තායිලන්තයෙන් අවයව ජාවාරමක් හෙළිවෙයි

බිළිඳෙකුගේ හිසක් ඇතුළු මිනිස් අවයව එක්සත් ජනපදය වෙත රැගෙන යෑමේ ජාවාරමක් හෙළි කරගැනීමට තායිලන්ත ආරක්ෂක අංශ සමත් වී තිබේ.

එක්සත් ජනපදයේ පිහිටි ලිපිනයකට ඉහත කී මිනිස් අවයව තැපැල් කිරීමට නියමිතව තිබියදී මෙම තොරතුරු අනාවරණය කරගෙන තිබේ.

මේ සම්බන්ධයෙන් සැකපිට අත්අඩංගුවට ගත් පුද්ගලයන් දෙදෙනාගෙන් පසුගිය සෙනසුරාදා ප්‍රශ්න කර ඇති අතර නැව් ගබඩාවක ඇසුරුම් පෙට්ටියක් තුළ තිබී මිනිස් අවයව සොයා ගැනීමෙන් අනතුරුව පොලිසිය ඔවුන් නිදහස් කර තිබේ.

මේ අතර ප්‍රශ්න කිරීමෙන් පසු ඇමෙරිකානුවන් දෙදෙනා තායිලන්තයේ සිට කාම්බෝජට ගොස් ඇති බව වාර්තා වේ.

කල් තබා ගත හැකි වන සේ ඖෂධ ගල්වනු ලැබූ මිනිස් පාදයක්, පච්ච කෙටූ මිනිස් සමක් සහ හෘදය වස්තුවක්ද අවයව ඇසුරුම් බහාලන තුළ තිබී සොයා ගෙන තිබේ.