මාර්කෝ පියරේ වයිට් ශ‍්‍රී ලංකාවේ සංචාරයක

සුප්‍රකට අවහන්හල්කරුවකු, ප්‍රවීණ ඔස්ට්‍රේලියානු සූපවේදී විනිසුරුවරයෙකු, නම් දැරූ සූපවේදියකු, රූපවාහිනී වැඩසටහන් මෙහෙයවන්නකු මෙන්ම බි‍්‍රතාන්‍ය සම්භවයක් ඇති සූපවේදී ගත්කතුවරයෙකුද වන මාර්කෝ පියරේ වයිට් ලබන වසර මුලදී ශ්‍රී ලංකාවේ සංචාරයක නිරත වීමට නියමිතය.

සුවිශේෂී නිපුණත්වයෙන් යුත් නිර්මාණාත්මක කාර්යයකට මුලපුරමින් Cinnamon Hotels & Resorts විසින් සංවිධානය කෙරෙන මෙම සංචාරය සඳහා, ශ්‍රී ලංකාවේ ජාතික ගුවන් සේවය වන ශ්‍රී ලන්කන් එයාර්ලයින්ස් හි පියාසර අනුග්‍රහය හිමිවන බවද පෙන්වා දෙයි.

ඒ අනුව, 2016 ජනවාරි 18 සිට 31 වැනිදා දක්වා ශ‍්‍රී ලංකාවේ සංචාරයක නිරත වන පියරේ, 'මිචෙලින්’ තරු 3ක් දිනාගැන්මට සමත් වූ ළාබාලතම සූපවේදියාද වේ. ඔහු විසින් ශ්‍රී ලංකාවේ ආගන්තුක සත්කාර ක්ෂේත්‍රයේ වෘත්තිකයන් සහ සුප්‍රකට පුද්ගලයන් සඳහා Cinnamon Hotels & Resorts විසින් සංවිධානය කරනු ලබන විවිධ වැඩසටහන් කිහිපයකදී තම ඉවුම් පිහුම් වෙසෙසියාවන් ප්‍රදර්ශනය කිරීමටද නියමිතය.