ශ්‍රී ලංකාවට 3-0ක පරාජයක්

සත්කාරක නවසීලන්ත කණ්ඩායම හා පැවැති එක්දින තරගාවලියෙන් ශ්‍රී ලංකා කණ්ඩායම 3-0ක පරාජයක් ලැබීය. ඒ දෙරට අතර අද පැවැති තෙවැනි එක්දින තරගයෙන්ද ශ්‍රී ලංකා කණ්ඩායම ලකුනු 115ක පරාජයක්  ලබමිනි.

තරගයේ මුලින්ම පන්දුවට පහරදුන් නවසීලන්ත කණ්ඩායම ලකුණු 364/4ක් ලබා ගැනීමට සමත්විය. රොස් ටේලර් (137), හෙන්රි නිකොලස් (124*) ශතක වාර්තා කිරීමට සමත්වූහ. ශ්‍රි ලංකාව වෙනුවෙන් ලසිත් මාලංග කඩුලු 3/93 (පන්දුවාර 10)  ලබාගැනීමට සමත්විය.

මෙම තරගයේදී ශ්‍රී ලංකා කණ්ඩායම වෙනස්කම් කිහිපයක් සමගින් තරග කරනු ලැබීය. ඒ සීක්කුගේ ප්‍රසන්න, දිනේෂ් චන්දිමාල් හා අසේල ගුණරත්න වෙනුවට ධනංජ ද සිල්වා, දසුන් ශානක හා දුෂ්මන්ත චමීර කණ්ඩායමට කැඳවමිනි.

කෙසේ වෙතත් ලකුණු 365 ක ජයග්‍රාහී ඉලක්කයක් හඹා යෑමට පිටියට පිවිසි ශ්‍රී ලංකා කණ්ඩායමට පන්දුවා 41.4කදී සියලු දෙනා දැවී රැස්කිරිමට හැකිවූයේ ලකුණු 249ක් පමණි. තිසර පෙරේරා වේගවත් ලකුණු 80ක් රැස්කළ අතර වෙනස් කිසිම ක්‍රීඩකයෙක්ට අර්ධ ශතක රැස්කිරිමට නොහැකි විය. නවසීලන්තය වෙනුවෙන් ෆර්ගසන් කඩුලු 4ක් බිඳ දැමීය.