ශ්‍රී ලංකන් නව විකුණුම් කාර්යාලයක් අනුරපුරට

ශ්‍රී ලංකන් ගුවන් සමාගමේ විකුණුම් කාර්යාල ජාලය ව්‍යාප්ත කිරීමේ අරමුණින් ආරම්භ කරනලද නවතම ශ්‍රී ලංකන් විකුණුම් කාර්යාලය උතුරුමැද පළාතේ අනුරාධපුර නගරයේදී හෙට (20දා) විවෘත වීමට නියමිතය.

පාරිභෝගිකයන්ගේ පහසුව සඳහා ශ්‍රී ලංකන් ගුවන් සමාගම විසින් පිහිටුවනලද නවවැනි විකුණුම් කාර්යාලය ලෙස මෙය සැලකෙයි. මෙම කාර්යාලය විවෘත කිරීමත් සමග සංචාරක විධි පහසු කිරීම සඳහා අවශ්‍ය සියලුම කාර්යයන් එකම ස්ථානයකින් කරගැනීමට පාරිභෝගිකයන්ට අවස්ථාව උදාවනු ඇති බව එම සමාගම පවසයි.

මෙම විකුණුම් කාර්යාලයේ මගී නියෝජිත මෙහෙයුම්කරු ලෙස කටයුතු කරනු ලබන්නේ Travel Care Global (Pvt) Ltd ආයතනය වන අතර නො:522/1-C මෛත්‍රීපාල සේනානායක මාවත, අනුරාධපුර යන ස්ථානයේදී මෙම කාර්යාලය විවෘත වීමට නියමිතය.