හදිසි භාවිතය සඳහා චිලීය කැන්සිනෝ අනුමත කරයි

චීන සමාගමක් වන කැන්සිනෝ විසින් සංවර්ධනය කරන ලද කොවිඩ්-19 එන්නත හදිසි භාවිතය සඳහා චිලියේ සෞඛ්‍ය නියාමකයා විසින් අනුමත කර තිබේ.

දකුණු ඇමෙරිකානු රට දැවැන්ත එන්නත් කිරීමේ ව්‍යාපාරයක් දියත් කරමින් දෙවැනි ආසාදන රැල්ලක් ඇතිවීම වැළැක්වීම සඳහා දැවැන්ත අරගලයක නිරතව සිටින අවස්ථාවක මෙසේ එන්නතට අනුමැතිය ලබාදී ඇත.

චිලී ජනාධිපති සෙබස්තියන් පිනෙරා මාර්තු මස අවසානයේදී කියා සිටියේ තනි මාත්‍රාවකින් යුත් එන්නතෙහි මාත්‍රාවන් මිලියන 1.8ක් මිලදී ගැනීමේ ගිවිසුමක් අත්සන් කළ බවයි.

කැන්සිනෝ තනි මාත්‍රාවේ එන්නත චීනය, මෙක්සිකෝව, පාකිස්තානය සහ හංගේරියාව යන රටවල මේ වනවිටත් අනුමැතිය ලබා තිබේ.