පැරීසියට ළඟදීම සංක්‍රමණික කඳවුරක්

උතුරදිග පැරීසියේදී ඉදිරි සති හය තුළ සංක්‍රමණිකයන් වෙනුවෙන් කඳවුරු ඉදිකරන බව පැරිස් නගරාධිපතිනිය කියයි.

අදාළ කඳවුර ඉදිකිරීම සඳහා යෝග්‍යතම ස්ථානය පිළිබඳ ඉදිරි දින කිහිපයේදී සිදුකරන නිරීක්ෂණයන්ගෙන් පසුව එම කඳවුරු ඉදිවන ස්ථානය පිළිබඳ නිවැරදිම තොරතුරු ලබාදෙන බව නගරාධිපතිනී ඈන් හිඩල්ගෝ පවසයි.

මේ වනවිට සිය ගණනක් සංක්‍රමණිකයන් නගරය පුරා තැනිත් තැන කඳවුරු බැඳ සිටින බව කියැවෙයි.

එමෙන්ම, යුරෝපය වෙත ඇතුළු වීමට උත්සාහ කිරීමෙන් පසුගිය සතිය අවසානයේදී මධ්‍යධරණී මුහුදු කලාපයේදී මියගිය සංක්‍රමණිකයන් සංඛ්‍යාව 1,000 ඉක්මවා ඇති බවද විදෙස් වාර්තා පෙන්වා දෙයි.