වසංගතය හමුවේ ලොවපුරා නත්තලට සැරසෙන අයුරු

කොවිඩ්-19 වසංගතය හේතුවෙන් මෙවර ලොව බොහෝ රටවල නත්තල් සැමරුම් සීමා කර ඇති අතර, ජනතාව ඒකරාශී වීම් හැකි තරම් අවම කරන ලෙසට සෞඛ්‍ය බලධාරීන් අවධාරණය කර තිබේ.

කෙසේ වෙතත් වෙනදා මෙන් නිදහසේ නත්තල් සැමරුම් පැවැත්වීමට නොහැකි වුවත්, නත්තල් සැරසිලි වෙනදා තරම් නොතිබුණත්, රාජ්‍යයන් රැසක වීදි නත්තල් සැරසිලිවලින් අලංකාර වී ඇති ආකාරය විදෙස් වාර්තාවල දැකිය හැකි විය.

විශේෂයෙන්ම නත්තලේදී ප්‍රකට නත්තල් සීයා මෙවර බොහෝ කුඩා දරුවන්ට දැකගැනීමට ලැබුණේ විනිවිද පෙනෙන ගෝලයක් තුළිනි. වසංගතය විසින් මෙවර නත්තල් සීයාවද දුරස්කර තිබුණේ එසේය.

වසංගතය හමුවේ වැඩිම පීඩාවට පත් එක්සත් ජනපදයේ මෙන්ම, ලැට්වියාව සහ රුසියාව යන රටවල වීදි නත්තල් සැරසිලිවලින් සරසා තිබුණේ මෙසේය.