සහ්රාන් සමග පුහුණු වූ නසීර් TID භාරයට

පාස්කු ඉරිදා ප්‍රහාරයේ මහ මොළකරු වන සහ්රාන් හෂීම් සමග නුවරඑළිය බ්ලැක්පූල් ප්‍රදේශයේදී පුහුණුවිම් ලබා සිටි නිකවැරටිය රස්නායකපුර ප්‍රදේශයේදී අත්අඩංගුවට ගත් සැකකරු ත්‍රස්ත විමර්ශන ඒකකයට භාරදී තිබේ.

අත්අඩංගුවට පත් සැකකරු අවුරුදු 41 ක් වන නිකවැරටියේ පදිංදි රාජ් ගෝපාල් මුදියන්සේලාගේ ස්මයිල් මොහොම්මදු නසීර් වෙයි.

සැකකරු මව්ලවිවරයෙක් වෙන අතර පසුගිය මැයි 01 දා නිකවැරටිය අපරාධ විමර්ශන ඒකකයේ නිලධාරීන් විසින් අත්අඩංගුවට ගනු ලැබීය.

සැකකරු නිකවැරටිය පොලිස් ස්ථානයේ රඳවා තබාගැනීමෙන් අනතුරුව ඊයේ (08දා) වැඩිදුර විමර්ශන සඳහා ත්‍රස්ත විමර්ශන කොට්ඨාසයට භාරදී ඇත.