ජපානයේ ඔසාකා නුවර කර්මාන්ත ශාලාවක රැකියා ලබාදෙන බව පවසා මුදල් වංචාකළ මිනුවන්ගොඩ ප්‍රදේශයේ පදිංචි 65 හැවිරිදි කාන්තාවක් ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිළධාරීන් විසින් 2023.06.08 දින අත්අඩංගුවට ගෙන තිබේ.

පොලිස් මත්ද්‍රව්‍ය නාශක කාර්යාංශය විසින් හෙරොයින් සමග නාරාහේන්පිටදී මේ මස ජනවාරි 01 දා අත්අඩංගුවට පත් සැකකරුවෙක් මිය යාමට අදාළව එම කාර්යාංශයේ නිලධාරීන 7ක් අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබේ.

පාසල් නිවාඩුව අවසන් වී නැවත පාසල් ආරම්භවන්නේ ලබන 12 දා බැවින් පාසල් ළමුන් සඳහා දුම්රිය වාර ප්‍ර වේශපත්‍ර ලබා ගත හැකි කාලය ලබන 16දා තෙක් දීර්ඝ කර ඇති බව දුම්රිය දෙපාර්තමේන්තුව පවසයි. මේ පිළිබඳව සියලුම දුම්රිය ස්ථාන දැනුවත් කර ඇති බවද එම දෙපාර්තමේන්තුව වැඩිදුරටත් පවසයි.

විදුලංකා සමූහයට අයත් හොරණ සූර්ය බල සමාගම විසින් ක්‍රියාත්මක කරන ලද මෙගාවොට් 2 ක සූර්ව බල ව්‍යාපෘතියක් අද පෙරවරුවේ හොරණදී ජාතික විදුලිබල පද්ධතියට සම්බන්ධ කළ බව විදුලි බල හා බලශක්ති අමාත්‍ය කංචන විජේසෛ්කර මහතා පවසයි.

2023 වර්ෂයේ රජයේ පාසල් හා රජයේ අනුමත පෞද්ගලික පාසල්වල පළමු පාසල් වාරයේ තෙවන අදියර 2023.06.12 වන සඳුදා දින ආරම්භ වන බව අධ්‍යාපන අමාත්‍යාංශය නිවේදනය කරයි.

• රථගාල් ගාස්තු අයකිරීමට කොන්ත්‍රාත් ලබාගත් පෞද්ගලික ආයතන 38 කින් 2021 දෙසැම්බර් 31 වන විට ලැබිය යුතු හිග ගාස්තුව රු. මිලියන 265.50 ක් • කොළඹ නගරයේ ගිනි නිවන ඒකකය සහ ගුවන් හමුදාව සමග ඇති සම්බන්ධීකරණය වැඩි කිරීමට අවධානය • විධිමත් පරිදි දැන්වීම් ආදායම ලබානොගැනීම පිළිබඳ අවධානය • ඉඩම් ලේඛන විධිමත්ව පවත්වාගෙන නොයාමේ ගැටලු පිළිබඳ අවධානය • බස්නාහිර මහා නගරසභා කාර්යාලයේ දුර්වල අධීක්ෂණ ක්‍රියාවලිය පිළිබඳ අවධානය

රටේ ලක්ෂ සංඛ්‍යාත ජනතාවක් දුප්පත්කමට පත්ව ඇති බවත් 2019 පසු ලක්ෂ 40කට ආසන්න පිරිසක් එනම් ජනගහනයෙන් සියයට 17ක් දුප්පත්කමට පත්ව ඇති බවත් එය පළාත් 9ම දක්නට ලැබෙන බවත් විපක්ෂ නායක සජිත් ප්‍රේමදාස මහතා (9) අද පාර්ලිමේන්තුවේ දී පැවසීය.

වියළි මිරිස් කිලෝවක් රුපියල් 60 කින් අඩුකර ඇති අතර නව මිල රුපියල් 1,290 කි. මුංඇට කිලෝවක් රුපියල් 325 කින් අඩුකර ඇති අතර නව මිල රුපියල් 1,225 කි. රතු පරිප්පු කිලෝවක් රුපියල් 15 කින් අඩුකර ඇති අතර නව මිල රුපියල් 299 කි. රතු නාඩු කිලෝවක් රුපියල් 15 කින් අඩුකර ඇති අතර නව මිල රුපියල් 200 කි. හාල්මැස්සන් (තායි) කිලෝවක් රුපියල් 10 කින් අඩුකර ඇති අතර නව මිල රුපියල් 1,140 කි. පාන් පිටි කිලෝවක් රුපියල් 10 කින් අඩුකර ඇති අතර නව මිල රුපියල් 2

කිරින්ද විහාරය ආසන්නයේ මුහුදු තීරයේදී තරුණියන් තිදෙනෙකු හා තරුණයෙකු මුහුදු රළ හසුවී ගසාගෙන ගොස් ඇතැයි පොලීසිය පවසයි. මෙහිදී ඔවුන් සමග පැමිණි අයෙකු විසින් තරුණියක් හා තරුණයෙක් බේරාගෙන තිබේ.

නවවැනි පාර්ලිමේන්තුවේ සිව්වැනි සභා වාරයේ පාර්ලිමේන්තු මන්ත්‍රී (ආචාර්ය) හර්ෂ ද සිල්වා මහතාගේ සභාපතිත්වයෙන් රැස් වන රජයේ මුදල් පිළිබඳ කාරක සභාවේ පළමු රැස්වීම පසුගියදා (07) පැවැත්වුණි.

සාත්තු සේවා රැකියා වරම් ලැබූ ශ්‍රි ලාංකිකයින් දසදෙනෙකු වෙත ගුවන් ටිකට්පත් ප්‍රදානය කිරීම, කම්කරු හා විදේශ රැකියා අමාත්‍ය මනුෂ නානායක්කාර මහතාගේ ප්‍රධානත්වයෙන් අද විදේශ සේවා නියුක්ති කාර්යාංශයේදී සිදුකරන ලදී. 60 වන ශ්‍රමික කණ්ඩායම ලෙස එම පිරිස 2023.06.13 දින ඊශ්‍රායලය බලා පිටත්ව යාමට නියමිතව ඇත.

දැනටකෘෂිකර්මාන්තය තුළ වී වගාවේ නිරතව සිටින ගොවි ජනතාවගෙන් සියයට 80ක් අවුරුදු 50 ඉක්ම වු වැඩිහිටියෝ වෙති. වී වගාව තුළ තරුණ ප්‍රජාවේ නියෝජනය සියයට 20ක් පමණ සුළු ප්‍රමාණයකි.

සැකකටයුතු ලෙස මිය ගිය කුඩා දරුවෙකුගේ මෘත දේහයක් මුල්ලේරියාව පොලිස් වසමේ හල්බරාව ප්‍ර දේශයේදී සොයා ගත් බව පොලීසි කියයි.

වෛද්‍ය උපාධිය අවසන් කළ නවක වෛද්‍යවරුන් 406 දෙනකු සීමාවාසික පුහුණුව සඳහා අනුයුක්ත කිරීමට සෞඛ්‍ය අමාත්‍යාංශය පියවර ගෙන තිබේ.

ශ්‍රී ලංකාව තුළ අඛණ්ඩ ඉන්ධන සැපයුමක් සහතික කරමින් ඛනිජ තෙල් නිෂ්පාදන ආනයනය, ගබඩා කිරීම, බෙදා හැරීම සහ විකිණීම සඳහා ශ්‍රී ලංකා රජය සහ ආර්.එම්. පාර්ක්ස් සමාගම (RM Parks Inc) අතර දිගුකාලීන ගිවිසුමකට අත්සන් තැබීම ඊයේ (08) පස්වරුවේ ජනාධිපති කාර්යාලයේදී ජනාධිපති රනිල් වික්‍රමසිංහ මහතාගේ ප්‍රධානත්වයෙන් සිදු විය.

ඒ අතර සිටි එක් චීන ජාතික ආරක්ෂක නිලධාරීවරියක් , මෙම චීන ජාතිකයා අසළට පැමිණ චීන බසින් ’’ සුභ සන්ධ්‍යාවක් ’’ යැයි පවසනවාත් සමග මොහු එතෙක් ඔහු අසුන් ගෙන සිටි රෝද පුටුවෙන් නැගී සිටින්නට උත්සාහ කරමින් කළබළ කරන්නට වූයේ තමන් චීනය රැගෙන යන බව වැටහීමත් සමගය .

මේ දිනවල පවතින වැසි තත්වය හේතුවෙන් ඩෙංගු අවධානම් තත්වය ද සැලකිල්ලට ගනිමින් අ.පො.ස සාමාන්‍ය පෙළින් අනතුරුව ආරම්භ වන පාසල් වාරයට පෙර මෙම සති අන්තයේ විශේෂ ඩෙංගු මර්ධන වැඩසටහනක් සියලු පළාත් ආවරණය කරමින් පාසල් ප්‍රජාවගේ ද සහයෝගයෙන් දිවයිනපුරා සිදු කිරීමට අපේක්ෂා කරන බවත් එහි මූලික වැඩසටහන කොළඹ නගරය කේන්ද්‍ර කර ගනිමින් කොළඹ කලාපයේ සියලු පාසල්වලින් ආරම්භ කරන බවත් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පැවසීය.

බස්නාහිර සහ සබරගමුව පළාත්වලත් ගාල්ල, මාතර,මහනුවර සහ නුවරඑළිය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බව කාළගුණ විද්‍යා දෙපාර්තමේන්තුව පවසයි.

සබරගමුව පළාත් ආණ්ඩුකාරවරයා වශයෙන් කටයුතු කරන ටිකිරි කොබ්බෑකඩුව මහතා සිය ධුරයෙන් ඉල්ලා අස්වීමට ජනාධිපතිවරයාට ලිපියක් යවා ඇත

ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට එරෙහි ලිංගික බලහත්කාරකම් කිරීමේ නඩුව එළඹෙන ජූලි මස 07වැනිදා විභාගයට ගැනීමට (Trials) සිඩ්නි ඩව්නිං සෙන්ටර් ප්‍රාදේශීය උසාවිය ඊයේ (08දා) තීන්දු කළේය.

බණ්ඩාරගම උඩුගොඩ ප්‍රදේශයේ පිරිවෙනක අධ්‍යාපනය ලබමින් සිටී 16හැවිරිදි හිමිනමක් බලහත් කාරයෙන් බරපතළ ලිංගික අපයෝජනයකට ලක් කළ එහි වාසය කරන 30 හැවිරිදි හිමිනමක් අත්අඩංගුවට ගත් බව බණ්ඩාරගම පොලීසිය පවසයි.

පොලිස් කොස්තාපල්වරියක් විවාහ කරගන්නා බවට කර ගන්නා පොරොන්දු වී ඇයගෙන් රුපියල් ලක්ෂයක මුදලක් වංචා කළ පොලිස් කොස්තාපල්වරයෙකු අත්අඩංගුවට ගෙන ඇත.

සෞඛ්‍ය අමාත්‍යංශයේ හදිසි ඖෂධ මිලදී ගැනීම් සම්බන්ධයෙන් දිගින් දිගටම ප්‍රශ්න සහගත තත්වයක් උද්ගතව පැවතීම හා ඒවා සම්බන්ධව නිසි පරිදි විමර්ශන සිදු නොවීම නිසා නිලධාරීන් අඛණ්ඩවම හදිසි ඖෂධ මිලදී ගැනීම් හරහා ප්‍රශ්න සහගත ගනුදෙනු වලට යොමු වන බවත් මේ සම්බන්ධයෙන් මීට පෙර අවස්ථා ගණනාවකදී පෙන්වා දී ඇතත් ජනාධිපතිවරයා හෝ ජනාධිපති ලේකම් කාර්යාලය මේ සම්බන්ධයෙන් සක්‍රීය ලෙස ක්‍රියාත්මක නොවීම නිසා නිලධාරීන් කිසිදු බියක් සැකක් නොමැතිව ප්‍රශ්න සහගත ටෙන්ඩර් ගනුදෙනුවලට

මේ වසරේදී ශ්‍රී ලංකාවේ ආර්ථික වර්ධන වේගය -4.3%ක් වනු ඇතැයි ලෝක බැංකුව පවසයි. එම බැංකුව මගින් 2023 වසර සඳහා වන ගෝලීය ආර්ථික වර්ධනය පිළිබඳ වාර්තාව (Global Economic Prospects) නිකුත් කරමින් ඊයේ (07දා) දිනයේදී මේ බව සඳහන් කර තිබේ.

ආනයනය සීමා කිරීම හරහා ‍මෙරට කර්මාන්තවල විශාල ප්‍රගමනයක් දැකිය හැකි බවත් ඒ අනුව පසුගිය වසරේදී (2022) ඉතිහාසයේ වැඩිම අපනයන ආදායම වන ඩො.බි 13.1 ක මුදලක් ලබාගත හැකිවූ බවත් කර්මාන්ත අමාත්‍ය රමේෂ් පතිරණ මහතා පැවැසීය.

වර්තමානයේදී මෙරට තුළ දරිද්‍රතා රේඛාවට පහළින් ජීවත් වන ජනගහනය මිලියන 7ක් බවට පත්ව ඇතැයි LIRNEasia ආයතනය පවසයි. ඒ අනුව මෙය සමස්ත ජනගහනයෙන් 31%ක ප්‍රතිශතයක් ගන්නා බවද එම ආයතනය සදහන් කරයි.

ජපානයේ එහිමෙ ප්‍රාන්තයේ (EHIME PREFECTURE) කෘෂිකාර්මික ක්ෂේත්‍රයේ තාක්ෂණික සිමාවාසික පුහුණුලාභීන් ලෙස ශ්‍රි ලාංකිකයින් යොමුකිරීමට ජපානයේ එහිමෙ ප්‍රාන්තය හා ශ්‍රි ලංකාවේ කම්කරු හා විදේශ රැකියා අමාත්‍යාංශය අතර සහයෝගිතා ගිවිසුමකට ජපානයේ එහිමෙ නගරයේදී අද දින (07) අත්සන් තබන ලදී.

රජයේ මුදල් පිළිබඳ කාරක සභාවේ සභාපතිධුරය විපක්ෂයට ලබා දියු යුතු බවත් ආචාර්ය හර්ෂද සිල්වා මහතා ඒ සඳහා සුදුසු බවට විපක්ෂය යෝජනා කරන්නේ නම් ඔහුට සභාපතිධුරය ලබාදිය යුතු බවත් ජනපති රනිල් වික්‍රමසිංහ මහතා පැවැසීය.

ගැඹුරු මුහුදේදී අහපත් කාලගුණය හේතුවෙන් පෙරළුනු ‘ලූපෙන් යුවාන්යු 028”නැමැති චීන ධීවර යාත්‍රාවට පළමුව ඇතුළුවී එහි මළ සිරුර 14 ක් සොයා ගැනීමේ කිමිදුම් මෙහෙයමුට සහභාගි වු නාවික හමුදා සමාජිකයන් නව දෙනාට චීන රජයේ උපහාර පිදීමේ උත්සවයක් පැවැත්විණි.