ඉන්දියාවේ උසේන් බෝල්ට් ජාතික පරීක්ෂාව එපා කියයි

ඔලිම්පික් කෙටි දුර ධාවන ශූර උසේන් බෝල්ට් හා සැසඳෙන ඉන්දියානු මී හරක් ධාවකයෙකු ජාතික මට්ටමේ පරීක්ෂණයකට සහභාගී වන ලෙස ඔහුට කළ නිල ආරාධනා ප්‍රතික්ෂේප කර තිබේ.

28 හැවිරිදි ශ්‍රිනිවාස් ගවුඩා, කම්බාලාහි වාර්තාවක් බිඳ දැමුවේ මී හරකුන් සමග මඩ කුඹුරයක මීටර් 142ක් දුර දිවෙන ක්‍රීඩාවක් ලෙසිනි.

ඔහු තත්පර 13.42කින් එම තරගය අවසන් කළ බව කියැවෙන අතර බෝල්ට් තත්පර 9.58ක ලෝක මීටර 100 වාර්තාව තබා ඇත.

ඔහුගේ දස්කම් පිළිබඳ පුවත ප්‍රාදේශීය ප්‍රවෘත්ති හා සමාජ මාධ්‍ය හරහා පැතිර යාමත් සමග ක්‍රීඩා අමාත්‍යවරයාගෙන් ඉල්ලීමක් ඉදිරිපත් විය.

නමුත් ගෞඩා මාධ්‍ය වෙත පවසා තිබුණේ ජාතික කෙටිදුර ධාවන පරීක්ෂණයන්ට යාමට ඔහුට නොහැකි වනු ඇති බවයි. "මගේ පාදයක් ආබාධයකට ලක්ව ඇති අතර, කොහොම වෙතත් මගේ අවධානය යොමු වී ඇත්තේ කම්බල වෙතය. මම කුඹුරුවල මී හරකුන් සමඟ දුවන්නට පුරුදු වී සිටින කෙනෙක්."

ගෞඩා මේ මස මුලදී දකුණු කර්නාටක ප්‍රාන්තයේ මීහරක් ධාවනයේ කැපී පෙනුණු අයෙකි. නමුත් පසුගිය සතියේ අග භාගයේදී පමණක් වාර්තාගත ධාවන තරඟයේ වීඩියෝ වෛරල් වීමට පටන් ගත් අතර, එහි ට්විට් පණිවුඩය ක්‍රීඩා නිලධාරීන්ගේ සහ දේශපාලඥයන්ගේ අවධානයට ලක්විය.

ක්‍රීඩා අමාත්‍ය කිරන් රිජිජු සෙනසුරාදා ට්විටර් පණිවුඩයක් නිකුත් කරමින් කියා සිටියේ ගවුඩා ගෙන්වා ගැනීමට සියලු පහසුකම් සලසා ඇති බවත්, ඔහුට ඉන්දියානු ක්‍රීඩා අධිකාරිය (SAI) විසින් පවත්වාගෙන යනු ලබන මධ්‍යස්ථානයට ගොස් නිල පරීක්ෂාවන්ට සම්බන්ධ විය හැකි බවත්ය.