කොවිඩ් 19 වෛරසය පැතිර යාමේ අවධානම නොතකා (25) දිනයෙත් දිවයිනේ විවිධ ප්‍රදේශවල සිටි සංචාරකයන් විශාල පිරිසක් නුවරඑලියට පැමිණ සිටි අයුරු අප කැමරාවේ සටහන් විය.

කටුනායක නිදහස් වෙළෙඳ කලාපය සහ කටුනායක සීදුව සෞඛ්‍ය වෛද්‍ය නිලධාරී කොට්ඨාසය තුළින් අද දින කොරෝනා වෛරසය ආසාදිතයන් 17 දෙනෙකු වාර්තා වී ඇතැයි ගම්පහ දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ , වෛද්‍ය නලීන් ආරියරත්න මහතා පැවසීය .

සෑම පාර්ලිමේන්තු මන්ත්‍රීවරයෙක්ම ජනතාවට ආදර්ශමත් විය යුතු බව හිටපු කතානායක වරයෙකු මෙන්ම වර්තමාන වාරිමාර්ග අමාත්‍ය චමල් රාජපක්ෂ මහතා 25 දින ලග්ගල දී පැවසීයක්දන දී පැවසීය.

කොවිඩ් ආසාදිතයන්ගෙන් අයි.ඩී.එච් රෝහල පිරිගොස් ඇතැයි රෝහල් ආරංචි මාර්ග පවසයි.

යාපනය කෝපායි ප්‍රදේශයේ යාපනය කොට්ඨාස අපරාධ ඒකකය සිදුකළ වැටලීමක්දී ස්ථාන දෙකකින් අයිස් වර්ගයේ කෘතීම මත්ද්‍රව්‍ය කිලෝ 7ක් අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පිත් අජිත් රෝහණ මහතා පැවැසීය.

එම තරුණයින් දෙදෙනා ශරීර කෘත්‍ය සිදුකිරීමට ලදු කැළැවකට ගොස් ඇති අවස්ථාවකදී මෙම පිපිරීම වාර්තා වී තිබේ.

කොවිඩ් -19 වෛරසය ආසාදනය වී ඇති රෝගීන් 650 දෙනෙකු අද දිනයේ හඳුනාගෙන ඇති බව යුද හමුදාපති, ජෙනරාල් ශවේන්ද්‍ර සිල්වා මහතා පවසයි.

කටුනායක බණ්ඩාරනායක ජාත්‍යන්තර ගුවන් තොටුපළ පිටත්වීමේ සහ පැමිණීමේ ආලින්දයන් අද දින දහවල් 12.00 සිට නැවත දැනුම් දෙන තුරු තාවකාලිකව වසා දැමීමට පියවර ගෙන ඇති බව ගුවන් තොටුපළ කාර්යය භාර නිලධාරීවරයා පැවසීය .

කොවිඩ් -19 වෛසරය ආසාදනය වී රෝහල්ගතව ප්‍රතිකාර ගෙන පූර්ණ සුවය ලැබූ 156 දෙනෙකු අද දිනයේ පිටවගොස් තිබේ.

අද (25) සිට ඉදිරි දෙසතිය ඇතුළත පැවැත්වීමට සංවිධාන කර තිබූ සියලු රාජ්‍ය උත්සව නතර කිරීමට රජය තීරණය කරයි.

පැය 24ක් තුළ මාතලේ දිස්ත්‍රිකයෙන් කොවිඩ් ආසාදිතයින් 60ක් වාර්තා වී ඇති බව මාතලේ ප්‍රාදේශීය සෞඛ්‍ය සේවා අධ්‍යක්ෂක වෛද්‍ය චමින්ද වීරකොන් මහතා පැවසීය.

දඹුල්ල ආර්ථික මධ්‍යස්ථානය තාවකාලිකව වාසා දැමීමට පියවර ගෙන ඇත.

ශ්‍රී ලංකා - බංගලාදේශ පළමු ටෙස්ට් ක්‍රිකට් තරගය සඳහා ක්‍රීඩාංගණ සහායකයන් වශයෙන් සහභාගි වූ 60 දෙනෙකුගෙන් යුත් පිරිස පළමු ටෙස්ට් තරඟය නිමා වුවත් ක්‍රීඩාංගණයෙන් මුදා නොහරින බව පල්ලෙකැලේ ටෙස්ට් ක්‍රිකට් ක්‍රීඩාංගන භාර කළමනාකාර ජානක පතිරණ මහතා පැවසීය.

ඒ අතර එකම පවුලේ සහෝදර සහෝදරියන් දාහතර දෙනකු ද වන බව පැවසේ.

වව්නියාව දිස්ත්‍රීක්කයේ නැවත කොරෝනා ව්‍යාප්තියේ අවධානමක් ඇති බවටත් නව කොරෝනා වෛරසය ආසාදිතයින් 12 දෙනෙකු මේ වන විට හඳුනාගෙන ඇතැයි වව්නියාව මහජන සෞඛ්‍ය පරික්ෂක කාර්යාලය පවසයි.

ගත වූ පැය 24 තුළ රිය අනතුරු වලින් පුද්ගලයින් 08 දෙනෙක් ජිවිතක්ෂයට පත්ව තිබෙනවා.

පොලොන්නරුව සෞඛ්‍ය සේවා බල ප්‍රදෙශයේ අද (25) වන විට දින 14ක් ඇතුළත වෛද්‍යවරියකගේ පවුලේ අය සමග කොවිඩ් ආසාදිත රෝගින් 33 දෙනෙකු හමු වී ඇති බවත් අද (25දා) උදැසන හිගුරක්ගොඩ රෝහලේ නේවාසික ප්‍රතිකාර ගැනිමින් සිටි රෝගියෙකු මියගිය පසු කොවිඩ් රෝගියෙකු බව හදුනා ගත් බවත් විශේඥ වෛද්‍ය ඩබ්.කේ.ඩබ්. එස්. කුමාරවංශ මහතා පවසයි.

සංවිධානාත්මක අපරාධකරුවෙක් හා පාතාල නායකයෙක් වන දෙමටගොඩ චමින්ද නමැත්තාගේ මස්සිනා රුපියල් ලක්ෂ දෙකක් පමණ වටිනා හොරයින් මත්කුඩු සමග මට්ටක්කුලිය සමිත්පුර නිවසේදී අද (25දා) අත්අඩංගුවට ගත් බව කොළඹ අපරාධ කොට්ඨාසය කියයි.

නිරෝධායන නීති උල්ලංඝණය කරමින් මගීන් රැගෙන යන බස් රථ සොයා වැටලීම් ආරම්භ කර ඇතැයි, ප්‍රවාහන රාජ්‍ය අමාත්‍ය දිලුම් අමුණුගම මහතා පවසයි.

කොවිඩ් රෝගින් සඳහා ප්‍රතිකාර කරන ලග්ගල ප්‍රාදේශීය රෝහලේ කාන්තා සහ දරුවන් ප්‍රතිකාර ලබන වාට්ටුවේ ඇදන් අද (25දා) වන විට පිරි ඇති බව මාතලේ දිස්ත්‍රික් කොරොනා මර්දන කමිටු රැස්විමේදි අනාවරණය විය.

යාපනය වැල්වැටිතුරෙයි පොලිස් වසමේ පොලිකණ්ඩි ගෙවත්තක වලදමා තිබූ හඳුනානොගත් බෝම්බ ඇතුලු බිම්බෝම්බ තොගයක් අද (25) දිනයේදී නිශ්ක්‍රීය කිරීමට පියවර ගෙන ඇතැයි යාපනය පොලිස් විශේෂ කාර්ය බලකාය පවසයි.

පාර්ලිමේන්තුව පිහිටි දියවන්නා ඔය අවට පැතිරෙමින් පවතින ජලය දුර්වර්ණ වී අවපැහැ ගැන්වීම Algae Bloom නැතහොත් ඇල්ගී අසාමාන්‍ය ලෙස වර්ධනය වීමක් නිසා ඇතිවන්නක් බව තහවුරු වී තිබේ.

කොවිඩ් 19 වසංගත උවදුරට අවසන් විසඳුම එන්නත්කරණය පමණි. ජනතාවට එන්නත ලබාදීම සඳහා සැකසූ විධිමත් වැඩපිළිවෙළක් රජය සතුව තිබේ. අභියෝගය සාර්ථකව ජය ගැනීමට නම් කොවිඩ් වසංගතය පැතිර ගිය පළමු වටයේ දී කලාක් මෙන්, සෞඛ්‍ය බලධාරීන් නිර්දේශ කර ඇති සියලු නීති රීති හා උපදෙස් ජනතාව අකුරටම පිළිපැදිය යුතු බව ජනාධිපති ගෝඨාභය රාජපක්ෂ මහතා අවධාරණය කරයි.

මොනරාගල සෞඛ්‍ය සේවා බල ප්‍රදේශයෙන් ඊයේ (24) උදෑසන වන විට කොවිඩ් 19 රෝගීන් 70 දෙනෙකු හමුවී ඇතැයි මොනරාගල ප්‍රාදේශීය සෞඛ්‍ය සේවා අධ්‍යක්ෂක වෛද්‍ය තුසිත අත්තනායක මහතා පැවසීය.

පාර්ලිමේන්තුවේ දී පසුගිය 21වන දින ඇතිවූ ගැටුම්කාරී සිද්ධිය සම්බන්ධයෙන් විමර්ශන පවත්වා නිර්දේශ ඉදිරිපත් කිරීමට පත්කළ කමිටුව ලබන බදාදා (28) පළමුවරට රැස්වීමට නියමිතව තිබේ.

හැටන් නගරයේ පිහිටි ප්‍රධාන දමිල පාසලක ගුරුවරියකට කොවිඩ් 19 වෛරසය අසාදනය වි ඇති බවට (24) දින රාත්‍රියේ තහවුරු වු බව කොටගල මහජන සෞඛ්‍යය පරික්ෂකවරයා පැවසිය

කැස්බෑව සෞඛ්‍ය වෛද්‍ය නිලධාරී කාර්යාල බලප්‍රදේශයෙන් වාර්තා වී තිබූ ආසාදිතයින්ගේ ආශ්‍රිතයින් එකසිය දොළොස් දෙනෙකු ඉලක්ක කරගනිමින් සිදුකළ පී.සී.ආර් පරීක් ෂණයේදී රෝගීන් හැට පස්දෙනෙකු ඊයේ (24 දා) වාර්තා වූ බව කැස්බෑව සෞඛ්‍ය වෛද්‍ය නිලධාරී වෛද්‍ය සමන්තිකා විජේසුන්දර මහත්මිය පැවසුවාය .

අලුත් අවුරුදු සමයේ දී, කහතුඩුව සුමන මාවත ප්‍රදේශයේ අවමංගල්‍ය උත්සවයක් පැවැති නිවෙසකින් කොරෝනා ආසාදිතයකු වාර්තා වීම නිසා සිදුකළ පී.සී.ආර් පරීක්ෂණයේදී , එම නිවෙසට ආ ගිය බව කියන ආසාදිතයාගේ මිතුරන් දොළොස් දෙනෙකුට කොරෝනා වෛරසය ආසාදනය වී තිබූ බව කහතුඩුව සෞඛ්‍ය වෛද්‍ය නිලධාරී වෛද්‍ය ධනුක පත්මරාජ මහතා පැවසීය.

මුහුණු ආවරණ නොපැළඳීම සහ නිරෝධායන නීති කඩ කළ පුද්ගලයින් 19 දෙනෙකු ඊයේ (24) දිනය තුළදී අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.