ෆයිසර් එන්නත ආසාත්මිකතා වාර්තාවීම් අසාමාන්‍ය දෙයක් නොවේ - වෛද්‍ය ඇඩම්ස්

ෆයිසර් - බයෝඑන්ටෙක් හි කොවිඩ්-19 වෛරසයට එරෙහි එන්නත සඳහා අසාත්මිකතා ඇතිවීමේ වාර්තා අසාමාන්‍ය හෝ අනපේක්ෂිත දෙයක් නොවන්නේ යැයි එක්සත් ජනපද ශල්‍ය වෛද්‍ය ජෙනරාල් වෛද්‍ය ජෙරොම් ඇඩම්ස් පවසයි.

ඔහියෝ ආණ්ඩුකාර මයික් ඩිවයින් විසින් පවත්වන ලද ප්‍රවෘත්ති සාකච්ඡාවකදී ඇඩම්ස් පැවසුවේ එන්නත් බෙදාහැරීමේ හා ලබාදීමේ පද්ධතිය අඛණ්ඩව ක්‍රියාත්මක වෙමින් පවතින බවත්, ඉතා දුර්ලභ අතුරු ආබාධ ඇතිවීමේ අවස්ථා හඳුනාගෙන ඒවා පිළිබඳ සොයා බලන බවත්ය.

මේ තත්ත්වය තුළ කොවිඩ්-19 ට එරෙහිව එන්නත ලබා ගැනීමට පෙර, තම සෞඛ්‍ය සේවා සැපයුම්කරුගෙන් හෝ පවුලේ වෛද්‍යවරයාගෙන් උපදෙස් ලබා ගන්නා ලෙස ඇඩම්ස් එන්නත්වලට දැඩි අසාත්මික ප්‍රතික්‍රියා ඇති පුද්ගලයන්ට උපදෙස් දුන්නේය.