කොවිඩ් -19 වෛරසය ආසාදනය වූ තවත් 134 දෙනෙකු අද (07) දිනයේ හඳුනාගත් බව යුද හමුදාපති, ජෙනරාල් ශවේන්ද්‍ර සිල්වා මහතා පවසයි.

මෙරට තුළ ක්‍රියාත්මක සමස්ත සංවර්ධන ව්‍යාපෘති හා වැඩසටහන් පිළිබද සියලු අමාත්‍යංශ ආවරණය වන පරිදි නිර්මාණය කළ ඇසිදිසි පෙරමග වෙබ් අඩවිය විවෘත කෙරුණි.

ළමයින් සඳහා සිය කොවිඩ්-19 එන්නත ලබාදෙන ලෙස ෆයිසර්, බයෝඑන්ටෙක් එක්සත් ජනපද නියාමකයින්ගෙන් ඉල්ලීමක් කර තිබේ.

ශ්‍රී ලංකාව සහ ඕමානය අතර පැවැත්වූ ප්‍රථ​ම විස්සයි විස්ස තරඟය ලකුණු 19කින් ජය ගැනීමට ශ්‍රී ලංකා කණ්ඩායම සමත් විය.ලකුණු 163ක ඉලක්කයක් හඹා ගිය ඕමාන කණ්ඩාමට කඩුලු 8ක් දැවී ලබා ගැනීමට හැකිවූයේ ලකුණු 143ක් පමණි.

ඊයේ (06) දිනය තුළ කොරෝනා ආසාදිත මරණ‍ 44 ක් සිදු වී ඇති බව සෞඛ්‍ය අධ්‍යක්ෂක ජනරාල්වරයා තහවුරු කර සිටියි.

කොරෝනා වසංගතයෙන් දරුණුතම පීඩාවට පත් රට ඇමෙරිකා එක්සත් ජනපදය වන අතර, එරට සමස්ත ආසාදිතයන් සංඛ්‍යාව 44,158,348ක් ලෙසත්, ආසාදිත මරණ සංඛ්‍යාව 710,173ක් ලෙසත් දැක්වෙයි.

සිරගතව සිටින මන්ත්‍රීවරුන් යොදා ගනිමින් පටු දේශපාලන වාසි ලබා නොගන්නා ලෙස ලක්ෂ්මන් කිරිඇල්ල මන්ත්‍රීවරයාගෙන් ඉල්ලා සිටින බව ආණ්ඩුපක්ෂයේ ප්‍රධාන සංවිධායක අමාත්‍ය ජොන්ස්ටන් ප්‍රනාන්දු මහතා පැවසීය.

ලංකා සතොසේ සිදුවු සුදුළූණු වංචාවට අදාලව අත්අඩංගුවට ගත් පුද්ගලයා 14 දක්වා රක්ෂිත බන්ධනාගාර ගත කර තිබේ.

ශ්‍රී ලංකා ගමනාගමන මණ්ඩලය 2018 වර්ෂයේ ප්‍රසම්පාදන සැලැස්ම අනුව පරිගණක 139 ක් හා ලැප්ටොප් යන්ත්‍ර 74ක් රුපියල් 15,290,000ක ඇස්තමේන්තුගත මුදලකට මිලදී ගැනීමට සැලසුම් කොට තිබුණද, එය ඉක්මවා පරිගණක යන්ත්‍ර මිලදී ගෙන තිබුණි. මේ අනුව පරිගණක යන්ත්‍ර 800ක් හා ලැප්ටොප් යන්ත්‍ර 47ක් රුපියල් 113,303,750ක මුදලකට ප්‍රසම්පාදනය කර තිබුණි. මේ නිසා 2018 වර්ෂයේ පරිගණක මිලදී ගැනීමේදී ඇස්තමේන්තුගත මුදල ඉක්මවා රුපියල් 89,977,500ක මුදලක් ගමනාගමන මණ්ඩලයේ සාමාන්‍ය ගිණුම්

ශ්‍රී ලංකාව සහ ඕමානය අතර පැවැත්වෙන පළමු විස්සයි විස්ස තරඟයේ පළමුවෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 20 තුල කඩුලු 4ක් දැවී ලකුණු 162ක් රැස් කිරීමට සමත් විය.

හිඟ විදුලි බිල ගෙවීම සඳහා පාරිභෝගිකයින් වෙත වසරක සහන කාලයක් ලබාදීමට තීරණය කර ඇති බව විදුලිබල අමාත්‍ය ගාමිණි ලොකුගේ මහතා පවසයි.

“සෞඛ්‍ය පද්ධති වැඩිදියුණු කිරීමේ ව්‍යාපෘතියේ අතිරේක මූල්‍යකරණයක් ලෙස ශ්‍රී ලංකා රජය විසින් ආසියානු සංවර්ධන බැංකුවෙන් (ADB) ඇමරිකානු ඩොලර් මිලියන 110 ක ණය මුදලක් හා ආසියානු සංවර්ධන බැංකුව විසින් කළමනාකරණය කරනු ලබන දරිද්‍රතාවය අවම කිරීම සඳහා වූ ජපන් අරමුදල මගින් ඇමෙරිකානු එක්සත් ජනපද ඩොලර් මිලියන 03 ක මුදලක් ප්‍රදානයක් ලබා ගැනීමට තීරණය කොට තිබේ.

2022 වර්ෂය සදහා රජයේ ඇස්තමේතුගත රුපියල් බිලියන 2,505ක් (2,505,346,558,000) වන විසර්ජන පනත් කෙටුම්පත මුදල් අමාත්‍ය බැසිල් රාජපක්ෂ මහතා විසින් අද(07) පාර්ලිමේන්තුවට ඉදිරිපත් කිරීමට කටයුතු කළේය.

ශ්‍රී ලංකා මුහුදේ දී පසුගිය මැයි මස 24 වැනි දින මධ්‍යම රාත්‍රියේ දී ගිනිගෙන අනතුරට පත්වූ එක්ස්ප්‍රස් පර්ල් නෞකාව මේ වන විට මුහුදු බත් වී ඇති අබලි සුන්බුන් තත්වයට පත්ව ඇති බව සමුද්‍රිය පරිසර ආරක්ෂණ අධිකාරියේ සභාපතිනි, නීතීඥ දර්ශනී ලහන්දපුර මහත්මිය ප්‍රකාශ කළාය.

එළැඹෙන අවුරුද්දේ පෙබරවාරි 09 වැනිදා පාළාත් පාලන ආයතන වල කාලය අවසන් වන බැවින් පාළාත් පාලන මැතිවරණය පවත්වන ලෙස ආණ්ඩුවට අභියෝග කරන බවත් එමගින් ජන මතය තිබෙන්නේ කොතැනද යන්න බලාගත හැකි බවත් සමගි ජන බලවේගයේ පාර්ලිමේන්තු මන්ත්‍රී එස්.එම් මරික්කාර් මහතා පැවසීය.

ශ්‍රී ලංකා කණ්ඩායම සහ ඕමාන කණ්ඩායම අතර පැවැත්වෙන පළමු විස්සයි විස්ස තරඟයේ කාසිය වාසිය දිනාගැනීමට ඕමාන කණ්ඩායම සමත් වි​ය. ඒ අනුව පළමුව පන්දුවට පහරදීමට ඔවුන් ශ්‍රී ලංකා කණ්ඩායමට අරාධනය කර සිටියි.

ශ්‍රී ලංකා මහ බැංකුවේ අධිපතිවරයා ලෙස අජිත් නිවාඩ් කබ්රාල් මහතා පත්කිරීමට එරෙහිව ගොනුකර ඇති පෙත්සමක් අද (07) අභියාචනාධිකරණය හමුවේ සලකා බැලුනි.

කොවිඩ් වසංගතයත් සමග වසර දෙකක දී සියලු අංශයන්හි සිදු වූ පසුබෑම ජයගැනීමට, නව සාමාන්‍යකරණය යටතේ නව ජවයකින් වැඩ කිරීමට සූදානම් වන්නැයි ජනාධිපති ගෝඨාභය රාජපක්ෂ මහතා දිස්ත්‍රික් ලේකම්රුවන්ට කියයි.

සියලුම දුම්රිය යළි ධාවනයට එක් කිරීම එළඹෙන 15වනදා සිට ආරම්භ කරන බව දුම්රිය ප්‍රවාහන සමාන්‍යාධිකාරි ධම්මික ජයසුන්දර මහතා පවසයි.

විශේෂඥ වෛද්‍යවරුන් පහළොස් දෙනෙකුට වැඩි සංඛ්‍යාවක් සහභාගී වෙමින් මවකගේ අක්මාවෙන් කොටසක් ගෙන සිය පුතුට බද්ධ කළ විශේෂ අක්මා බද්ධ කිරීමේ ශල්‍යකර්මයක් පේරාදෙණිය ශික්ෂණ රෝහලේ දී සිදුකර තිබේ ජීවත්ව සිටින පුද්ගලයකුගේ අක්මාවෙන් කොටසක් ගෙන දරුවකුට බද්ධ කළ ප්‍රථම අවස්ථාව ඉතා සාර්ථක වූ බව පේරාදෙණිය ශික්ෂණ රොහල් අධ්‍යක්ෂ වෛද්‍ය අර්ජුන තිලකරත්න මහතා කියා සිටියේ ය.

ශ්‍රී ලංකා පොලිස් ඉතිහාසයේ ප්‍රථමවරට කාන්තා ජ්‍යෙෂ්ඨ පොලිස් අධිකාරිවරුන් තිදෙනෙක් වැඩබලන නියෝජ්‍ය පොලිස්පතිධුරය සඳහා උසස්කර තිබේ. මේ අනුව මේ වන විට ශ්‍රී ලංකා පොලීසිය කාන්තා නියෝජ්‍ය පොලිස්පතිවරුන් හතර දෙනෙක් සේවයේ යෙදෙන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහාල් තල්දූව මහතා පවසයි.

රාජ්‍ය අමාත්‍ය ලොහාන් රත්වත්තේ මහතා ශ්‍රී ලංකා මානව හිමිකම් කොමිසම වෙත පැමිණියේය.

උසස් පෙළ සහ ශිෂ්‍යත්ව විභාග සැලසුම් කළ දිනවල පැවැත්විය නොහැකි බව අධ්‍යාපන ප්‍රතිසංස්කරණ රාජ්‍ය අමාත්‍ය සුසිල් ප්‍රේමජයන්ත පවසා සිටියි.

ජනපති ගෝඨාභය රාජපක්ෂ මහතාගේ ප්‍රධානත්වනේ විශේෂ කැබිනට් රැස්වීමක් අද (07දා) සවස පැවැත්වීමට නියමිතව තිබේ. ගෑස්, කිරිපිටි ඇතුළු භාණ්ඩ මිල සම්බන්ධයෙන් මෙහිදි සාකච්ඡා කිරීමට නියමිතව තිබේ.

එයාර් ෆ්‍රාන්ස් ගුවන් සමාගම නොවැම්බර් 05 වෙනිදා සිට ශ්‍රී ලංකාවට වාණිජ ගුවන් ආරම්භ කිරීමට තීරණය කරයි. ඒ අනුව ආරම්භයක් ලෙස නොවැම්බර් 05 වෙනිදා සිට ප්‍රංශය හා ශ්‍රි ලංකාව අතර සතියකට සෘජු ගුවන් ගමන් වාර 03ක් ක්‍රියාත්මක කිරීමට එම සමාගම එකඟ වූ බව සංචාරක ඇමති ප්‍රසන්න රණතුංග මහතා පවසයි.

අ.පො.ස සාමාන්‍ය පෙළ 2020 විභාගයේ ප්‍රතිඵල නැවත සමීක්ෂණය සඳහා අයදුම් පත්‍ර කැඳවීම සම්බන්ධයෙන් විභාග දෙපාර්තමේන්තුව නිවේදනයක් නිකුත් කර තිබේ.

ඉන්දන සඟවා හිඟයක් ඇති කර පසුව ඉන්දන මිල ඉහළ දැමීම ඉන්දන මිල පිළිබඳ ආණ්ඩුවේ මිල සූත්‍රය වී තිබෙන බවට සමාජ මාධ්‍යන්හී සඳහන් වන බවත් සාදනීය ලෙස ඛණිජ තෙල් මිල ඉහළ පහළ යෑම තුල ජනතාවට සහන සැලසීමේ මිල සූත්‍රය කුමක්ද යන්න ආණ්ඩුවෙන් ප්‍රශ්න කරන බවත් සමගි ජන බලවේගයේ පාර්ලිමේන්තු මන්ත්‍රී චමින්ද විජේසිරි මහතා පැවසීය.

ප‍්‍රවාහන විෂයභාර ඇමතිනියගේ හා රත්නපුර දිස්ත‍්‍රික්කයේ අනෙකුත් මැති ඇමතිවරුන්ගේ අනුමැතිය ලැබෙන්නේ නම් කැණිවැලි දුම්රිය මාර්ගය කෙටි කාලයක තුල අඩු වියදමකින් ඇහැලියගොඩ දක්වා දීර්ඝ කළ හැකි බව දුම්රිය සාමාන්‍යාධිකාරී ජේ.අයි.ඞී. ජයසුන්දර මහතා දැනුම්දුන් බව ජන එකමුතුව සංවිධානයේ ලේකම් ගීත් මානවමිත‍්‍ර මහතා පැවසුවේය.

සෞඛ්‍ය මාර්ගෝපදේශයන් වලට අනුගතව ගාල්ල සමුද්‍ර පුරාවිද්‍යා කෞතුකාගාරය දෙස් විදෙස් සංචාරකයන්ට අද (07) සිට විවෘත කිරීමට මධ්‍යම සංස්කෘතික අරමුදල තීරණය කර තිබෙනවා.