හෙරොයින්, අයිස්, රත්‍රං හා මුදල් සමග සැකකරුවෙක් අත්අඩංගුවට

හෙරොයින් ග්‍රෑම් 27ක්, අයිස් ග්‍රෑම් 08ක්, කඩු 01, කලා කිරිඤ්ඥන් 01ක්, රන් ග්‍රෑම් 113. 665ක් හා මුදලින් රුපියල් දස ලක්ෂ පන්දාහක් සමග සැකකරුවෙක් අත්අඩංගුවට ගත් බව පොලිස් විශේෂ කාර්ය බළකාය පවසයි.

ජයවර්ධනපුර පොලිස් විශේෂ කාර්ය බළකා නිලධාරීන්ට ලද තොරතුරක් අනුව අද අලුයම ග්‍රෑන්ඩ්පාස් පොලිස් වසමේදී වැටලීමක් කර මෙම අත්අඩංගුවට ගැනීම සිදුකර තිබේ.

සැකකරු අවුරුදු 28ක පුද්ගලයෙක් වන අතර ඔහු පිළිබඳව වැඩිදුර විමර්ශන කිරීම සඳහා රැඳවුම් නියෝග ලබා ගැනීමට නියමිතය.