කොවිඩ් නිසා මිලියන ගණන් නයිජීරියානුවන් කුසගින්නේ

කොවිඩ්-19 අප්‍රිකාවේ වඩාත්ම ජනාකීර්ණ රට හා විශාලතම ආර්ථිකයට පහර දෙමින් අත්‍යවශ්‍ය ආහාර ද්‍රව්‍යවල මිල 30%ක් හෝ ඊටත් වඩා වැඩි අගයකින් ඉහළ ගොස් තිබේ.

කලක් ශක්තිමත් මූල්‍යමය පදනමක් මත සිටි නයිජීරියානුවන් මිලියන ගණනකට තවදුරටත් තමන් හෝ තම පවුල් විශ්වාසදායක ලෙස පෝෂණය කිරීමට නොහැකි තත්ත්වයක් උද්ගතව ඇති බව කියයි.

බ්‍රහස්පතින්දා ඊසානදිග නයිජීරියාවේ ආහාර බෙදාහැරීමේ වැඩසටහනකදී කාන්තාවන් හත් දෙනෙකු අධික තදබදය හේතුවෙන් පෑගී මිය ගොස් ඇත.

ලෝක බැංකුවට අනුව නයිජීරියාවේ කුටුම්භයන්ගෙන් 18%ක අවම වශයෙන් එක් වැඩිහිටියෙකුවත් මේ වනවිට මුළු දවසම කිසිදු ආහාරයක් නොමැතිව දිවි ගෙවන අතර, වසංගතයට පෙර එය 6%ක් විය.