ජපාන ආයෝජන සමුළු සාර්ථකයි - ලක්ෂ්මන් යාපා

මෑතකදී ශ්‍රී ලංකාවේ සංචාරයක යෙදුණු ජපාන අගමැතිවරයාගේ මගපෙන්වීම අනුව ශ්‍රී ලංකා ආයෝජන මණ්ඩලය ටෝකියෝ මිට්ෂුබිසි බැංකුව සහ මිසුහෝ බැංකුව මගින් ශ්‍රී ලංකාවේ දැනට පවතින ආර්ථික ප්‍රගතිය සැලකිල්ලට ගනිමින් කලාපය තුළ විදේශ ආයෝජන ප්‍රවර්ධනය කිරීමට ශ්‍රී ලංකා ආයෝජන මණ්ඩලය සමග අවබෝධතා ගිවිසුම් දෙකකට එළඹුණු බවත්, ඒ අනුව යමින් පසුගිය 19 සිට 25 වැනිදා දක්වා ඉතා සාර්ථක ආයෝජන සමුළු දෙකක් ඔසාකා හා ටෝකියෝ නගරවලදී පැවැත්වූ බවත් ආයෝජන ප්‍රවර්ධන අමාත්‍ය ලක්ෂ්මන් යාපා අබේවර්ධන මහතා පවසා සිටියේය.

අමාත්‍යවරයා මෙසේ පවසා සිටියේ එම ආයෝජන සමුළු හා වත්මන් ආයෝජන ප්‍රවර්ධන කාර්යයන් පිළිබඳව මාධ්‍ය දැනුම්වත් කරමින් අද (30දා) අමාත්‍යාංශයේ පැවති හමුවකදීය.