විජයකලා කී දේ ගැන බලධාරීන් නිහඬයි
තම ස්වාමියා මැරූ බවට සැක කරන කුරිරු ත්‍රස්තවාදී සංවිධානයක පාලනයක් නැවත ඇතිවිය යුතු බව රජයේ රාජ්‍ය ඇමැතිනියක් ප්‍රකාශ කිරීමෙන් පෙනී යන්නෙ නැවත ත්‍රස්තවාදයට මුල පිරීමක ආරම්භයක් බවට සැක උපදින බව ගැටඹේ රාජෝපවනාරාම විහාරාධිපති කැප්පෙටියාගොඩ සිරිවිමල හිමියෝ පැවසූහ.
කැප්පෙටියාගොඩ සිරිවිමල හිමියන් මෙසේ පැවසුවේ රාජ්‍ය ඇමැතිනී විජයකලා මහේශ්වරන් කුරිරු එල්. ටී. ටී. ඊ. සංවිධානය නැවත ගොඩනැගිය යුතු බවට කළ ප්‍රකාශය සම්බන්ධව මාධ්‍ය වෙත අද (05) අදහස් දක්වමිනි.
30 වසරකට වඩා රට තුළ කුරිරු ත්‍රස්තවාදයක් ඇති කළ එල්. ටී. ටී. ඊ. සංවිධානය පසුගිය මහින්ද රාජපක්ෂ පාලන සමයේ මුලිනුපුටා දැමු බවත් වත්මන් රජයේ රාජ්‍ය ඇමතිනියක ත්‍රස්තවාදය නැවත ගොඩනැගිමට අදහස් කරනවා නම් රටේ ජනතාවට ඉදිරියේදි කාගේ පිළිසරණක් පතන්නට සිදුවේද යන්න බියක් ඇති බවත් නාහිමියෝ සඳහන් කළහ.
රට ගොඩනැගීම සඳහා හිට්ලර් කෙනෙක් වගේ හෝ වැඩ කර ගොඩනගන්නට අසිගිරි අනුනායක හිමියන් කළ ප්‍රකාශය අල්ලාගෙන සිංහල භාෂාවේ සිද්ධාන්ත නොදත් ජනාධිපති හා අග්‍රාමාත්‍යවරයා ඇතුළු චක් ගෝලයන් මොර දී අනුනාහිමියන්ට අපහාස වෙන ලෙස පසු දනියේදිම ප්‍රකාශ කළත් අමාත්‍යවරියගේ ප්‍රකාශ කිරීම දෙස මොවුන් ඇස්කන් පියා බලා සිටීම රජයේ නොහැකියාව ඉස්මතු කර පෙන්වන්නක් බවද නාහිමියෝ සඳහන් කළහ.
චමිල් රුපසිංහ
popular news
-
Champa Thursday, 05 July 2018 04:09 PM
"ජනාධිපති යුග මෙහෙවර" කියලා එකකදී තමන් නැවත LTTE එක ගේනවා කියල රටටම තර්ජනය කරලා තව ජනාධිපතිතුමා ඉලක්ක කරලා කරපු කතාව පිටිපස්සේ අනිවර්යයනෙම යූඑන්පි ආණ්ඩුව ඉන්නවා කියලා ඕනේ කෙනෙක්ට තේරෙනව. විජයකලාට මන්ත්‍රීකමිනුත් ඉල්ලා අස් වෙන්න කියන්නත්තේ ඒකයි. දැන් දඬුවම් නොකලත් අනාගතේ හරි විජයකලාට දඬුවම් දෙන්න ඕනේ.
Reply : 0 0
rocky Saturday, 07 July 2018 07:40 AM
හාමුදුරුවනේ, ක්ෂණික දඬුවම් දීම සඳහා ඉස්සර වගේ දැන් `රෙඩිමේඩ්` බඩු නැහැ. ඒවා තිබුනේ ඔබතුමාගේ බොස්ගෙ ආණ්ඩුව කාලේ!
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
