ජපාන අගමැති හදිසි මැතිවරණයක් කැඳවයි

ජපාන අගමැති ෂින්සෝ අබේ හදිසි මහ මැතිවරණයක් කැඳවා ඇති බව විදෙස් පුවත් සේවා වාර්තා කරයි.

ජපාන මහ මැතිවරණය පැවැත්වීමට වසර දෙකක්තිබියදී ජපාන අගමැතිවරයා මෙසේ හදිසි මැතිවරණයක් ලබන දෙසැම්බර් මාසයේදී කැඳවා තිබේ.

මාධ්‍ය හමුවක් කැඳවමින් අගමැතිවරයා මෙම සතිය අවසානයේදී පාර්ලිමේන්තුව විසුරුවා හරින බව පවසා තිබේ.

දළ දේශීය නිෂ්පාදනය ශීඝ්‍රයෙන් පහළ යමින් තිබූ ජපාන ආර්ථිකය යළි අවපාතයකට ලක්වෙමින් පවතින පරිසරයක් තුළ ජපාන අගමැතිවරයාගේ ජනප්‍රියත්වයද පහළ යමින් පැවති බව කියැවෙයි.

කෙසේ වෙතත්, දෙසැම්බර් මැදදී පැවැත්වෙන මැතිවරණය ජයග්‍රහණය කිරීමට ෂින්සෝ අබේ බලාපොරොත්තු වෙයි.

ජපානය ලෝකයේ තෙවන විශාලතම ආර්ථිකය ලෙස සැලකෙයි.