වවුනියාව යුදහමුදා කඳවුරේ නිරෝධායනය වූ 32ක් පිටව යති

වවුනියාව, පම්පමඩුව යුද  හමුදා කඳවුරේ ස්ථාපිත නිරෝධායන මධ්‍යස්ථානය තුළ සාර්ථකව නිරෝධායන කටයුතු අවසන් කරන ලද පුද්ගලයින් 32 දෙනෙකු අද (12) එම මධ්‍යස්ථානයෙන් පිටත් වූ බවට වන්නි ආරක්ෂක සේනා මූලස්ථානය පවසයි.

මෙලෙස නිරෝධායන කටයුතු අවසන් කර පිටව ගොස් ඇත්තේ වවුනියාව හා හොරොව්පොතාන ප්‍රදේශයේ පදිංචි පුද්ගලයින් 32  දෙනෙකු වන අතර ඔවුන් පසුගිය දිනයන්හි එම ප්‍රදේශයන්හි වාර්ථා වූ කොරෝනා  ආසාදිත නාවික හමුදා සෙබලුන්ගේ ඥාති සබඳතා සහ සමීපව ඇසුරු කරන ලද පුද්ගලයින්ය.

වන්නි ආරක්ෂක සේනා ආඥාපති මේජර් ජෙනරල් රෝහිත ධර්මසිරි මහතාගේ අධීක්ෂණය යටතේ පැවැත්වු නිරෝධායනය අවසන් කළ පිරිස් වෙත නිරෝධායන සහතික ලබාදීමේ වැඩසටහනකින් අනතුරුව අදාළ කණ්ඩායම නිවෙස් වෙතට යුද හමුදා බස් රථ මගින් පිටත් කෙරිණ.

වැඩසටහන් අවස්ථාවට වන්නි ආරක්ෂක සේනා මූලස්ථානයේ ජ්‍යෙෂ්ඨ යුද හමුදා නිලධාරීන් පිරිසක්ද එක්ව සිටියහ.