කන්ස්ට්‍රක් 2014 ඇරඹෙයි

‘කන්ස්ට්‍රක් 2014’ ඉදිකිරීම් ප්‍රදර්ශනය අද (8දා) කොළඹ සිරිමාවෝ බණ්ඩාරනායක අනුස්මරණ සම්මන්ත්‍රණ ශාලා පරිශ්‍රයේදී ආරම්භ වූ අතර, ප්‍රදර්ශනය හෙට (9දා) සහ අනිද්දා (10දා) දිනවලද පැවැත්වීමට නියමිතය.

ජාතික ඉදිකිරීම් සංගමය 14 වැනි වරටත් විසින් වාර්ෂිකව සංවිධානය කරනු ලබන මෙම ප්‍රදර්ශනය තුළින් ඉදිකිරීම් ක්ෂේත්‍රයට සම්බන්ධ නිෂ්පාදන හා සේවා ලබාගැනීමේ හැකියාව පවතින බව සංවිධායකයෝ පවසති.

මෙවර ප්‍රදර්ශනය සඳහා ප්‍රදර්ශන කුටි 300ක් පමණ සමන්විත වන අතර, චීනය, කොරියාව, මැලේසියාව, ජපානය යන රටවල්ද ඊට සහභාගි වී තිබේ.

ප්‍රදර්ශනය රාත්‍රී 08.00 දක්වා විවෘතව පවතී.