කල්පිටිය කළපුව ඔස්සේ ඉන්දියාවට රැගෙනයාමට තැත් කළ රත්තරන් කිලෝ අටයි ග්‍රෑම් හාරසිය පනහක් ,කල්පිටිය වන්නිමුන්දලම කළපුවේදී කල්පිටිය නාවුක හමුදාව විසින් 13 දින අලුයම අත් අඩංගුවට ගෙන ඇත.

ජාත්‍යන්තර මූල්‍ය අරමුදලේ නිර්ණායක අනුගමනය කිරීම මගින් මෙරට උද්ධමනය ලබන මසදී 08%ක් දක්වා පහත බසිනු ඇතැයි මුදල් රාජ්‍ය අමාත්‍ය ශෙහාන් සේමසිංහ මහතා සඳහන් කළේය. 65% ඉක්මවූ මෙරට උද්ධමනය මේ වන විට 14%ක පමණ ප්‍රතිශතයක් දක්වා පහත හෙළීමට හැකිවුණේ රජයේ නිවැරදි ආර්ථීක කළමනාකරණ ප්‍රතිපත්ති හේතුවෙන් යැයි ද ඒ මහතා කීවේය.

මිල කළ නොහැකි වාලම්පුරියක් විකිණීමට උත්සාහ කළ පුද්ගලයින් 06 දෙනකු , මොනිටේරෝ වර්ගයේ රථයක් හා යතුරු පැදි දෙකක් සමග අත් අඩංගුවට ගත් බව පොලීසිය පවසයි.

මොනරාගල පොලිස් වසමට අයත් වැඳිකුඹුර ප්‍රදේශයේ පාසලක ඉගෙනුම ලබන එම ප්‍රදේශයේම පෙම්වතුන් තිදෙනෙකු සමඟ මොනරාගල හුලංදාව දකුණ ප්‍රදේශයේ පිහිටි සූකිරිඇල්ල නැරඹීමට ඉකුත් (12) වෙනිදා ගිය පෙම්වතියන් තිදෙනාගෙන් පෙම්වතියන් දෙදෙනෙකුට බරපතල ලිංගික අතවරකර අනෙක් පෙම්වතියට අතවර සිදුකර ඇති බවට මොනරාගල පොලීසියට පැමිණිල්ලක්කර ඇත.

ඊළඟ මාස දෙක ඇතුළත අධ්‍යාපන ක්ෂේත්‍රයේ සෑම සේවාවක ම වැටුප් විෂමතා ඉවත් කිරීම සඳහා අවශ්‍ය කටයුතු සිදු කෙරෙමින් පවතින බව අධ්‍යාපන අමාත්‍ය සුසිල් ප්‍රේමජයන්ත මහතා පැවසීය.

හිටපු ජනාධිපති මෛත්‍රිපාල සිරිසේන මහතාට ගෙවීමට නියම කළ රු. කෝටි 10ක වන්දි මුදලින් රු. කෝටි 1 1/2ක මුදලක් ගෙවා ඇත. හිටපු ආරක්ෂක ලේකම් හේමසිරි ප්‍රනාන්දු මහතාට ගෙවීමට නියම කළ රු. කෝටි 05ක වන්දි මුදලින් රු. ලක්‍ෂ 10ක මුදලක් ගෙවා තිබේ. හිටපු පොලිස්පති පූජිත් ජයසුන්දර මහතාට ගෙවීමට නියම කළ රු.කෝටි 7 1/2ක වන්දි මුදලින් රු. 17,25,588 මුදලක් ගෙවා ඇත.රාජ්‍ය බුද්ධි සේවයේ හිටපු ප්‍රධානී නිලන්ත ජයවර්ධන මහතාගේ පෞද්ගලික මුදලින් ගෙවීමට නියම කළ රු. කෝටි 7 1/

කටුබැද්ද ලංගම ඩිපෝවෙන් බස් රථ වලට ඩීසල් ඉන්ධන කිරීමේදී සිදු වී ඇතැයි කියන මුදල් වංචාවක් සම්බන්ධයෙන් මේ වන විට විශේෂ කණ්ඩායමක් මඟින් අභ්‍යන්තර විමර්ශනයක් ආරම්භ කර ඇතැයි නාරාහේන්පිට ප්‍රධාන කාර්යාලයේ උසස් නිලධාරියෙක් පැවැසීය.

මෙරට තුළ මේ වනවිට සරම්ප රෝගීන් 20කට ආසන්න ප්‍රමාණයක් වාර්තා වී ඇති බවත්, මිත්‍යා විශ්වාස පළ කරන ඇතැමි ආගමික කණ්ඩායම් විසින් දරුවන්ට සරම්ප එන්නත ලබා දීම වළක්වාලීම ඊට හේතුවී ඇති බවත් වසංගත රෝග විද්‍යා අංශය පෙන්වා දෙයි.

ගලෙන්බිඳුණුවැව පුද්ගලික මූල්‍ය ආයතනයක් මගින් ප්‍රදේශයේ ජනතාවගේ මුදල් වංචා කළ බවට පවසමින්එහි ගනුදෙනුකරුවෝ ඊයේ (11දා) ආයතනය ඉදිරිපිටදී විරෝධතාවක නිරත වූහ. ගනුදෙනුකරුවන්ගේ රුපියල් කෝටි 229කට ආසන්න මුදලක් වංචා කරමින් ආයතනය වසා හිමිකරු ප්‍රදේශයෙන් පළා ගොස් ඇති බව විරෝධතාකරුවෝ එහිදී පැවසූහ.

මෙරට පෞද්ගලික ආදායම් බදු ලිපිගොනු ලක්ෂ 05ක් තිබුණද, එයින් බදු ගෙවනු ලබන්නේ 31,000ක් පමණක් බව ජාතික ආර්ථික හා භෞතික සැලසුම් පිළිබඳ ආංශික අධීක්ෂණ කාරක සභාවේ සභාපති මහින්දානන්ද අලුත්ගමගේ මහතා පැවසීය. මෙරට සීමිත සමාගම් 105,000ක් ලියාපදිංචි වී ඇති නමුත් එම සමාගම්වල බදු ආදායමෙන් 82%ක් ‍ලැබෙනුයේ සමාගම් 382කින් බවද, ඒ මහතා පෙන්වා දුන්නේය.

ඉදිරියේදී අත්‍යාවශ්‍ය භාණ්ඩ 300ක ආනයන සීමා ලිහිල් කිරීමට පියවර ගන්නා බව මුදල් රාජ්‍ය අමාත්‍ය රංජිත් සියඹලාපිටිය මහතා සිය ට්විටර් ගිණුමෙන් සඳහන් කරයි.

පිළිකා ඖෂධ හා කුඩා දරුවන් සඳහා අවශ්‍ය ඇමරිකානු ඩොලර් මිලියන 53.3. ක් වටිනා ඖෂධ තොගයක් ශ්‍රී ලංකාවේ ඇමෙරිකානු තානාපතිනි ජූලි ජේ.චං මහත්මිය විසින් සෞඛ්‍ය අමාත්‍යංශය වෙත අද (12) භාර දෙනු ලැබීය.මෙම ඖෂධ තොගය සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා වෙත එම අමාත්‍යංශයේදී අද නිල වශයෙන් භාරදෙනු ලැබිණි.

ස්වීඩනයේ දී ශුද්ධ වූ කුරාණය ගිනි තැබිමේ සිදුවීම තමා දැඩි ලෙස හෙළා දකින බව පැවසූ ජනාධිපති රනිල් වික්‍රමසිංහ මහතා ගෝලීය දකුණේ හර පද්ධතියට ගරු කරන ලෙසත්, අදහස් ප්‍රකාශ කිරීමේ නිදහස මුවාවෙන් කැළඹීම් ඇති වීමට ඉඩ නොදෙන ලෙසත් බටහිර ජාතීන්ගෙන් ඉල්ලා සිටියේය.

“අස්වැසුම” අභියාචනා 968,000 ක් සහ විරෝධතා 17,500 ක් සළකා බැලීමේ කටයුතු ආරම්භ කිරීමට සියළු කටයුතු සූදානම් බව මුදල් රාජ්‍ය අමාත්‍ය ශෙහාන් සේමසිංහ මහතා සිය නිල ට්විටර් ගිණුමේ සටහනක් තබමින් සඳහන් කරයි.

ගාස්තු ගෙවීමකින් යුතුව හා තොරව ත්‍රි රෝද රථ අලංකරනය කර ගැනීමට අවශ්‍ය අමතර උපාංග සවි කර ගැනීම සඳහා මෝටර් රථ ප්‍රවාහන දෙපාර්තමේන්තුව අවසර දී තිබේ. මහජනතාවගෙන් ලද ඉල්ලීම් අනුව මෙම තීරණය ‌ගත් බවද එම දෙපාර්තමේන්තුව නිවේදනයක් නිකුත් කරමින් පවසයි.

පසුගිය කාලයේදී මහත් ආන්දෝලනයකට තුඩු දුන් ’’ පඩු කරද ’’ (CRUDIA ZEYLANICA) ශාඛයක් , ගම්පහ උද්භිද උද්‍යානයේ ඉතා විශාල අයුරින් වැඩී ඇති ආකාරයක් දක්නට ඇති අතර මෙවන් ශාඛ පහක් පමණ ගම්පහ අවට පවතින බව උද්භිද උද්‍යාන නිලධාරිණියක් සදහන් කළාය.

මාර්තු 26 සිට අද දක්වා දින 108ක් රට තුල පොලිස්පතිවරයෙකු නොමැති බව පිවිතුරු හෙළ උරුමයේ නායක නීතිඥ උදය ගම්මන්පිල මහතා පවසයි. සී ඩී වික්‍රමරත්න මහතා පොලිස්පති ධූරයට යළි පත් කිරීම නීති විරෝදී වීම මීට හේතුව බව ද ඒ මහතා වැඩි දුරටත් සදහන් කර සිටී.

අනුරාධපුර නගරය ආසන්නයේ ප්‍රාදේශීය ලේකම් කාර්යාලයක සේවයේ නිරත සංවර්ධන නිලධාරිනියකගේ සැමියාට පහර දී ත්‍රීරෝද රථයකින් ඔහුව පැහැර ගෙන ගිය පුද්ගලයන් තිදෙනෙකු අත්අඩංගුවට ගැනීම සඳහා ඊයේ (11දා) විමර්ශනයක් ආරම්භ කළ බව අනුරාධපුර පොලිසිය පවසයි.

තුන්පනේ පළාතේ උප ප්‍රධාන අධිකරණ සංඝනායක මුරුද්දෙණියේ සීලරතන හිමි එම පන්සලට යන මාර්ගයක වැටී අපවත්ව සිටියදී අද (12දා) අළුයම සොයාගත් බව හතරලියද්ද පොලිසිය කියයි .

පාසල් ළමුන් සහ තරුණ ප්‍රජාව ඉලක්ක කර ගනිමින් හොරොව්පොතාන ප්‍රදේශයේ මත් ද්‍රව්‍ය අලවිය හා එම ප්‍රදේශයට වෙනත් ප්‍රදේශ වලින් මත් ද්‍රව්‍ය රැගෙන ආ මහා මොලකරුගේ බිරිද සහ තවත් සැකකරුවෙකු අයිස් වර්ගයේ මත් කුඩු ග්‍රෑම් 16 ක් සහ ගංජා සමග අත් අඩංගුවට ගත් බව හොරෝවිපොතාන පොලිසිය කියයි.

2023/24 එළැඹෙන මහ කන්නයේ දී පොහොර මිල දී ගැනීම සඳහා ගොවීන්ට වවුචර් පත් නිකුත් කිරීමට කටයුතු නොකිරීමට තීරණය කර ඇතැයි කෘෂිකර්ම අමාත්‍ය මහින්ද අමරවීර මහතා සඳහන් කළේය.

අද උදෑසන 8.15 ට පමණ දෙහිවල ඕබන් පෙදෙස වෙරළට අඩි 8 කට වැඩිය දිග විශාල කිඹුලකු ගොඩ ගසා ඇතැයි ධීවර සංගම් ලේකම් කුමාර ගෝමස් මහතා කියා සිටී .

බටපොල බටදූව ප්‍රදේශයේ නිවාඩු නිකේතනයක් තුළදී බීමත් දෙපිරිසක් අතර ඇතිවූ ගැටුමක් බේරීමට ගොස් සිටියදී එම ගැටුමේ එක් පාර්ශවයක තිදෙනෙකු විසින් එල්ල කළ කඩු පහාරයකින් තරුණයකු ඝාතනය කොට දින දාහතක් සැගවී සිටි සැකකරුවන් තිදෙනා ඊයේ (11දා) රෑ බටපොළ මගවෙල ප්‍රදේශයෙදි අත්අඩංගුවට ගත් බව බටපොළ පොලීසිය කියයි.

ලෝක බැංකුව 2019 වසරේදී සිදුකරන ලද සමීක්ෂණයක් තුළින් ලංකාවේ ඉහළම ආදායම් පන්තියේ සිටින අයගෙන් 12% ක ප්‍රමාණයක් රජය මගින් ලබාදෙන සහනාධාර ලබන බවට වාර්තා කොට ඇති බවත් ඒ හේතුවෙන් සුබසාධන ප්‍රතිලාභ පනත නියමාකාරයෙන් ක්‍රියාත්මක කිරීමට රජය බලාපොරොත්තු වන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි .

ඉන්දියාවේදී පැවැත්විමට නියමිත එක්දින ලෝක කුසලාන තරගාවලිය සඳහා සුදුසුකම් ලැබීමට සිම්බාබ්වේ හී දී පැවති තරගාවලිය අපරාජිතව නිමා කළ ශ්‍රී ලංකා ක්‍රිකට් කණ්ඩායම ඊයේ (11දා) රාත්‍රී කටුනායක ගුවන් තොටුපොළ වෙත පැමිණියහ.

ඉදිරියේ දී විද්‍යාපීඨ ගුරුවන් බඳවා ගනු ලබන්නේ වසර තුනක ඩිප්ලෝමාවක් සඳහා විද්‍යාපීඨවලට නොව සිව් වසරක උපාධියක් සඳහා ගුරුවරුන් බිහි කිරීම උදෙසා ම ස්ථාපනය කරනු ලබන විශ්වවිද්‍යාලයකට බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.

රුපියල් ලක්ෂ තුනකට අධික සේවක අර්ථසාධක අරමුදල් නොගෙවා පැහැර හැරීමේ සිද්ධියක් සම්බන්ධයෙන් කම්කරු දෙපාර්තමේන්තුව ගොනුකර තිබූ නඩුවකට අදාළව කරුණු විමසීම සදහා කොළඹ රාජකීය විද්‍යාලයේ විදුහල්පතිවරයාට ලබන 13 වැනිදා අධීකරණයේ පෙනී සිටින ලෙසට නියෝග කරමින් කොළඹ ප්‍රධාන මහේස්ත්‍රාත් අධිකරණය සිතාසි නිකුත් කර ඇත.

මහත් ආන්දෝලනයට තුඩු දුන් කෘඩියා සිලනිකා හෙවත් පඬු කරඳ ගස ඉවත් කිරීම සිදුවූයේ කැබිනට් අනුමැතිය ලබා ගැනීමෙන් අනතුරුව බව කැබිනට් ප්‍රකාශක අමාත්‍ය බන්දුල ගුණවර්ධන සඳහන් කරයි.

ප්‍රංශ නාවික හමුදාවට අයත් ‘LORRAINE’ නෞකාව නිල සංචාරයක් සඳහා අද (11) උදෑසන කොළඹ වරායට සේන්දු වූ බව නාවික හමුදාව සඳහන් කරයි.