ශ්‍රී ලංකාව සහ ඉන්දියාව අතර ද්වීපාර්ශවික වෙළඳ සාකච්ඡා සිදු කිරීමට නියමිතයි
ඉදිරි කාලයේ දී ශ්‍රී ලංකාව සහ ඉන්දියාව අතර ද්වීපාර්ශවික වෙළඳ සාකච්ඡා සිදු කිරීමට නියමිත බවත් ඒ සම්බන්ධයෙන් දෙරටේ අග්‍රාමාත්‍යවරුන් අතර සාකච්ඡා සිදුවූ බවත් මුදල් හා ප්‍රාග්ධන වෙළඳපොළ සහ රාජ්‍ය ව්‍යවසාය ප්‍රතිසංස්කරණ පිළිබඳ රාජ්‍ය අමාත්‍ය අජිත් නිවාඩ් කබ්රාල් ප්‍රකාශ කරයි.
අග්‍රාමාත්‍ය මහින්ද රාජපක්ෂ සහ ඉන්දීය අග්‍රාමාත්‍ය නරෙන්ද්‍ර මෝදි අතර සැප්තැම්බර් 26 දින සිදුවූ සාකච්ඡාව සම්බන්ධයෙන් පැහැදිළි කිරීම සඳහා රජයේ ප්‍රවෘත්ති දෙපාර්තමේන්තු පරිශ්‍රයේ අද (28) දින පැවති ප්‍රවෘත්ති සාකච්ඡාවේදී අමාත්‍යවරයා මේ බව පැවසීය.
ඉදිරි කාලයේදී වෙළඳ පරතරය සම්බන්ධයෙන් සාකච්ඡාවට ගැනීමට කටයුතු කරන බවත්, මේ වන විට ඉන්දියාවට අප රටෙන් අපනයනය කරන ප්‍රමාණයට වඩා වැඩි ප්‍රමාණයක් ආනයනය කරන බවත්, ඉදිරියේදී මේ සම්බන්ධයෙන් කටයුතු කිරීමට බලාපොරොත්තු වෙන බවත්, අමාත්‍යවරයා වැඩිදුරටත් පැවසීය.
එමෙන්ම ඉදිරි කාලයේදී ශ්‍රී ලංකාව සහ ඉන්දියාව අතර ද්වීපාර්ශවික වෙළඳ සාකච්ඡා සහ මුදල් ගණුදෙනු සිදුකිරීමට නියමිත බවත්, ඒවා සම්බන්ධයෙන් දෙරටේ අග්‍රාමාත්‍යවරුන් අතර සාකච්ඡා සිදුවූ බවත් අජිත් නිවාඩ් කබ්රාල් මෙහිදී පැවසීය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
