හමුදා ට්‍රක් රථයක් දුම්රියේ ගැටී 5ක් මරුට
කිලිනොච්චිය දුම්රිය ස්ථානය අසළදී අද (25දා) දහවල් යුද හමුදා ට්‍රක්රථයක් දුම්රියේ ගැටීමෙන් සිදුවූ අනතුරකින් සෙබලුන් 5 මිය ගොස් තවත් සෙබලුන් දෙදෙනෙකු බරපතල තුවාල ලබා ඇති බව කිලිනොච්චිය පොලීසිය පවසයි.
කිලිනොච්චිය දුම්රිය ස්ථානය අසළ පිහිටි යුද හමුදා රෝහලේ සිට සෙබලුන් 7 දෙනෙකු රැගත් ට්‍රක් රථය කිලිනොච්චිය නගරය දෙසට ගමන්කොට ඇති අතර එහිදී දුම්රිය ස්ථානය අසළ පිහිටි 55 මංසන්ධිය අසළ දුම්රිය හරස් මාර්ගයේදී ට්‍රක් රථය ධාවනය කරන අවස්ථාවේදී කොළඹ සිට කන්කසන්තුරෙයි දක්වා ධාවනය වූ නගරාන්තර සීග්‍රගාමි දුම්රියේ ගැටී ඇති බව පොලීසිය පවසයි.
ට්‍රක්රථය දුම්රියේ ගැටීමෙන් එහි ගමන්ගත් සෙබලුන් සිව් දෙනෙකු එම ස්ථානයේම මිය ගොස් සිටි බවත් බරපතල තුවාල ලබා සිටි තවත් යුද හමුදා සෙබලුන් තිදෙනෙකු ප්‍රතිකාර සඳහා කිලිනොච්චිය මහරෝහලට ඇතුළත් කිරීමෙන් පසු තවත් සෙබෙලෙකු මිය ගොස් අති බවත් පොලීසිය පවසයි.
අනෙක් සෙබලුන් දෙදෙනාගේ තත්වයද බරපතල බවට රෝහල් බලධාරීන් පැවසූහ. යුද හමුදා ට්‍රක්රථයේ රියදුරු දුම්රිය නොදැකීම නිසා මෙම අනතුර සිදුව ඇති බවත් අනතුරට මුහුණදුන් සෙබලුන් කිලිනොච්චිය යුද හමුදා රෝහලේ රාජකාරි නිරත සෙබලුන් බවට හඳුනාගෙන ඇති බවත් වැඩිදුර පරික්ෂණ සිදු කරන කිලිනොච්චිය පොලීසිය පැවසීය.
popular news
-
රසික සූරියආරච්චි Tuesday, 25 June 2019 07:08 PM
හමුදා රථවාහන මහාමාර්ග වල ගමන් කරනා ආකාරය යහපත් නැහැ. බොහෝවිට මේ අය වාහන ධාවනය කරන්නේ මාර්ග නීති මායිම් නොකරමින්. ඒකයි මෙවැනි අනතුරු වලට හේතුව.
Reply : 0 0
Champa Wednesday, 26 June 2019 06:50 AM
අය්යෝ අය්යෝ මේ රේල් පාරවල් හරහා යන තැන්වල සිග්නල් සහ ගේට්ටු නැත්ද? කෝච්චියක් එනකොට ලයිට් එකක් පත්තු වෙනවා නේද?
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
