9 11 පෙන්ටගන් ප්‍රහාරයේ නොදුටු දසුන්

2001 වසරේ සැප්තැම්බර් 11 වැනිදා ඇමෙරිකාවේ ලෝක වෙළෙඳ මධ්‍යස්ථානය හා පෙන්ටගනය ඉල්ල කරමින් එල්ල වූ ඉස්ලාම් ත්‍රස්ත ප්‍රහාරයේ, පෙන්ටගනයට සිදුවූ විනශය දැක්වෙන ඡායාරූප කිහිපයක් FBI ආයතනය විසින් ප්‍රථම වරට මාධ්‍යය වෙත ඉදිරිපත් කර තිබේ.

ඡායාරූප 27කින් යුතු මෙම ඡායාරූප එකතුවේ ප්‍රහාරයෙන් පසුව ගිනිගෙන දැවෙන පෙන්ටගන් ගොඩනැගිල්ලේ ගිනිදැල් අතර සටනක නිරත වන ගිනි නිවන භටයන්, මුදාගැනීමේ කණ්ඩායම් මෙන්ම සුන්බුන් අතර සොදිසි සිදුකරන භටයන් හා විනාශයේ හානිය මොනවාට පැහැදිලි වෙයි.

වර්ජීනියා සිට ලොස්ඇන්ජලීස් දක්වා පියාසර කරමින් තිබූ ඇමෙරිකන් ගුවන් සේවයට අයත් 77 දරණ ගුවන් යානය එදින වේලාවෙන් උදෑසන 9.37 ට පෙන්ටගනයේ හප්පවා පුපුරුවා හැරීමට අල්කයිඩා ඉස්ලාම් ත්‍රස්තයන් ක්‍රියා කළේය.

ඇමෙරිකානු බලධාරීන් පවසන පරිදි එම ගුවන් යානය පෙන්ටගනයේ පළමු හා දෙවැනි මහල් අතර වැදී තිබූ අතර, ප්‍රහාරයෙන් පුද්ගලයන් 184 දෙනෙකු ජීවිතක්ෂයට පත්විය.