හැකි තරම් නිවාසවලම රැදී සිටින්න

පසුගිය දින කිහිපය තුළ බ්‍රැන්ඩික්ස් (Brandix) සමග යම් සම්බන්ධ වූ අයෙක් සිටී නම් ඔවුන් නිවාස තුළම රැඳී සිටින ලෙසත් යම් ස්වසන අපහසුතාවක් හෝ පූර්ණ රෝග ලක්ෂණයක් පවතී නම් ඔවුන් තම ප්‍රදේශයේ සෞඛ්‍ය වෛද්‍ය නිලධාරී දැනුවත් කර වහාම රෝහල්ගත වීම සිදු කරන ලෙස වසංගත රෝග විද්‍යා අංශයේ අධ්‍යක්ෂ විශේෂඥ වෛද්‍ය සුදත් සමරවීර මහතා පැවසීය.

වත්මන් තත්ත්වයත් සමගින් අත්‍යවශ්‍ය කටයුතු සඳහා පමණක් සමාජයට පැමිණ හැකි තරම් නිවාසවලම රැ‍‍දෙන ලෙසත් ජනතාව විශාල වශයෙන් ඒකරාශී වන අවස්ථා හැකි පමණින් සීමා කරන ලෙසද ඒ මහතා මෙහිදී උපදෙස් ලබා දෙන ලදී.

ඉදිරියේ පැවැත්වීමට නියමිත විභාග කටයුතු නොපැවැත්වීමට මේ වන විටත් කිසිදු තීරණයක් නොමැති බවත් පවතින තත්ත්වය මත ඉදිරි දින දෙක තුළදී ඒ පිළිබඳව නිශ්චිතව ම දැනුම් දෙන බව ද පැවසීය.

මෙම තත්ත්වය තව දුරටත් සමාජගත වීම ජනතාවගේ සාමාන්‍ය හැසිරීම මත තීරණය වන බවත් නිසි සෞඛ්‍යාරක්ෂිත ක්‍රමවේදයන් අනුගමනය කරමින් ජනතාව තම සහය නිරන්තරයෙන් ලබා දෙන ලෙස ඉල්ලා සිටින බවද ඒ මහතා මෙහිදී පැවසීය.