ඉදුරුව ඇටවලවත්ත ප්‍රදේශයේ නිවසක තියුණු ආයුධයකින් පහරදී ඝාතතනය කළ කාන්තාවකගේ මළ සිරුරක් අද (12දා) උදේ ඇයගේ නිවස ඉදිරිපිට තිබී සොයා ගත් බව කොස්ගොඩ පොලීසිය කියයි.

ඇමෙරිකානු ඩොලරයට සාපේක්ෂව ශ්‍රී ලංකා රුපියලෙ කඩා වැටීමක් අද දිනයේදි දක්නට ලැබුණි. ඒ අනුව පසුගිය සිකුරාදා දිනයට සාපේක්ෂව අද දිනයේදී මෙම කඩා වැටීම දක්නට ලැබුණි.

දස හැවිරිදි පාසල් සිසුවෙකු සිය නිවසේ වැසිකිලිය තුල දි රෙදි පටියකින් ගෙල වළලාගෙන සිය දිවි හානි කරගෙන ඇති බව බගවන්තලාව පොලිසියේ ස්ථානාධිපති ප්‍රධාන පොලිස් පරික්ෂක සම්පත් බණ්ඩාර මහතා පැවසිය.

යුද්දෙන් පසුව නැවත පදිංචි වූ වැසියන් වෙනුවෙන් යාපනය යුධ හමුදා කදවුරු සීමාවන්ට අයත්ව තිබු යාපනය, කන්කසන්තුරය මාන්කොල්ලෙයි වෛරව හින්දු කෝවිල් ඉඩම සිවිල් වැසියන් වෙතට ලබාදීමට පියවර ගෙන තිබුණි.

යාපනය දිස්ත්‍රික්කයේ සියලුම පෞද්ගලික අධ්‍යාපන ආයතන වෙතට ජුලි 01 වනදා සිට සතියේ සිකුරාදා සහ ඉරිදා දිනයන්හි උපකාරක පන්ති නොපවත්වන ලෙසට යාපනය දිසාපති ඒ. සිවපාලසුන්දරම් මහතා දැනුම් දී ඇත.

ජනතාවට බදු සහන ලබා දෙන්නේ කෙසේදැයි මේ දිනවල රජය සාකච්ඡා කරමින් සිටින බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

වීරකැටිය කැප්පිටියාව ගම්මානයත් තරුණ කෘෂිව්‍යවසායකත්ව ආදර්ශ ගම්මානයක් ලෙස සංවර්ධනය කිරීමේ කටයුතු ඊයේ (11) ආරම්භ විය.

කොරියානු නැව් ඉදිකිරීම් රැකියා සදහා පුහුණු ශ්‍රමිකයින් යොමු කිරීම ඉලක්ක කරගනිමින් පුහුණු මධ්‍යස්ථානයක් ආරම්භ කිරීම සදහා ශ්‍රී ලංකා විදේශ සේවා නියුක්ති කාර්යාංශය, ගංගාරාම විහාරස්ථානයට අනුබද්ධිත ශ්‍රී ජිනරතන අධ්‍යාපන ආයතනය සහ කොරියානු ක්ලූලයිෆ් ආයතන අතර අවභෝධතා ගිවිසුමක් කම්කරු සහ විදේශ රැකියා අමාත්‍ය මනුෂ නානායක්කාර මහතාගේ ප්‍රධානත්වයෙන් අද අත්සන් කළේය.

කොළඹ කුරුණෑගල මාර්ගයේ වරකාපොල පොලිස් වසමේ තුල්හිරිය ප්‍රදේශයේ ත්‍රි රෝද රථයක් හා ටිපර් රථයක් මුහුණට මුහුණ ගැටීමෙන් සිදුවූ අනතුරකින් ත්‍රි රෝද රථයේ ගමන් කළ එකම පවුලේ තිදෙනෙක් ජීවිතක්ෂයට පත්ව තිබේ.

එළඹෙන මහ කන්නයේ සිට යූරියා පොහොර මිටියක් රුපියල් 5000කට අඩු මුදලකට ගොවින්ට ලබා දෙන බව කෘෂිකර්ම අමාත්‍ය මහින්ද අමරවීර මහතා ප්‍රකාශ කළේය.

මීගොඩ ගැමුණු මාවත ප්‍රදේශයේදී බත්තරමුල්ල සමුපාකාර රක්ෂණ සමාගමේ උප සභාපතිවරයාට වෙඩි තබා තුවාල සිදු කිරීමේ සිද්ධිය සම්බන්ධයෙන් මාතර සමුපාකාර රක්ෂණ සමාගමේ සභාපතිවරයා ඇතුළු පුද්ගලයන් සිවුදෙනකු අත්අඩංගුවට ගත් බව බස්නාහිර පළාත් දකුණු දිසාව අපරාධ කොට්ඨාසය කියයි.

ඉන්දීය කණ්ඩායම පරාජය කරමින් ලෝක ටෙස්ට් ශූරතාව ජයග්‍රහණය කිරීමට ඔස්ට්‍රේලියා කණ්ඩායම සමත්විය. එංගලන්තයේ ඕවල් පිටියේ පැවැති තරගයේ ලකුණු 444ක ඉලක්කයක් හඹා ගිය ඉන්දීය කණ්ඩායමට සියලු දෙනා දැවී රැස්කර ගත හැකිවූයේ ලකුණු 234ක් පමණි.

අනාරක්ෂිත ලෙස ක්‍රියාත්මක කළ තණකොළ කපන මැෂිමේ තලය කුඩා දරුවකුගේ උදර ප්‍රදේශයේ ගැටී මිය යාමේ සිද්ධිය සම්බන්ධයෙන් දරුවාගේ සීයා ඊයේ (10දා) රාත්‍රී අත්අඩංගුවට ගත් බව මුල්ලේරියාව පොලිසිය කියයි.

පේරාදෙණිය විශ්ව විද්‍යාලයේ කළමනාකරණ පීඨයේ නවක සිසුන් පිරිසකට නවක වදය දීමේ සිද්ධියක් සම්බන්ධයෙන්එම පීඨයේ දෙවන වසරේ සිසුන් 11 දෙනෙකුගේ පන්ති තහනම් කළ බව එම විශ්ව විද්‍යාලයේ නියෝජ්‍ය උපකුලපති සහ මාධ්‍ය ප්‍රකාශක මහාචාර්ය ටෙරන්ස් මධුජිත් මහතා පැවසීය.

ජනාධිපති රනිල් වික්‍රමසිංහ මහතා ලබන 17 වැනිදා ලන්ඩනයේ සහ ප්‍රංශයේ නිල සංචාරයක් සඳහා පිටත්ව යාමට නියමිතය.

පේරාදෙණිය විශ්ව විද්‍යාලයට වසර 80 ක් සපිරීම නිමිත්තෙන් ජූලි මස 01 වැනි දින පෙරවරු 10.00 සිට මහජනතාවට විවෘත දිනයක් ලෙස එහි පාලන අධිකාරිය ප්‍රකාශයට පත් කොට තිබේ .

මම එනවා ඕනෑම රටකට මට පිට රට තියෙන බැංකුවල මුදල් ආණ්ඩුවට දෙන්න කියලා දිවුරුම් ප්‍රකාශ දෙන්න. නාමල් රාජපක්ෂලා මහින්ද රාජපක්ෂ කවදාවත්ම මේ රටේ මුදල් හොරකම් කරලා නැහැ. එය අපේ මව් බිමේ යතාර්ථය දන්නවා. බොරුවට අපිට මඩ ගහනවා හොරු හොරු කියලා.

ආකර්ෂණීය පොලියක් ලබා දෙන බව පවසා ගනුදෙනුකරුවන් රවටා එක් කෝටි දාහත් ලක්ෂයක මුදලක් වංචා කළ බව පැවසෙන කැස්බෑව නගර සභාවේ සමගි ජන බලවේගයේ හිටපු නාගරික මන්ත්‍රීවරිය ලබන 23දා දක්වා රක්ෂිත බන්ධනාගාර ගත කරන ලෙසට කැස්බෑව වැඩබලන මහේස්ත්‍රාත් සුනේත්‍රා පෙරේරා මහත්මිය ඊයේ (10දා) නියෝග කළාය.

ශ්‍රී ලංකා විදුහල්පති සේවයේ නිලධාරීන්ගේ ගැටලු විසඳීම සඳහා අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතාගේ උපදෙස් පරිදි අධ්‍යාපන ලේකම් විසින් පත් කරන ලද කමිටුව අධ්‍යාපන අමාත්‍යාංශයේ දී අධ්‍යාපන අමාත්‍යතුමගේ ප්‍රධානත්වයෙන් විශේෂ සාකච්ඡාවක් පවත්වන ලදි.

බුදුදහමට එරෙහි විග්‍රහයන් කරමින් ව්‍යාපාර ගෙන යන අයගේ කටවල් වැසීම සහ එම ව්‍යාපාර වලට මුදල් ලැබෙන ආකාරය පිළිබඳව සොයා බැලීම රජයේ වගකීමක් බව හිටපු ජනාධිපති මෛත්‍රීපාල සිරිසේන මහතා පැවසීය.

කටුනායක බණ්ඩාරනායක ජාත්‍යන්තර ගුවන් තොටුපොළ වෙත පැමිණෙන සහ එයින් පිටත්ව යන ගුවන් මගීන්ට කාර්යක්ෂම සේවාවක් ලබා දීම සදහා සීමාසහිත ගුවන් තොටුපොළ සහ ගුවන් සේවා සමාගම ස්වයංක්‍රීය ආගමන විගමන පාලන පද්ධතියක් (Automated Border Control Unit - A.B.C. ) ස්ථාපිත කිරීම සදහා සිංගප්පූරු සමාගම‌ක් සමග ගිවිසුමකට අත්සන් තබා තිබේ.

විදෙස්ගත ශ්‍රමිකයන් පසුගිය මැයි මාසයේදී ශ්‍රී ලංකාවට ඩොලර් මිලියන 480ක ප්‍රේෂණ යොමුකර ඇතැයි විදේශ රැකියා අමාත්‍ය මනූෂ නානායක්කාර මහතා පවසයි.

මෙවර අධ්‍යාපන පොදු සහතික පත්‍ර සාමාන්‍ය පෙළ විභාගය අවසන් වූදා දිඹුලාගල මගුල්දමන මහා විද්‍යාලයේ සිසුන් පිරිසක් එම විද්‍යාලයේ දේපළවලට සිදුකළ අලාභහානිය ඔවුන්ගේ මවුපියන් විසින් පියවීමට විදුහල්පතිවරයා ඉදිරියේ පොරොන්දු කරවා,ගත් බව මනම්පිටිය පොලිසිය කියයි.

’’රනිල් උත්තරය ද? ප්‍රශ්නය ද?’’ යන තේමාව යටතේ දීපව්‍යාප්ත සම්මන්ත්‍රණ මාලාවක් පැවැත්වීමට උත්තර ලංකා සභාගය කටයුතු යොදා තිබේ. එහි පළමුවැන්න අද (11දා) සවස 5:00ට පානදුර, තල්පිටිය ’’වයිට් හෙවන්’’ හෝටලයේ දී පැවැත්වේ.

හබරාදුව පොලිස් වසමේ තල්පේ මුහුදු තීරයේ දිය නාමින් සිටි සිසුන් පිරිසක අතරින් සිසුන් 6ක් මුහුදු රළට හසුවී ගසාගෙන ‌ගොස් ඇති අතර ඉන් සිසුන් 5ක් ප්‍ර දේශවාසින් විසින් බේරා ගෙන ඇති අතර එක් සිසුවෙක් අතුරුදන්ව තිබේ.

රෝයල් පාර්ක් නිවාස සංකීර්ණයේ දී සිය පෙම්වතියගේ සහෝදරිය කුරිරු ලෙස ඝාතනය කිරීමේ චෝදනාවන්ට වරදකරුවි මරණ දඬුවම නියම වූ ජූඩ් ශ්‍රමන්ත ජයමහ නමැත්තාට හිටපු ජනාධිපති මෛත්‍රීපාල සිරිසේන මහතා විශේෂ ජනාධිපති සමාව දී ඇත්තේ පිළිගත් නීතිමය ක්‍රියා පටිපාටියෙන් බැහැරව බව ශ්‍රේෂ්ඨාධිකරණයේ දී එළි විය.

භාණ්ඩ 286ක ආනයන සීමා ඉවත් කරමින් ජනපති රනිල් වික්‍රමසිංහ මහතා විසින් අති විශේෂ ගැසට් නිවේදනයක් නිකුත් කර තිබේ. ඊයේ (09දා) දින මෙම ගැසට් නිවේදනය නිකුත් කර තිබේ.

කොස්ගොඩ අද (10) උදේ සිදු කළ විශේෂ මෙහෙයුමකදී රුපියල් කෝටි හයක පමණ මත් කුඩු තොගයක් ළග තබාගෙන සිටි තරුණයින් දෙදෙනෙකු අත්අඩංගුවට ගැනීමට පොලිස් විශේෂ කාර්ය බලකායේ විශේෂ මෙහෙයුම් ඒකකය සමත්වී තිබේ.

වව්නියාවේ සේවය කරන ලද ප්‍රසව හා නාරි පිළිබඳ විශේෂඥ වෛද්‍ය එම්.එස්. මොහිදීන් මහතාගේ ඝාතනය සමබන්ධයෙන් හිටපු ප්ලොට් නායකයෙකු වූ නෙඩුමාරන් නැමත්තාට වව්නියාව මහාධිකරණ විනිසුරු එම්.ඉලංචේලියන් මහතා විසින් මරණ දණ්ඩණය නියම කරන ලදි.