සිංගප්පූරුව, චීන - ඔස්ට්‍රේලියා දේශසීමා සීමාවන් ඉවත් කරයි
චීනයේ සහ ඔස්ට්‍රේලියාවේ සංචාරකයන්ට සිංගප්පූරුව පනවා තිබූ දේශසීමා සංචරණ සීමාවන් නොවැම්බර් 6දා සිට ඉවත් කිරීමට සිංගප්පූරු රජය කටයුතු කර තිබේ.
සිංගප්පූරුවේ සිවිල් ගුවන් සේවා අධිකාරිය (CAAS) කියා සිටියේ මෙම රටවලින් පැමිණෙන අමුත්තන් තම සංචාරයට දින 14කට පෙර චීනයේ ප්‍රධාන භූමියේ හෝ වික්ටෝරියා ප්‍රාන්තයද ඇතුළුව ඔස්ට්‍රේලියාවේ රැඳී සිටියේ නම් ඔවුන්ට රටට ඇතුළු වීම සඳහා අවසර ලබාදෙන බවය.
කෙසේ වෙතත් ගුවන් තොටුපළට පැමිණීමෙන් පසු අමුත්තන්ට කොවිඩ්-19 පරීක්‍ෂණයක් කිරීමට අවශ්‍ය වනු ඇති අතර, එසේ වුවද ඔවුන්ට ස්වයං නිරෝධායනයකට යොමුවීමට අවශ්‍ය නොමැති බව කියයි.
සිංගප්පූරුව මෙම නවතම පියවර ප්‍රකාශයට පත්කිරීමට පෙර ඔස්ට්‍රේලියාවේ වික්ටෝරියා ප්‍රාන්තය හැර සෙසු ප්‍රාන්තවලින්, බෘනායි දරුස්සලාම්, නවසීලන්තය සහ වියට්නාමය යන රටවලින් පැමිණෙන සංචාරකයන් සඳහා දේශසීමා සීමාවන් ඉවත් කිරීමට කටයුතු කරනු ලැබීය.
ඔස්ට්‍රේලියාවේ වික්ටෝරියා ප්‍රාන්තයද කොවිඩ්-19 සටන ජයගැනීම සහ මේ වනවිටත් චීනය කොවිඩ්-19 සටන ජයගෙන තිබීම සිංගප්පූරුව මේ ආකාරයෙන් සිය දේශසීමා සංචරණ සීමාවන් ඉවත් කිරීමට හේතු වී ඇත.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
