චීන හා ඇමෙරිකානු නායක දෙපළ අතර හමුවක් ළඟදීම

චීන ජනපති ෂී ජින්පින් සහ ඇමෙරිකානු ජනපති ඩොනල්ඩ් ට්‍රම්ප් අතර හමුවක් ළඟදීම සිදුවීමට නියමිත බව විදෙස් වාර්තා පවසයි.

චීන රජය නිවේදනය කරන පරිදි ෆ්ලොරීඩා හි ට්‍රම්ප්ට අයත් මාර්-අ-ලාර්ගෝ රිසෝට් හිදී අප්‍රේල් 6 සහ 7 යන දිනවල මෙම හමුව සංවිධානය වීමට නියමිතය.

ලෝකයේ ප්‍රබලම ආර්ථිකයන් දෙකට හිමිකම් කියන ඇමෙරිකාව හා චීනය අතර වෙළෙඳ ගනුදෙනු මෙන්ම, උතුරු කොරියානු න්‍යෂ්ටික වැඩපිළිවෙළ මෙම හමුවෙහි ප්‍රධාන මාතෘකා බවට පත්වනු ඇත.