කොටස් වෙළෙඳ පොළ යෙදුම iTunes තුළින්

iOS  ජංගම දුරකථන උපාංග භාවිත කරන්නන්ට කොළඹ කොටස් වෙළෙඳ පොළෙහි යාවත්කාලීන වූ හා සජීවී තොරතුරු ඉතා පහසුවෙන් iTunes හරහා ලබාගැනීමට  iOS  ජංගම දුරකථන යෙදුමක් හඳුන්වාදීම කොළඹ ව්‍යාපාර වස්තු හුවමාරුව කටයුතු යොදා තිබේ.

මේ හරහා ආයෝජකයන්ට වෙළෙඳ පොළ සාරාංශය, සියලු කොටස් මිල දර්ශකයෙහි හා S & P ශ්‍රී ලංකා 20 දර්ශකයෙහි ප්‍රස්ථාරික තොරතුරු,  නවතම ගනුදෙනු, සාංගමික නිවේදන, කොටස් මිල ගණන්, කොටස් මිල ගණන්වල ඉහළම වර්ධනයක් හා අවවර්ධනයක් පෙන්නුම් කරන ලද සමාගම්, ලැයිස්තුගත සුරැකුම්පත්වල විස්තර, පෞද්ගලික ආයෝජන කළඹ පිරික්සුම ආදී තොරතුරු සිංහල, ඉංග්‍රීසි හා ද්‍රවිඩ යන භාෂා ත්‍රිත්වයෙන්ම  ඕනෑම තැනක සිට ක්ෂණිකව ලබාගත හැකි බව කියයි.