සීනොෆාම් සහ සීනොවැක් WHO හි අවසන් තක්සේරුව අප්‍රේල් 26 සිට මැයි 3 දක්වා

ලෝක සෞඛ්‍ය සංවිධානයේ හදිසි භාවිත ලැයිස්තුගත කිරීම සඳහා චීනයේ කොවිඩ්-19 මර්දන එන්නත් වන සීනොෆොම් සහ කොරෝනාවැක් (සිනොවැක්) අවසන් අදියරේ පවතින අතර, මෙම අප්‍රේල් 26 සිට මැයි 3 දක්වා කාලය තුළ  එහි අවසාන තීරණයක් ගනු ඇති බව එම සංවිධානයේ නියෝජිතයෙකු පැවසීය.

"අප්‍රේල් 26 වැනි දින එන්නත තක්සේරු කිරීම සඳහා තාක්ෂණික උපදේශක කණ්ඩායම කැඳවා තිබෙනවා. අවම වශයෙන් එන්නත් දෙකෙන් එකක්වත් එදින ඇගයීමට ලක්කරනු ඇති." ලෝක සෞඛ්‍ය සංවිධානයේ නියාමන හා පූර්වසුදුසුකම් පිළිබඳ අධ්‍යක්ෂ වෛද්‍ය රොජෙරියෝ පින්ටෝ ඩි සා ගැස්පාර් පැවසීය.

බලපත්‍ර රහිත එන්නත් තක්සේරු කිරීම සඳහා ලෝක සෞඛ්‍ය සංවිධානයේ අභ්‍යන්තර ක්‍රියා පටිපාටිය වන හදිසි භාවිත ලැයිස්තුව, අඩු හා මධ්‍යම ආදායම් ලබන රටවල් සඳහා එන්නත් සඳහා වඩාත් සාධාරණ ප්‍රවේශයක් සැපයීම අරමුණු කරගත් ලෝක සෞඛ්‍ය සංවිධානයේ මූලිකත්වයෙන් යුත් COVAX පහසුකම යටතේ එන්නත් භාවිතා කිරීම සඳහා අවශ්‍ය වෙයි.