පුරෝකථනයන් අනුව දැන් ට්‍රම්ප් පරදා බයිඩන් ඉදිරියට

ඇමෙරිකා එක්සත් ජනපදයේ 2020 ජනාධිපතිවරණයේ මෙතෙක් වාර්තා වී ඇති තොරතුරු අනුව, ඡන්දය ප්‍රකාශ කිරීමේ ක්‍රමවේදයන්හි වෙනස්වීම සැලකිල්ලට ගෙන නිල නොවන මට්ටමේ ප්‍රතිඵල ඇමෙරිකානු මාධ්‍ය පුරෝකථනය කරමින් සිටියි.

ඒ අනුව මෙතෙක් ප්‍රකාශිත ඡන්දවලින් ඡන්ද සමූහ (electoral college) වැඩි ප්‍රමාණයක් ජයගැනීමට ජෝ බයිඩන් සමත්ව ඇති බවත්, ට්‍රම්ප් ඊට පසු පසින් සිටින බවත් කියයි. නමුත් මෙය අවසාන ප්‍රතිඵල අනුව ප්‍රාන්තයේ ජයග්‍රහණය ලෙස සැලකිය නොහැකි අතර, විශ්ලේෂණාත්මක පුරෝකථනයන් පමණක් ලෙස මාධ්‍ය වාර්තා පෙන්වා දෙයි.

මැතිවරණයේ පූර්ව ප්‍රතිඵලවලින් අවසාන ප්‍රතිඵලය පුරෝකථනය කළ නොහැකි අතර, අවසානයේදී වැඩිම ජනතා ඡන්දය ලබාගත් තැනැත්තාට වඩා, ඡන්ද සමූහයන් (electoral college) ලබාගත් තැනැත්තා ජනාධිපති ධුරයට පත්වෙයි.