සමාගම් මූල්‍ය ප්‍රතිඵල, වාර්ෂික වාර්තා සඳහා අතිරේක මසක්

2020 දෙසැම්බර් 31 සහ 2021 මාර්තු 31 දිනෙන් අවසන් වූ මූල්‍ය වර්ෂය සඳහා ලැයිස්තුගත සමාගම්වලට ඔවුන්ගේ වාර්ෂික වාර්තා සහ අතුරු ප්‍රතිඵල පිළිවෙලින් නිකුත් කිරීමට ශ්‍රී ලංකා සුරැකුම්පත් හා විනිමය කොමිෂන් සභාව අතිරේක මාසයක් ලබා දී තිබේ.

කොවිඩ්-19 වසංගත තත්ත්වය යටතේ කොළඹ ව්‍යාපාර වස්තු හුවමාරුවේ ලැයිස්තුගත කිරීමේ නීතිරීතිවලට අනුකූලව ලැයිස්තුගත සමාගම්වලට වාර්ෂික වාර්තා සහ මූල්‍ය ප්‍රකාශන නිකුත් කිරීමට ඇති නොහැකියාව පිළිබඳව අවධානය යොමු කරමින් කොළඹ කොටස් හුවමාරුව විසින් කරනලද නිරූපණයන් සලකා බැලීමෙන් අනතුරුව මෙම පියවර ගෙන තිබේ.

සුරැකුම්පත් හා විනිමය කොමිෂන් සභාවේ නියෝගය 2021 මැයි 31 හෝ ඊට පෙර මූල්‍ය ප්‍රකාශන ඉදිරිපත් කළ යුතු ලැයිස්තුගත ආයතනවලට අදාළ වේ.