වවුනියාව දිස්ත්‍රික්කයේ පැවත්වෙන සියලු ආකාරයේ උපකාර පන්ති ඉරිදා දිනය තුළ නවතා දැමීමට උපකාර පන්ති කළමනාකරුවන් ඊයේ (14) දින වව්නියාව දිස්ත්‍රීක් ලේකම් කාර්යාලයේදී එකඟතාවය පළ කළේය.

මාලි රාජ්‍යෙය් සාමසාධක රාජකාරියේ නිරත ශ්‍රී ලංකා යුද හමුදාවේ සංග්‍රාමික රථආරක්ෂක අංශයේ නිලධාරීන් පිරිසක් විසින් ත්‍රස්ත සංවිධානයක් විසින් වලදමන ලද කිලෝ 20 ක් බරැති විශාල බෝම්බයක් සොයාගැනීමට සමත්ව ඇතැයි යුදහමුදාව පවසයි.

වෑන් රථයකින් පැමිණි බීමත් පුද්ගලයන් පිරිසක් පදවිය අලිවංගුව ප්‍රදේශයේ දී නීතිඥවරයෙකුට යතුරු පැදි හිස්වැසුම් වලින් සහ අතින් පයින් දරුණු ලෙස පහර දීමේ සිද්ධියට සම්බන්ධ සැකකරුවන් වහාම අත්අඩංගුවට ගෙන අධිකරණය හමුවට ඉදිරිපත් කරන ලෙස, කැබිතිගොල්ලෑව දිසා විනිසුරු සහ මහේස්ත්‍රාත් කසුන් කාංචන දසනායක මහතා විසින් පදවිය පොලිසියේ ස්ථානාධිපති ප්‍රධාන පොලිස් පරීක්ෂක විජය කුමාර සිරි මහතාට නියෝග කළේය.

දොඹගහවෙල පොලිස් වසමට අයත් නුගගහකිවුල ප්‍රදේශයේ පදිංචි අවුරුදු 13 වයසැති දැරියකට ඉකුත් දහවෙනිදා ඇයගේ පෙම්වතා නිවසට පැමිණ දැරියට සහ දැරියගේ මවට බැණ තර්ජනය කිරීමේ සිද්ධියක් සම්බන්ධයෙන් බියටපත් දැරිය එදින සවස නිවැසියන්ට නොදන්වා නිවස ආසන්නයේ කැළෑවකට ගොස් ගල්ගුහාවක තනිව රැයක් ගතකොට නිවසට පැමිණ ඇතැයි දොඹගහවෙල පොලීසිය පවසයි.

ශ්‍රී ලංකාවේ බ්‍රිතාන්‍ය පාලන සමයේ සිට සර් විලියම් ග්‍රෙගරි , සැමුවෙල් බේකර් යන ආන්ඩුකාරවරුන් යටතේ නුවරඑළිය නගරය පාලනය වූ සමයේ සිටම තැපැල් කාර්යාලයක් ලෙස පැවත එන නුවරඑළියේ අනන්‍යතාව සලකුණු හැටියට හඳුන්වනු ලබන වර්තමාන නුවරඑළිය ඓතිහාසික තැපැල් කාර්යාලය සංචාරක හෝටලයක් බවට පත් කිරීමේ රජයේ යෝජනාවට නුවරඑළියේ ස්වේච්ඡා සංවිධාන රැසක, තැපැල් සේවකයන්ගේ හා මහජනතාවගේ දැඩි විරෝධය.

ඇමෙරිකාවේ සිට ක්‍රියාත්මක සෞඛ්‍ය කේන්ද්‍ර කරගත් සහන සහ සංවර්ධන සංවිධානයක් වන ඇමෙරිකෙයාර්ස් ආයතනය විසින් ශ්‍රී ලංකාවට තවත් ඩොලර් මිලියන 3ක වටිනාකමකින් යුත් ඖෂධ තොගයක් පරිත්‍යාග කර තිබේ. මෙහි රුපියල් වටිනාකම ආසන්න වශයෙන් රුපියල් බිලියනකට ආසන්න වෙයි.

පිපිරීමේ උපකරණයක් යොදා ගනිමින් පිපිරීමක් සිදුකරගෙන මැණික්හින්න, ගල්කඩුව ප්‍ර දේශයේදී පුද්ගයෙක් දිවි හානිකරගෙන ඇතැයි පොලීසිය කියයි.

ඌරුබොක්ක පොලිස් වසමේ දොලමුල්ල ප්‍ර දේශයේදී අනධ්‍යන කාර්යාල සහායකවරියක් ඊයේ (14දා) දහවල් කාලයෙදී තියුණු ආයුධයකින් පහරදී ඝාතනය කර ඇතැයි පොලීසිය කියයි.

බොරලැස්ගමුව පොලිස්වසමේ ඇඹිල්ලවත්ත ප්‍ර දේශයේ නිවසකට පසුගිය 12දා දිවා කාලයේදී ඇතුළු වූ පුද්ගලයන් දෙදෙනෙකු එහි සිටි මෙහෙකාරිය බිය ගන්වා රුපියල් 10,707,880ක් පමණ වටිනා දේශිය මුදල්, විදේශීය මුදල්, හා රන් භාණ්ඩ සහිත කුඩා ප්‍රමාණයේ සේප්පුවක් කොල්ල කෑමේ සිදුවිමට සම්බන්ධ සැකකරුවන් අත්අඩංගුවට ගැනීමට පොලීසිය මහජන සහාය ඉල්ලා සිටියි.

මාධ්‍ය හමුව නිසා විගණකාධිපතිවරයා සහ කෝප් කමිටුව සම්බන්ධයෙන් වැරදි අදහසක් සමාජගතවූයේ නම් සමාව ඉල්ලා සිටින බව භූ විද්‍යා සහ පතල් කැනීම් කාර්යංශය කෝප් කමිටුව හමුවේ පැවැසීය.

”‍ගල්කිස්ස හෝටලයේ පබිලිස් සිල්වාගේ හෙල රටාවට ඉවුම් පිහුම්”‍ ග‍්‍රන්ථයේ කර්තෘත්වය ප‍්‍රවීණ සූපවේදී පබිලිස් සිල්වා මහතාට හිමි බව ශ්‍රේෂ්ඨාධිකරණය තීරණය කළේය.

මාස තුනක බිළිදියක් දරුකමට හදා වඩා ගැනීීම සඳහා මුදලට ගැනීමේ චෝදනාවට වරද පිළිගත් දරුවන් නොමැති අඹුසැමි යුවළකට අත්හිටවු සිරදඩුවම් නියම කළ කොළඹ මහාධිකරණ විනිසුරු නාමල් බලල්ලේ මහතා රුපියල් 20000/-ක දඩයකටද ඔවුන් යටත් කළේය.

යාපනය කොටුවේ සිට ගාල්ල කොටුව දක්වා දින තුනක් වැනි කෙටි කාලයක් තුල නොනැවතී එක දිගට පාගමනින් ගොස් ලෝක වාර්තාවක් පිහිටු වීමට බගවන්තලාවේ නිවුන් සොහොයුරන් දෙදෙනෙක් ගම්න ආරම්භ කොට ඇත.

කළුතර දිස්ත්‍රික් හිටපු පාර්ලිමේන්තු මන්ත්‍රීවරෙයෙකු මෙන්ම සමගි ජන බලවේගයේ හොරණ සංවිධායක පි ඩි. අබයරත්න මහතා පිරිසක් බිය ගැන්වීම සඳහා අහසට වෙඩි තැබීමේ සිද්ධියක් සම්බන්ධයෙන් පරීක්ෂණ ආරම්භ කර ඇති බව පොලිසිය පවසයි.

ලංකා ප්‍රිමියර් ලීග ක්‍රීඩක වෙන්දේසියේදි මේ දක්වා වෙන්දේසි කළ ක්‍රීඩකයන් අතරින් වැඩිම මුදල පන්දුයැවීමේ ක්‍රීඩක දිල්ෂාන් මධුශංකට හිමිවිය. ඔහු ඇමෙරිකානු ඩොලර් 92000කට මිලදී ගැනීමට ජැෆ්නා කිංග්ස් කණ්ඩායම කටයුතු කළේය.

*විදේශීකයින් ලංකාවේ සේවය කිරීමේදී, එය විධිමත් කිරීම සදහාත් නියාමනය සදහාත් නීති සකස් කරනවා * කොන්දේසිවලට යටත්ව කාන්තාවන්ට රාත්‍රිෙය් සේවය යෙදීමට අවශ්‍ය ප්‍රතිපාදන නව කම්කරු නීතිය යටතේ ලබාදෙනවා

සමාගම් පණතට පටහැනි ආකාරයට මුල්‍ය සමාගමක් පවත්වාගෙන යමින් වැඩි පොළී ලබාදෙන බව පවසා මහජනතාවගෙන් රුපියල් කෝටි ගණනක මුදලක් තැන්පතු වශයෙන් වංචනිකව ලබා ගැනීම සම්බන්ධයෙන් සක්විති රණසිංහ සහ ඔහුගේ බිරිඳට එරෙහි නඩුව පවත්වාගෙන යෑමට නොහැකි බවට ඔවුන් වෙනවෙන් පෙනී සිටි නීතීඥවරු කොළඹ මහාධිකරණ විනිසුරු නාමල් බලල්ලේ මහතා ඊයේ (14) මුලික විරෝධතාවයක් මතු කළේය.

පසුගිය සතියේදී ඇමෙරිකානු ඩොලරයට සාපේක්ෂෂ ශක්තිමත් වූ ශ්‍රී ලංකා රුපියල මේ සතියේදී තවදුරටත් කඩා වැටීමකට ලක්වෙමින් පවතී. ශ්‍රී ලංකා මහ බැංකුව අද (14) නිකුත් කළ විනිමය අනුපාතිකයට අනුව ශ්‍රී ලංකා රුපියල ඊයේ දිනයට සාපේක්ෂව තවදුරටත් කාඩ වැටුණි.

හපුතලේ පොලිස් විශේෂ කාර්ය බළකා කඳවුරේ ස්ථානාධිපති ප්‍රධාන පොලිස් පරීක්ෂක ඩී. එම්. එස්. දිසානායක මහතා ඊයේ (13දා) රාත්‍රී හදිසියේ රෝගී වී රෝහල් ගත කිරීමෙන් පසුව අභාවප්‍රාප්ත වූ බව පොලීසිය කියයි. මීපේ පාදුක්ක පදිංචිව සිටි දිසානායක මහතා මිය යන විට තිස් නම වැනි වියේ පසුවිය. දිසානායක මහතා හදිසියේ රෝගී වී බදුල්ල මහ රෝහලට ඇතුළත් කර තිබේ.

අධිනීතිඥ නවීන් දිසානායක මහතා හෙට (15දා) සබරගමු පළාත් ආණ්ඩුකාර ධූරයේ වැඩ භාර ගන්නා බව සබරගමු පළාත් ප්‍රධාන ලේකම් මහින්ද එස්. වීරසූරිය මහතා පැවසීය.

මාලු මිල ගණන් ඉහළ නොයාම පිනිස මාලු සුරක්ෂිතව කල් තබා ගනිමින් ඉදිරියේදී යම් පාලනයක් කිරීමට ධීවර සංස්ථාව පියවර ගනිමින් සිටින බවත් මේ වෙනුවෙන් මූල්‍ය ශක්තිය ඇතිකර තිබෙන බවත් ධීවර රාජ්‍ය අමාත්‍ය පියල් නිශාන්ත මහතා පැවසීය.

මාකොළ, දකුණු මාකොළ ලිපිනයේ පදිංචිව සිටි තිස්අට හැවරිදි ව්‍යාපාරිකයකු පැහැරගෙන ගොස් එම ව්‍යාපාරිකයාගේ පදිංචි ඉඩමේ ඔප්පුව හා ඔහුගේ විදේශ ගමන් බලපත්‍රය පැහැරගත් භික්ෂුවක් ඊයේ ( 13) සැකපිට අත්අඩංගුවට ගත්බව දෙමගොඩ පොලිසිය පවසයි.

අන්තර් ආගමික සහජීවනය හා සංහිදියාව ප්‍රවර්ධනය කිරීමේ අරමුණින් වව්නියාව ප්‍ර දේශය ආශ්‍රිතව ආරම්භ කරන ලද හින්දු බෞද්ධ සංගමය විසින් සිදුකරමින් පවතින ආගමික සේවාවන්හි තවත් දිගහැරුමක් ලෙස කතරගම පුදබිම වන්දනනා කිරීම සඳහා පාද චාරිකාවෙන් ගමන් ආරම්භ කළ මඩකලපුව නැගෙනහිර විශ්වවිද්‍යාලේ හින්දු හා ‌බෞද්ධ සිසුන් බැතිමතුන් වෙනුවෙන් අවශ්‍ය ‌වෙට්ටි වස්ත්‍ර ලබාදීමක් සිදුවිය.

ළණිවැලි දුම්රිය මාර්ගයේ බේස්ලයින් පාර හා නාරාහේන්පිට දුම්රිය ස්ථාන අතර සැතපුම් 2 දම්වැල් 17 යන ස්ථානයේ පිහිටා ඇති දුම්රිය හරස් මාරගයේ අලුත්වැඩියා කටයුතු හේතුවෙන් එම දුම්රිය හරස් මාර්ගය ලබන 17 දා පෙරවරු 5 සිට 18 දා පෙරවරු 5 දක්වා සම්පූර්ණයෙන්ම වසා දැමීමට සිදුවන බව දුම්රිය දෙපාර්තමේන්තුව පවසයි.

කුල දරුවන් සසුන්ගත කිරීමේ වයස් සීමා සම්බන්ධයෙන් හෙට(15දා) මහානායක හිමිවරුන් සමග සාකච්ඡාවක් පවත්වන බව බුද්ධශාසන, ආගමික සහ සංස්කෘතික කටයුතු අමාත්‍ය විදුර වික්‍රමනායක මහතා පැවසීය.

ජනාධිපති ගෝඨාභය රාජපක්ෂ මහතාගේ ධුර කාලයෙන් කොටසක් ගෙනයනජනාධිපතිවරයෙකුට පුරාවිද්‍යාත්මක වටිනාකමක් ඇති ස්ථාන වෙනස් කිරීම සඳහා කිසිදු අයිතියක් නොමැති බවත් මේ සම්බන්ධයෙන් හිටපු ජනාධිපති ගෝඨාභය රාජපක්ෂ මහතා වහාම ප්‍රකාශයක් සිදුකළ යුතු බවත් මහාචාර්ය මැදගොඩ අභයතිස්ස හිමියෝ පවසති.

මධ්‍යම පළාතේ ගුරුවරුන්තමන් උගන්වන පන්ති වල සිසු සිසුවියන්ටපාසල් වේලාවෙන් බැහැරව මුදල් අය කොට අමතර පන්ති පැවැත්වීම වළක්වාලමින් විශේෂ චක්‍රලේඛයක් නිකුත් කොට තිබේ.

තුර්කි ගුවන් සේවය තුර්කියේ ඉස්තාන්බුල් සහ ශ්‍රී ලංකාවේ කටුනායක ගුවන් තොටුපොළ අතර එළඹෙන ඔක්තෝබර් මාසයේ සිට ඍජු ගුවන් ගමන් සම්බන්ධතා ආරම්භ කිරීමට සැළසුම් කර තිබේ.

ශ්‍රී ලංකා ටෙලිකොම් පෞද්ගලීකරණය කිරීමෙන් ජාතික ආරක්ෂාවට තර්ජනයක් වෙියැයි පාර්ලිමේන්තු ආංශික අධීක්ෂණ කාරක සභා වාර්තාව සැකසීමේදී ජාතික ආරක්ෂාව පිළිබඳ වගකියන කිසිඳු ආයතනයකින් හෝ අංශයකින් විමසීමක් කර නැතැයි ආරක්ෂක කවුන්සිලයේදී අනාවරණය වී ඇත.