ෆයිසර් එන්නත හදිසි භාවිතය වෙත කොලොම්බියා අවසරය

කොලොම්බියාවේ වෛද්‍ය නියාමකයන් විසින් හදිසි භාවිතය සඳහා ෆයිසර් - බයෝඑන්ටෙක් හි කොවිඩ්-19 එන්නත ලබාදී ඇති බව කොලොම්බියානු ජනාධිපති අයිවන් ඩියුක් නිවේදනය කළේය.

සිය දෛනික ප්‍රවෘත්ති සාකච්ඡාවේදී ඩියුක් පැවසුවේ, "මෙය වාර්තාගත වේලාවක සම්පූර්ණ කරන ලද ක්‍රියාවලියක්, දින දෙකකට අඩු කාලයකදී අපගේ විශේෂඥයන් විසින් පිටු 22,000කට වඩා වැඩි ලිපි ලේඛන සමාලෝචනය කළා." යනුවෙනි.

කොලොම්බියාවේ වෛද්‍ය අධිකාරිය වන ඉන්විමා හදිසි භාවිතය සඳහා අවසර දී ඇති පළමු කොරෝනා වෛරසය එන්නත මෙයයි. ඇස්ට්‍රාසෙනෙකා සහ ජොන්සන් ඇන්ඩ් ජොන්සන් සමග ඔවුන්ගේ කොරෝනා වෛරස් එන්නත් සඳහා අනාගත අවසරය ලබාගැනීම සඳහා සාකච්ඡා අඛණ්ඩව සිදුවන බවද ඩියුක් පැවසීය.

මීට පෙර ප්‍රකාශවලදී කොලොම්බියානු රජය ප්‍රකාශ කළේ ෆයිසර් - බයෝඑන්ටෙක් එන්නත මාත්‍රා මිලියන 10ක් ලබාගත් බවයි.