තලේබාන් සංවිධානය ඇෆ්ගන් පළාත් අගනුවර බලය අල්ලයි

තලේබාන් සංවිධානය ඇෆ්ගනිස්ථානයේ පළාත් අගනුවර බලය අල්ලා ගනිමින්, ඇමෙරිකාව ප්‍රමුඛ බටහිර පිටුබලය ලත් පාලනාධිකාරයට ද්විත්ව පහරයක් එල්ල කරමින් රජයේ ඉහළම මධ්‍ය ප්‍රකාශකවරයාද ඝාතනය කර තිබේ.

දකුණු නිම්රොස් පළාතේ පොලිස් ප්‍රකාශකයෙකු කියා සිටියේ රජයෙන් ශක්තිමත් පිටුබලයක් නොමැතිකම හේතුවෙන් සාරංජ් අගනුවර දැඩි ඉස්ලාම්වාදීන් අතට පත්වූ බවයි.

එක්සත් ජනපදය ප්‍රමුඛ හමුදා විසින් 2001දී තලේබාන් සංවිධානය බලයෙන් පහ කිරීමෙන් පසු දැඩි ඉස්ලාමීය නීතිය නැවත ස්ථාපිත කිරීමට තලේබාන් සංවිධානය සටන් කළේය. වසර 20ක යුද්ධයෙන් පසු විදේශීය බලවේග සිය හමුදා ඉවත් කර ගැනීම අවසන් කරන විට එක්සත් ජනපදයේ සහාය ලබන රජය පරාජය කිරීමේ මෙහෙයුම තලේබාන් සංවිධානය ක්ෂණිකව උත්සන්න කර තිබේ.

ඒ අනුව තලේබාන් සංවිධානයට පසුගිය මාස කිහිපය තුළ දිස්ත්‍රික්ක රැසක් නතුකර ගැනීමට හැකිවූ අතර, විදේශීය හමුදා ඉවත් වනවිට බටහිර හේරත් සහ දකුණේ කන්දහාර් ඇතුළු පළාත් අගනගර කිහිපයකට බලපෑම් එල්ල කළහ.

2020 පෙබරවාරි මාසයේදී එක්සත් ජනපද හමුදා ඉවත් කර ගැනීම සඳහා එක්සත් ජනපදය තලේබාන් සංවිධානය සමග ගිවිසුමකට එළැඹීමෙන් පසු කණ්ඩායම අත්පත් කරගත් පළමු වැනි පළාත් අගනුවර සාරංජ් ය. ප්‍රාදේශීය ආරංචි මාර්ගයක් පැවසුවේ තලේබාන් සංවිධානය විසින් ආණ්ඩුකාර කාර්යාලය, පොලිස් මූලස්ථානය සහ ඉරාන දේශසීමාව ආසන්නයේ පිහිටි කඳවුරක්ද අල්ලා ගත් බවයි.

තලේබාන් ආරංචි මාර්ග පැවසුවේ කණ්ඩායම උත්සවය සමරමින් සිටි අතර, සාරංජ්ගේ බිඳවැටීම අනෙකුත් පළාත්වල සිටින ඔවුන්ගේ සටන්කරුවන්ගේ චිත්ත ධෛර්යය ඉහළ නංවන බවයි. තලේබාන් අණදෙන නිලධාරියෙක් පවසා තිබුණේ, එය ඉරානයේ මායිමේ වන බැවින් උපායමාර්ගික වැදගත්කමක් ඇති බවයි.

"මෙය ආරම්භයක් පමණයි. අනෙක් පළාත් ඉතා ඉක්මනින් අපේ අතට පත් වන ආකාරය බලන්න" ඔහු පැවසීය.