පූටින් සහ මැක්‍රොන් සබඳතා අලුත් කිරීමේ සාකච්ඡාවකට

රුසියාවේ සහ ප්‍රංශයේ ජනාධිපතිවරු යුක්‍රේනයේ සහ ලිබියාවේ තත්ත්වයන් ඇතුළු යුරෝපා සංගමය අතර සබඳතා අලුත් කිරීම සම්බන්ධයෙන් දුරකථන ඇමතුමකින් සාකච්ඡා කළ බව ජනාධිපතිවරු දෙදෙනාම ප්‍රකාශ කළහ.

නිවේදනයක් නිකුත් කරමින් ක්‍රෙම්ලිනය කියා සිටියේ රුසියානු ජනාධිපති ව්ලැඩිමීර් පූටින් සහ ඔහුගේ ප්‍රංශ සගයා වන එමානුවෙල් මැක්‍රොන්, ලිබියානු ප්‍රධාන බලවේගයන්ගේ මැදිහත්වීමෙන් දේශපාලන ක්‍රියාවලිය තවදුරටත් ප්‍රවර්ධනය කිරීමේ ඔවුන්ගේ අභිලාෂය අවධාරණය කළ බවයි.

යුක්‍රේනය සම්බන්ධයෙන් පූටින් සහ මැක්‍රොන් 2015 මින්ස්ක් පැකේජය අඛණ්ඩව ක්‍රියාත්මක කිරීමේ අරමුණින් සාකච්ඡා තීව්‍ර කිරීමට එකඟ වූහ. එසේම රුසියාව සහ යුරෝපා සංගමය අතර සබඳතා වර්ධනය කිරීමේ අපේක්ෂාව මෙන්ම ද්විපාර්ශ්වික සහයෝගීතාව පිළිබඳවද නායකයන් දෙදෙනා සාකච්ඡා කළහ.