාරණය කෙරෙයි.

ශ්‍රී ලංකාවෙන් තවත් කොවිඩ් ආසාදිතයන් 37ක් වාර්තා වී තිබේ. පෑලියගොඩ පොකුරට සම්බන්ධ 16ක්, බන්ධනාගාර පොකුරට සම්බන්ධ 07ක් හා විදේශයන්හි සිට පැමිණි 14ක් මෙසේ කොවිඩ් ආසාදිතයන් බවට පත්ව තිබේ.

සිද්ධියක් සම්බන්ධයෙන් පුද්ගලයෙකුගෙන් රුපියල් දසදහසක මුදලක් ලබා ගැනීමේදී අල්ලස් හෝ දූෂණ කොමිෂමේ නිලධාරීන් පිරිසක් විසින් අත් අඩංගුවට ගැනීමට තැත් කළ අවස්ථාවේ එම මුදල ගිල දැමු බව කියන ප්‍රධාන පොලිස් පරීක්ෂකවරයෙකු ගම්පහ රෝහලට ඇතුලත් කොට ඇත.

හැමොම මට පෙෂර් කරන එක වැරදියි. අදාළ වැරදිකරුවන්ට පෙෂර් කරන්න. ඒ අයට කියන්න පස් ඉවත් කරන්න කියලා. ඒ අය අවුරුදු දෙකක් තිස්සේ පස් ඉවත් කළා නම් දැන් ඔය වැටසටහන කරලා. පස් ඉවත් නොකිරීම නිසා කඩොලාන පද්ධතියට වූ හානිය පූරණය කරන්නේ කවුද? එතනත් බිලියන ට්‍රිලියන නෙවෙයි ඊට වඩා හානියක් වී තිබෙනවා. ඒවා ගැන කවුරුත් කතා කරන්නේ නැහැ. මේවායින් විශාල වශයෙන් ඔක්සිජන් ලබාදෙනවා. එතරම් විනාශයක් තිබියදී වැරදිකරුවන් නිදහස් කරමින් අපිට චෝදනා කිරීම කොච්චර වැරදිද?

කොවිඩ් හේතුවෙන් තාවකාලිකව වසා දැමුන නොර්වුඩ් ප්‍රාදේශී සභා කාර්යාලය නැවත විවෘත කිරිමට උපදෙස් දුන් බව බගවන්තලාව සෞඛ්‍ය වෛද්‍ය කාර්යාලයේ නිලධාරියකු පවසන ලදි.

පස්සර සිට බදුල්ලට ධාවනය වෙමින් තිබූ ලොරියක් අද (30දා)සවස පස්සර කිරිමණ්ඩලය අසළදී මාර්ගයේ වැරැදි මං තීරුවට ධාවනය වී මාර්ගයෙන් ඉවතට පැන අඩි 100 ක් පමණ ප්‍රපාතයකට පෙරළී ඔයකට වැටී අනතුරට පත්විය.

මධ්‍යම පළාතේ සිදුවන වන විනාශයන් පිළිබඳව කඩිනමින් දැනුම්දීමට පියවර ගන්නා ලෙස මධ්‍යම පළාත් ආණ්ඩුකාර පරිසර මෙහෙයුම් ඒකකය ජනතාවගෙන් ඉල්ලා සිටියි.

පෑලියගොඩ කොවිඩ් පොකුරට සම්බන්ධව ආසාදිතයන් 102ක් වාර්තා වී තිබේ. ඒ අනුව පෑලියගොඩ, බන්ධනාගාර, දිවුලපිටිය මෙන්ම විදේශයන්හි සිට පැමිණි අයගේ කොවිඩ් පොකුර 87795ක් දක්වා වර්ධනය වී තිබේ.

දිස්ත්‍රික්ක 25 තුළම ඇවිදින මංතීරු සමඟ නාගරික වන වගාවන් (Urban Gardens) 25ක් ඉදි කරන බව තරුණ හා ක්‍රීඩා අමාත්‍ය නාමල් රාජපක්ෂ මහතා අද (30) දින පැවසීය.

සිරකරුවන්ගේ තදබදය අඩු කිරීම සඳහා පොදු සමාව ලබා දීමේ ප්‍රතිපත්තිමය ක්‍රියාවලියට අමතරව සමාලෝචන ක්‍රමවේදයක් හරහා විශේෂ සමාව ප්‍රදානය කිරීමේ යාන්ත්‍රණයක් සකස් කිරීමට පිහිට වූ කමිටු වාර්තාව බාරදී තිබේ.

මේ වසරේ ගතවූ මාස හතරකට ආසන්න කාලයේදී පොලිස් නිලධාරීන් 72 රිය අනතුරුවලට ලක්ව ඇති බවත් එයින් නිලධාරීන් 18ක් ජීවිතක්ෂයට පත්ව ඇති බවත් මහජන ආරක්ෂක අමාත්‍ය, ආචාර්ය සරත් වීරසේකර මහතා පැවැසීය.

තලවකැලේ ලිදුල නගර සභාවට නව සභාපතිවරයෙකු තොරාපත් කර ගැනිමේ නිලවරණයට කොළඹ අභියාචනාධිකරණයෙන් අද දින අතුරු තහනම් නියෝගයක් නිකුත් කර ඇත.

බැඳුම්කර වංචාව සම්බන්ධයෙන් චෝදනා ලබා රක්ෂිත බන්ධනාගාර ගතකර සිටින හිටපු මුදල් අමාත්‍ය රවී කරුණානායක මහතා ඇතුළු විත්තිකරුව අට දෙනා ඇප මත මුදාහරින්නේ ද? නැත් ද? යන තීන්දුව අප්‍රේල් මස 01 වනදා ප්‍රකාශයට පත්කරන බව කොළඹ ත්‍රිපුද්ගල මහාධිකරණ විනිසුරු මඩුල්ල නියෝග කළේය.

අද (30) දිනය තුළ කොවිඩ් ආසාදිතව සිටි පුද්ගලයින් 176 දෙනෙක් සුවය ලබා පිටව ගිය බව සෞඛ්‍ය අමාත්‍යාංශය පවසයි.

පේරාදෙණිය විශ්ව විද්‍යලයට අනුබද්ධ පශ්චාත් විද්‍යා උපාධි ආයතනය විසින් පවත්වාගෙන ගිය ස්ථාවර තැන්පතු වලින් රුපියල් මිලියන 50 ක මුදලක් එහි හිටපු ජ්‍යෙෂ්ඨ නිලධාරියෙක් විසින් වංචා සහගත ලෙස ලබාගෙන ඇතැයි පාර්ලිමේන්තුවේ පොදු ව්‍යාපාර පිළිබඳ කාරක සභාවේදී අනාවරණය විය.

ස්වර්ණමහල් ජුවලර්ස් (පුද්) සමාගමේ හිටපු අධ්‍යක්ෂවරුන් වන ජීවක එදිරිසිංහ, නාලක එදිරිසිංහ, අසංක එදිරිසිංහ සහ අංජලී එදිරිසිංහ යන අය අප්‍රේල් 01 වනදා දක්වා තවදුරටත් රක්ෂිත බන්ධනාගාරගත කිරීමට කොටුව මහෙස්ත්‍රාත් අධිකරණය නියෝග කර තිබේ.

සිරිමාවෝ බණ්ඩාරනායක මැතිනියගේ නායකත්වයෙන් 1977 වසරේ මහා මැතිවරණයට ඉදිරිපත්ව ආසන 08 ඇද හැළුණු පක්ෂය නැවතත් 1994 වසරේදී මෙරට ආණ්ඩු බලය ලබා ගත් ආකාරයට ශ්‍රී ලංකා නිදහස් පක්ෂයට නව මුහුණුවරක් ලබා ලබාදෙමින් අනාගත ආණ්ඩුවක් බිහි කිරීමේ අරමුණ ඇතිව ශක්තිමත්ව පක්ෂය ගොඩනඟන බව ශ්‍රී ලංකා නිදහස් පක්ෂයේ සභාපති හිටපු ජනාධිපති වත්මන් පාර්ලිමේන්තු මන්ත්‍රී මෛත්‍රීපාල සිරිසේන මහතා මහනුවරදී පැවසීය .

බසය හදිසියේ ප්‍රපාතයට පෙරළිගියේ නම් පසුගියදා පස්සරදී සිදුවු අනතුරට වඩා අනතුරක් සිදුවීමට ඉඩ තිබිණ.

පන්නිපිටියේ දී ලොරි රථ රියදුරුට පහර දීම සම්බන්ධයෙන් අත්අඩංගුවට ගත් මහරගම පොලිසියේ කොස්තාපල්වරයා ලබන මස 5 දක්වා රිමාන්ඩ් භාරයේ තබන ලෙස නුගේගොඩ මහේස්ත්‍රාත් අධිකරණය නියෝග කළේය

ශ්‍රී ලංකාවට අලුතින් පත් කරනු ලැබ සිටින, වියට්නාම් සමාජවාදී ජනරජයේ තානාපතිනි හෝ තී තාන් ටෘක් මහත්මිය අද (30) පෙරවරුවේ ජනාධිපති මන්දිරයේ දී ජනාධිපති ගෝඨාභය රාජපක්ෂ මහතා වෙත සිය අක්තපත්‍රය පිළිගැන්වූවාය

බදුල්ල සිට කොළඹ කොටුව දක්වා ධාවනය වු උඩරට මැණිකේ දුම්රියේ පසුපස එන්ජිම (30) දින දහවල් 12.30 පමණ පීලි පැනීම නිසා උඩරට දුම්රිය මාර්ගයේ ගමනා ගමනයට බාධා පැමිණ ඇති බව නාවලපිටිය දුම්රිය පාලක මැදිරිය පැවසීය.