ඇමෙරිකා එක්සත් ජනපදයේ 242 වැනි නිදහස් දින සැමරුම

ඇමෙරිකා එක්සත් ජනපදයේ 242 වැනි නිදහස් දින සැමරුම ඊයේ (04දා) ඉතා උත්කර්ෂවත් අන්දමින් සරමනු ලැබීය.

බ්‍රිතාන්‍ය අධිරාජ්‍යයෙන් ඇමෙරිකානු කොලනි 13ක් එක්ව ඇමෙරිකා එක්සත් ජනපදය නමැති රාජ්‍ය බිහි කිරීම වර්ෂ 1776 ජූලි 04 වැනිදා සිදුවිය.

මෙය නිල වශයෙන් පිළිගනු වස් ඇමෙරිකානු කොංග්‍රසය ඇමෙරිකානු නිදහස පිළිගැනීම වෙනුවෙන් වූ ඡන්දය පාවිච්චි කර තිබුණේ ඊට දින දෙකකට පෙර එනම්, ජූලි 02දාය.

එදාමෙදා තුර ඇමෙරිකා එක්සත් ජනපදයේ නිදහස් දිනය යනු ගිණිකෙළි, පෙරහර, බාබක්‍යු, කානිවල්, වෙළෙඳ සැණකෙළි, පික්නික්, සංදර්ශන, පැසිපන්දු තරග, විරසකයන් අමතක කිරීම මෙන්ම දේශපාලඥයන්ගේ කතා සහ නිවේදන කරළියට පැමිණෙන අවස්ථාවක් ලෙස ප්‍රකටය.