බාල ඖෂධ මෙරටට නොගෙනෙන බවත්, මෙරටට අවශ්‍ය ඖෂධ වෛද්‍ය සැපයීම් අංශය හරහා රාජ්‍ය ඖෂධ නීතිගත සංස්ථාව මගින් මෙරටට ගෙන එන බවත්, බාල බෙහෙත් කියා දෙයක් ලෝකයේ කොහේවත් නිපදවන්නේ නොමැති බවත් සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා ප්‍රකාශ කළේය.

ලෝකයේ පුද්ගලයකු මේ වන විට සතියකට ක්‍රෙඩිට් කාඩ් එකක ප්‍රමාණයක්, එනම් ක්ෂුද්‍ර ප්ලාස්ටික් ග්‍රෑම් 05ක් අනුභව කරන කරන බව ගෝලීය දත්ත අනුව හෙලිවෙයි.

කූඨ ලෙස සකස් කළ ගුවන් ගමන් බලපත්‍ර සහ ගුවන් යානා ප්‍රවේශ පත්‍ර භාවිතා කරමින් යුරෝපය වෙත පැන යාමට තැත් කළ ලාංකික තරුණයන් 05 දෙනෙකු අද (31දා) උදෑසන කටුනායක ගුවන් තොටුපොළ පිටත්වීමේ පර්යන්තයේ දී ගුවන් යානයට පිවිසෙන අවසාන ගේට්ටුවේ දී ආගමන විගමන දේශසීමා ආවේක්ෂණ ඒකකයේ නිලධාරීන් පිරිසක් විසින් අත් අඩංගුවට ගෙන තිබේ.

කොළඹ චිත්තම්පලම් ඒ ගාඩිනර් මාවතේ මහජන බැංකු ප්‍රධාන කාර්යාලය ඉදිරිපිටදී ධාවනය වෙමින් තිබූ මෝටර් රථයක් හදිසියේ ගිනි ගැනීමට ලක්වූ බව කොම්පඤ්ඤ වීදිය පොලිසිය සඳහන් කරයි.

ඊශ්‍රායලයේ සාත්තු සේවා රැකියා වරම් ලැබූ තවත් ශ්‍රී ලාංකිකයින් 15 දෙනෙකු සඳහා ගුවන් ටිකට්පත් ප්‍රදානය කිරීම කම්කරු හා විදේශ රැකියා අමාත්‍ය මනුෂ නානායක්කාර මහතාගේ ප්‍රධානත්වයෙන් අද දින (31) කම්කරු හා විදේශ රැකියා අමාත්‍යාංශයේ දී සිදුකරන ලදී.

බදුල්ල තල්දෙන ඇළේ ජලයේ පාවෙමින් තිබු තරුණයෙකුගේ මල සිරුරක් 31 දින දවල් සොයාගත් බව පොලිසිය කියයි.

2021 වසරේදී සංචාරක ප්‍රවර්ධන අධිකාරිය හා නාගරික සංවර්ධන අධිකාරිය විසින් කැබිනට් පත්‍රිකාවක් ඉදිරිපත් කර අදාළ ආයතන 15කින් මෙම ව්‍යාපෘතියට අනුමැතිය ලබාගත්තා. මෙම ව්‍යාපෘතිය ලංකාවට ලැබීමට සමගාමීව නේපාලයට සහ ඩොමිනිකා රාජ්‍යයටත් ලැබුණා. ඩොමිනිකා රාජ්‍යයට ලැබුණේ ඩොලර් මිලියන 200ක ව්‍යාපෘතියක්. අපේ රටට ලැබී තිබුණේ ඩොලර් මිලියන 65ක ව්‍යාපෘතියක්. නමුත් අප තවම මෙම ව්‍යාපෘතියට අනුමැතිය ලබා දී නැහැ. නේපාලය දැන් ව්‍යාපෘතිය ආරම්භ කර එහි වැඩ කටයුතු කරගෙන යන අතර

ලෝකයේ විශිෂ්ඨතම සෞඛ්‍ය පද්ධතියක් සහිත මෙරට නිදහස් සෞඛ්‍ය ක්ෂේත්‍රය රැක ගැනීම රජයේ පමණක් නොව, සෞඛ්‍ය කාර්ය මණ්ඩල හා මහජනතාව මෙන්ම ජන මාධ්‍යයේ ද වගකීමක් බව ශ්‍රී ජයවර්ධනපුර මහ රෝහලේ අධ්‍යක්ෂ විශේෂඥ වෛද්‍ය රත්නසිරි හේවගේ මහතා අවධාරණය කළේය.

ඉන්ධන පිරවුමිහල් 101 ක් ඉන්ධන තොග පවතාවාගෙන නොයාම නිසා රජයට පවර ගැනිමට උපදෙස් ලබාදුන් බව අමාත්‍ය කාංචන විජේසේකර මහතා පැවසිශ්‍රි ලංකා පොදුජන පෙරමුණේ මාතර ආසන සමිමෙිලනය ඊයේ (30දා) මාතරදි අමතමින් ඔහු මේ බව පැවැසීය.

වතුකරයේ ජනතාවටත් (31) දින සිට හැටන් සතොස ශාඛාව හරහා රු 35 ට ආනයනික බිත්තර මිල දි ගත හැකි බව හැටන් සතොස ශාඛාවේ කලමණාකාරවරයා පැවසිය.

හොරොව්පතාන ලංගම ඩිපෝවේ රියැදුරෙකුට සහ කොන්දොස්තරවරයෙකු ට පහරදීම හේතුවෙන් රජරට ප්‍රාදේශීකයේ ලංගම ඩිපෝ 7 අද දිනයේ ධාවනයෙන් ඉවත්ව ඇති බවත් මේ වන විට රජරට ප්‍රාදේශිකය තුළ බස් රට 400 හාරසියයකට ආසන්න ප්‍රමාණයක් ධාවනයෙන් ඉවත්ව ඇති බව කහටගස්දිගිලිය ඩිපෝව කළමනාකාර මහින්ද කුමාර විජය බණ්ඩාර මහතා පවසයි.

සත්ව ආහාර හා බියර් නිෂ්පාදනය කිරීම සඳහා සහල් තොග යොදාගැනීම තාවකාලිකව අත්හිටුවන්නැයි කෘෂිකර්ම අමාත්‍ය මහින්ද අමරවීර එම අමාත්‍යංශයේ ලේකම් ගුණදාස සමරසිංහ මහතාට උපදෙස් දී තිබේ.

2023 වසරේ පළමු මාස හත තුළ සංචාරක පැමිණීම් දැනටමත් 2022 මුළු වසර සඳහාම වාර්තා වූ මුළු සංචාරක පැමිණීම් ඉක්මවා ගොස් ඇතැයි සංචාරක සංවර්ධන අධිකාරයේ තාවකාලික දත්ත පෙන්වා දෙයි. මේ වසරේ ජනවාරි 1 සිට ජූලි 27 දක්වා කාලය තුළ සංචාරක පැමිණීම 2022 වසරේ සමස්ත සංචාරක පැමිණිම්වලට වඩා සියයට 4ක ප්‍රමාණයකින් වර්ධනය වී ඇති බව එම දත්ත පෙන්වා දෙයි.

සමනල වැව හා උඩවළවේ ජලාශයේ ජල ධාරිතාව ප්‍රමාණවත් නොවීම හේතුවෙන් වී ඇතුළු අනෙකුත් බෝග සහ විදුලි බල නිෂ්පාදනය අඩාළ වීම අනුව ඉදිරි සතියක කාලය තුළදී සමස්තයක් ලෙස රු.බිලියන 30ක පමණ අලාභයක් සිදුවිය හැකි බවට ඇස්තමේන්තු කර ඇතැයි කෘෂිකර්ම අමාත්‍යාංශය ප්‍රකාශ කළේය.

මත් කුඩු චෝදනාවට මහාධිකරණයෙන් සැමියා බන්ධනාගාරගත කර සිටියදී වසර එක හමාරක පිරිමි දරුවා ඇකේ තබාගෙන හොරයින් මත්කුඩු ජාවාරම් කළ කාන්තාවක් අත්අඩංගුවට ගත් බව කහතුඩුව පොලිසිය කියයි.

ජාතික ඩෙංගු මර්දන ඒකකය තුළ මහජන සෞඛ්‍ය පරීක්ෂකවරුන් තිදෙනෙකු සේවයේ නිරතව සිටි අතර මේ වන විට අනුප්‍රාප්තිකයින් නොමැතිව ඔවුන් වෙනත් ස්ථානවලට මුදාහැර ඇතැයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පවසයි.

දකුණු පළාත තුළ මහා පරිමාණයෙන් මත් කුඩු ජාවාරමේ නිරත වු බව කියන “කූඩුමුවා” හා “ඕලුමුවා” යන අන්වර්ථ නාමයෙන් හදුන්වන පිය-පුතු දෙදෙනෙකු හෙරෝයින් මත්කුඩු සමග තංගල්ල කුඩාවැල්ලේදී සැකපිට ප්‍රශ්න කිරීම සදහා අත්අඩංගුවට ගත් බව මාතර කොට්ඨාෂ දූෂණ මර්ධන ඒකකය පවසයි.

මත්ද්‍රව්‍ය ජාවාරම හේතුවෙන් කුවේට් රාජ්‍යයේ, මධ්‍යම බන්ධනාගාරයේ දී ඉකුත් 27දා මරණ දණ්ඩනයට නියම වූ ශ්‍රී ලාංකිකයා ප්‍රියංකරගම පොලිස් වසමේ පුද්ගලයෙකු බවත්, ඔහුගේ දේහය මෙරටට ගෙන්වා ගැනීමට ඥාතීන් අකමැත්ත ප්‍රකාශ කර ඇති බව ප්‍රියංකර ගම පොලීසිය පවසයි.

පේරාදෙණිය විශ්වවිද්‍යාලයේ සේවය කළ පළපුරුදු ආචාර්යවරුන් මහාචාර්යවරුන් රට හැර යාම හේතුවෙන් එම විශ්ව විද්‍යාලයේ බොහෝ පීඨවල දෛනික අධ්‍යන කටයුතු සිදු කිරීම ගැටලු සහගත වී ඇති බව වාර්තාවේ.

තම පෞද්ගලික ධනය ආයෝජනය කරමින් ශ්‍රී ලංකාවේ ආයුර්වේද ක්ෂේත්‍රය වෙනුවෙන් මයියංගන දඹාන ප්‍රදේශයේ ඉදිකරන ලද වර්ග අඩි විසි දහසක මයියංගන ආයුර්වේද කෞතුකාගාරය සහ අධ්‍යාපන නිකේතනයක් නිර්මාණය කිරීම වෙනුවෙන් ශ්‍රීලංකාවේ ආයුර්වේද වෛද්‍ය දෙපලකට ජපානයේ ෆුකුඕකාහී ජපන් ශ්‍රී ලංකා මිත්‍රත්ව මෛත්‍රී පදනම විසින් පසුගියදා ගෞරව සම්මානයක් පිරිනමා ඇත.

කෙසෙල්වත්ත පොලිස්වසමේ මාටිස් ලේන් ප්‍ර දේශයේදී යතුරුපැදියකින් පැමිනි නාඳුනන පුද්ගලයන්දෙදෙනෙකු විසින් මාර්ගය අසළ රැඳී සිටි පුද්ගලයෙකුට ගිනි අවියකින් වෙඩි තබා පළාගොස් ඇතැයි පොලීසිය කියයි.

දැනට පවතින නියඟ තත්ත්වය ඉදිරියේ දී තවත් දරුණු විය හැකි බැවින් ඉදිරි මහ කන්නය අසාර්ථක වුවහොත් රටට ආහාර හිඟයකට මුහුණ පෑමට සිදුවිය හැකි යැයි කෘෂිකර්ම අමාත්‍ය මහින්ද අමරවීර මහතා සඳහන් කළේය.

අද පෙරවරු 8.30 වන විට ලංකා ඛනිජ තෙල් නීතිගත සංස්ථාව සතුව පවතින ඉන්ධන තොග පිළිබඳව විදුලි බල හා බලශක්ති අමාත්‍ය කංචන විජේසේකර මහතා තොරතුරු හෙළි කළේය.

ලබන මාසයට අදාළව සිදුකිරිමට නියමිත ඉන්ධන මිල සංශෝධනය හේතුවෙන් ඉන්ධන හල් 162ක් පමණ සියයට 50ක තොගය පවත්වාගෙන යාමට කටයුතු කර නොමැති බව විදුලි බල හා බලශක්ති අමාත්‍ය කංචන විජේසේකර මහතා කියයි.

රිදීමාලියද්ද යකහල්පොත ගම්මානයේ කාන්තාවක ඝාතනය කර වැසිකිළි වගකට දමා ඝාතනයක් වසංකල බවට සැකපිට වසර දෙක හමාරකය පසු 29 දින පිය පුතු දෙපලක් අත් අත් අඩංගුවට ගත් බව පොලිසියි කියයි, 2021 වසරේ පෙබරවාරි මාසයේ දිනක රාත්‍රි කාලයේදි තම බිරිදට සිදු කල පහරදීමකින් අනතුරුව ඇය මරණයට පත්වීමෙන් පසු පුත්‍රයා සමග එක්ව බිරිද වැසිකිළි වලකට දමා මිහිදන් කල බව කියමින් මරණයට පත්වු කාන්තාගේ ස්වාමියා පොලිසියට පාපෝච්චාරණය කර තිබේ,

ගම්පහ නගරය ආශ්‍රිතව සහ නගරයට නුදුරු ප්‍රදේශයක පාසල් දෙකක සිසුවියන් දෙදෙනෙකු ඉකුත් 28 වෙනි සිට අතුරුදහන් බවට පැමිණිලි ලැබී ඇති බව ගම්පහ සහ වැලිවේරිය පොලිස්ථාන සදහන් කරයි.

රාත්‍රී කාලයේ දී විවිධ ප්‍රදේශවල සුපිරි වෙළඳ ප්‍රදර්ශනාගාර බිඳ රුපියල් කෝටියකට ආසන්න වටිනා ජංගම දුරකථන ඇතුළු විදුලි උපකරණ සොරාගත් මාලිගාවත්ත ’’ඩිමෙල් වත්ත කළු ’’නැමැත්තා හා සොර බඩු මිලදී ගත් කියන මාලිගාවත්ත ආර් බි වත්තේ ’’උක්ඔයිල් ’’නැමැති සංවිධානාත්මක අපරාධකරුද අත්අඩංගුවට ගත් බව බස්නාහිර පළාත් දකුණු දිසාව අපරාධ කොට්ඨාසය කියයි

වවුනියාව, පාලමොටෙයි ප්‍රදේශයේ වෙඩි වැදීමකින් මියගිය තරුණයෙකුගේ මළසිරුරක් ඊයේ (29) දින සොයාගත් බව වවුනියාව, ඕමන්ත පොලිසිය පවසයි.

ඉන්දීය සම්භවයක් ඇති උඩරට කඳුකරයේ දෙමළ ජනතාව මෙරටට පැමිණ වසර 200 ක් ගතවීම, උඩරට වතුකරයේ අධ්‍යාපන කටයුතු හා ධීවර ගැටළු සම්බන්ධයෙන් තමිල්නාඩු මහ ඇමති එම්. කේ. ස්ටාලින් මහතා සමග විශේෂ සාකච්ඡාවක් පැවැත්වීමට ලංකා කම්කරු කොංග්‍රසයේ මහ ලේකම් හා ජල සම්පාදන හා වතුයටිතල පහසුකම් සංවර්ධන අමාත්‍ය ජීවන් තොණ්ඩමන් මහතා පියවර ගනු ලැබීය.