යාපනය ගුරුනගර් මහල් නිවාස සංකීර්ණය ජනතා අයිතියට

කොටි ත්‍රස්තවාදීන‍්ගේ ප්‍රහාරයෙන් විනාශ වූ යාපනය ගුරුනගර් මහල් නිවාස සංකීර්ණය රු.මිලියන 100ක වියදමින් සම්පූර්ණයෙන් ප්‍රතිසංස්කරණය ජනතා අයිතියට පත්කිරීම 15 වැනිදා ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්‍ය විමල් වීරංවශ මහතාගේ ප්‍රධානත්වයෙන් සිදු කෙරිණි.

“ජනසෙවණ” නිවාස දස ලක්ෂයේ නිවාස හා ජනාවාස සංවර්ධන මෙහෙයුමට සමගාමීව ක්‍රියාත්මක නඟමු පුරවර වැඩසටහන යටතේ යාපනය ගුරු නගර් මහල් නිවාස ව්‍යාපෘතිය මුළුමනින්ම ප්‍රතිසංස්කරණය කෙරුණු බව පැවසෙයි.

1985 වර්ෂයේදී ආරම්භ කරන ලද යාපනය ගුරුනගර් මහල් නිවාස ව්‍යාපෘතිය මහල් 5කින් සමන්විත ගොඩනැගිලි 8කින් යුක්තය. 

ගුරු නගර් නිවාස ව්‍යාපෘතිය ප්‍රතිසංස්කරණය කර දෙන ලෙස සාම්ප්‍රදායික කර්මාන්ත හා කුඩා ව්‍යවසාය සංවර්ධන අමාත්‍ය ඩග්ලස් දේවානන්දා මහතා විමල් වීරවංශ අමාත්‍යවරයාගෙන් ඉල්ලීම් කර තිබුණඅ අතර, 2013 වර්ෂයේ අප්‍රේල් මාසයේදී විමල් වීරවංශ අමාත්‍යවරයා විසින් විනාශ වූ ගුරු නගර් නිවාස ව්‍යාපෘතිය නිරීක්ෂණය කිරීමෙන් අනතුරුව එහි ප්‍රතිසංස්කරණ කටයුතු ජාතික නිවාස සංවර්ධන අධිකාරියට පවරන ලදී. 

ඒ අනුව ජාතික නිවාස සංවර්ධන අධිකාරියේ මෙහෙයවීම මත ශ්‍රී ලංකා රාජ්‍ය ඉංජිනේරු සංස්ථාව විසින් මෙහි ප්‍රතිසංස්කරණ කටයුතු සිදුකළ අතර වසරක් ඇතුළත සියලු ප්‍රතිසංස්කරණ කටයුතු අවසන් කරන ලදී.