ශ්‍රී ලංකා ඉතිහාසයේ විශාලම තනි සෘජු විදේශ ආයෝජනය සිදුකරමින් හම්බන්තොට තෙල් පිරිපහදුවක් ඉදිකිරීම වෙනුවෙන් චීනයේ සීනෝපෙක් සමාගම සූදානම් වෙයි. මෙහි වටිනාකම ඇමෙරිකානු ඩොලර් බිලියන 1.5ක් පමණ වෙයි.

’’වාහන ආනයනය පිළිබඳ ප්‍රතිපත්තියක් සකස් කිරීම සඳහා ජනාධිපතිතුමා විසින් කමිටුවක් පත් කළා. අපට වාහන ආනයනය පිළිබඳ විවෘත ප්‍රතිපත්තියක් තිබිය යුතුද, නැතහොත් වාහන ආනයනය සඳහා සෑම වසරකම නිකුත් කරන නිශ්චිත බලපත්‍ර ප්‍රමාණයක් පවතින සිංගප්පූරුවේ තිබෙන ක්‍රමයට සමාන ක්‍රමවේදයකට අප යා යුතුද යන්න එමඟින්‍ සොයා බැලෙනවා.

ශ්‍රීලංකා රේගු ඉතිහාසයේ වැඩිම රේගු ආදායම පසුගිය ඔක්තෝබර් මාසයේ දී ලබාගත් බව රේගු මාධ්‍ය ප්‍රකාශක රේගු අධිකාරී සීවලී අරුක්ගොඩ මහතා සදහන් කළේ ය.

ගැටලු කිහිපයක් මුල්කර ගනිමින් අද (02දා) සියලුම විශ්ව විද්‍යාලවල ආචාර්යවරුන් සේවයෙන් ඉවත්ව සිටිමේ එක්දින වැඩ වර්ජනයක් සිදුකරන බව විශ්වවිද්‍යාල ආචාර්යවරුන්ගේ සමිති සම්මේලනය සඳහන් කරයි. මෙම වැඩ වර්ජනයට සමගාමීව අද රාජ්‍ය විශ්ව විද්‍යාල සුරකින ලෙස ඉල්ලා කොළඹ මහජන පුස්තකාලයේදී විද්වතුන්ගේ සහාභාගිත්වයෙන් මහජන සම්මන්ත්‍රණයක්ද පැවැත් විමට කටයුතු කරන බව එම සංගමයේ මාධ්‍ය ප්‍රකාශක ජ්‍යෙෂ්ඨ කථිකාචාර්ය චාරුදත්ත ඉලංගසිංහ මහතා සඳහන් කළේය.

මසකට නිවසක කිලෝවොට් පැය 60-90ත් අතර ප්‍රමාණයක් භාවිත කිරීමට නොහැකි නම්, එම නිවස විදුලි දරිද්‍රතාවට යටත් වන බවත්, ඒ අනුව විදුලි දරිද්‍රතාවෙන් පෙලෙන රටක් දියුණු කළ නොහැකි බවත් සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පැවසීය.

ඔහුගේ අභාවය ක්‍රිකට් වලට ලොකු පාඩුවක්. ඒ වෙලාවේදී මම දැකපු අංක එකේ ක්‍රිකට් රසිකයා ඔහු. දැන් රසිකයෝ ගොඩක් ඉන්නවා. එහෙත් මම දැකපු පළමු ක්‍රිකට් රසිකයා ඔහු. ඇත්තටම ඒක අපි ඔක්කොටම පාඩුවක්

ගොවි ජනතාවගේ සහයෝගයෙන් මේ වන විටත් රට තුළ සහල් අතිරික්තයක් පවත්වාගෙන යාමට හැකි වී තිබෙන බැවින් ඉදිරියේදී ආහාර හිඟයක් පිළිබඳ අනියත බියක් ඇති කරගත යුතු නැති බව පශු සම්පත් සංවර්ධන රාජ්‍ය අමාත්‍ය ඩී. බී. හේරත් මහතා පැවසීය.

පූජ්‍ය පිටිදූවේ සිරිධම්ම හිමියන් විසින් ත්‍රිපිටක ධර්මයත් බුද්ධ චරිතයත් විකෘතියට පත්කරමින් කරන අනර්ථ දේශනයන් පැවැත්වීමෙන් වළකින ලෙස පූජ්‍ය පිටිදූවේ සිරිධම්ම හිමියන්ට මල්වතු පාර්ශ්වයේ මහනායක මාහිමිපාණන් වහන්සේ ඇතුළු නායක කාරක සංඝ සභාවේ ස්වාමීන් වහන්සේලා විසින් අවවාද කර තිබේ.

මධ්‍යම කඳුකරයේ බොහෝ ප්‍රදේශවලට අද 01 වනදා සවස් කාලයේ සිට ඇද හැළුණු අධික වර්ෂාව හේතුවෙන් මහනුවර යාපනය ඒ 09 මාර්ගයේ අකුරණ නගරය අද 01 සවස නැවතත් ජලයෙන් යටවිය.

ජනශක්ති සමූහ ව්‍යාපාරයේ අධ්‍යක්ෂවරයෙකු වූ දිනේෂ් ශාෆ්ටර් මහතාගේ මරණය අපරාධයක් බවට කොළඹ අතිරේක මහේස්ත්‍රාත් රජින්දුා ජයසූරිය මහත්මිය තීරණය කළාය.

අයවැය විවාදය දින 26 ක් පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කළේය.

මධ්‍යම පළාතේ ප්‍රභල දේශපාලකයෙකුගේ සහයෙන් නීති විරෝධීව මෙරටට ගෙන්වා එකලස් කල සුඛෝපභෝගී ජීප් රථයක් රුපියල් කෝටියක මුදලකට අලෙවි කිරීමට සූදානම් කර තිබියදී අද (01) සැකකරුවෙකු සමග අත්අඩංගුවට ගැනීමට වලාන මධ්‍යම දූෂණ මර්ධන ප්‍රහාරක ඒකකය සමත්ව ඇත.

14 හැවිරිදි දැරියක් වසර ගණනාවක් තිස්සේ අතවරයට ලක්කල 80 හැවිරිදි සියා ඇතුළු සමීප ඥාතීන් තිදෙනෙකු අත්අඩංගුවට ගත් බව මොරගහහේන පොලිසිය කියයි.

කෘෂිකර්ම හා වැවිලි කර්මාන්ත අමාත්‍යාංශය යටතේ ඇති විදේශ අරමුදල් මත ක්‍රියාත්මක සියලු ව්‍යාපෘතිවල මුදල් පරිහරණය හා ව්‍යාපෘති ක්‍රියාත්මක කර ඇති ආකාරය පිළිබඳව විශේෂ විමර්ශණයක් සිදු කරන්නැයි කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා අමාත්‍යාංශයේ ලේකම් ජානක ධර්මකීර්ති මහතාට උපදෙස් දුන්නේය.

සංවිධානාත්මක අපරාධ කල්ලි නායක ගනේමුල්ල සංජීවගේ සමීපතම ගෝලයෙකු වන බස්නායකලාගේ දොන් රොෂාන් චතුර්ක නැමැති පුද්ගලයා අද (01දා) අලුයම කටුනායක ගුවන් තොටුපොළෙන් ශ්‍රී ලංකාවට ඇතුළු වෙමින් සිටියදී පොලිස් විශේෂ කාර්යය බළකායේ නිලධාරීන් පිරිසක් විසින් අත් අඩංගුවට ගෙන ඇති බව පොලිස් මාධ්‍ය ප්‍රකාශක නීතීඥ නිහාල් තල්දූව මහතා ද සනාථ කළේය.

ඩීසල් මිල ඉහළ දැමුවද මෙවර ද පාසල් සිසු ප්‍රවාහන ගාස්තු ඉහළ නොදමන බව සමස්ත ලංකා අන්තර් පළාත් පාසල් ළමයි ප්‍රවාහන සංගමයේ සභාපති රුවන් ප්‍රසාද් මහතා අද (1දා) උදේ අම්බලන්ගොඩ පැවැති මාධ්‍ය හමුවකදී කීවේය.

ඉන්දීය මුදල් අමාත්‍ය නිර්මලා සීතා රාම් මහත්මිය ශ්‍රී ලංකාවේ නිල සංචාරයක් සඳහා අද (01දා) දින උදෑසන කටුනායක ගුවන් තොටුපොළ වෙත පැමිණි බව ගුවන් තොටුපොළ කාර්යය භාර නිලධාරීවරයා සනාථ කළේය.

ලක්ෂපාන ජල විදුලිබලාගාර සංකීර්ණයට අයත්, කැන්යොන් පොකුරු ජලාශයේ එක් වාන් දොරටුවක් අඟල් 03 ක ප්‍රමාණයක් අද (01) දා අළුයම විවෘත කළ බව එම ජලාශය භාර ඉංජිනේරුවෝ පැවසූහ.

චෙක් ජන රජය හා ශ්‍රී ලංකාව අතර සත්ව හූවමාරු වැඩ සටහන් යටතේ දෙහිවල ජාතික සත්වෝද්‍යානයට මෙරටට දුර්ලභ ගණයේ වන’’ කැපිබරා ’’ පිරිමි හා ගැහැනු සත්වයින් ජෝඩුවක් ගූවන් මගින් රැගෙ එනු ලැබ ඇතැයි සත්වෝද්‍යාන ප්‍රකාශකයකු පැවසීය .

මීළඟ විදුලි ගාස්තු සංශෝධනය සිදුවන්නේ, 2024 වසරේ අප්‍රේල් මාසයේදී බව විදුලිබල සහ බලශක්ති අමාත්‍ය කංචන විජේසේකර මහතා පැවසීය.

සිපෙට්කෝ ඉන්ධන මිල ගණන් අද මධ්‍යම රාත්‍රියේ සිට සංශෝධනය කර තිබේ.

වසරකට පෙර රාජ්‍ය සේවක වැටුප ගෙවීම පවා දුෂ්කර වූ රටක වැටුප් වැඩි කරන බව සැලවීමත් ජනතාවගේ පාර්ශ්වයෙන් සුබවාදී පනිවිඩයක් බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා කියයි. එය නිවැරැදි නායකත්වය යටතේ රට යහපත් ආර්ථික දිශානතියක ගමන් කරන බවට කදිම නිදසුනක් බවයි අමාත්‍යවරයා පෙන්වා දෙන්නේ.

බස් රථ ප්‍රමුඛතා මංතීරු වැඩසටහන යළිත් නියමු ව්‍යාපෘතියක් ලෙස ක්‍රියාත්මක කරන බව ශ්‍රී ලංකා පොලීසිය පවසයි.

වසර 12ක කාලයක් තුළ ශ්‍රී ලංකාවේ ව්‍යාපාරිකයන් තම මුදල්වලින් ඩොලර් බිලියන 56.5ක් විදේශීය රටවල තැන්පත් කර ඇති බවත් එම මුදල් වංචනිකව උපයන ලද මුදල් නොවන බවත් අමාත්‍ය විජයදාස රාජපක්ෂ මහතා පවසයි. අද පැවැති මාධ්‍ය හමුවකදී ඔහු මෙම අදහස් දැක්වීය.

පුස්සැල්ලාව පොලිස් වසමේ නයාපාන වත්ත පහළ කොටසේ 10 වසර පන්තියේ ශිෂ්‍යාවක් පොලීසියට බියේ ගෙල වැලලාගෙන සියදිවි නසාගැනීමේ සිද්ධියක් සමග එය දින තුනක් තුළ පොලීසියට බියේ ප්‍රදේශය තුළ සිදු වූ දෙවන සියදිවි නසා ගැනීම බව ගම්පොල රෝහල් හදිසි මරණ පරීක්ෂක නලින් ඒ. මැදිවක මහතා ඉදිරියේ හෙළිවිය.

ලබන වසරේ ජනවාරි මස 1 දා සිට එකතු කළ අගය මත බද්ද හෙවත් වැට් බදු අනුපාතය සියයට 18ක් දක්වා වර්ධනය කිරීමට කැබිනට් අනුමැතිය ලැබී තිබේ.

නඩත්තු කටයුතු කිහිපයක් හේතුවෙන් දුම්රිය මාර්ග කිහිපයක් තාවකාලිකව වසා දැමීමට දුම්රිය දෙපාර්තමේන්තුව තීරණය කර තිබේ.

දැනට වසරකට දෙවරක් ලෙස සිදුකරනු ලබන විදුලි ගාස්තු සංශෝධනය මාස තුනකට වරක් සිදුකිරීමට කැබිනට් අනුමැතැයි ලැබි තිබේ.